فلاڈیلفیا میں پرانے بس ڈپو میں خوفناک آگ بھڑک اٹھی، متعدد بسیں جل گئیں
اشاعت کی تاریخ: 9th, June 2025 GMT
فلاڈیلفیا: شہر کے علاقے ٹیوگا-نائس ٹاؤن میں واقع SEPTA کے مڈ ویلے ڈپو میں جمعرات کی صبح شدید آگ بھڑک اٹھی، جس میں پرانی اور ناقابلِ استعمال قرار دی گئی کئی بسیں جل کر راکھ ہو گئیں۔ خوش قسمتی سے کسی جانی نقصان کی اطلاع نہیں ملی۔
آگ صبح 6:15 بجے کے قریب لگی اور فوری طور پر اسے تھری الارم آگ قرار دے دیا گیا۔ آگ کی شدت اتنی تھی کہ کالا دھواں شہر بھر میں دیکھا گیا، جس سے ٹریفک کی روانی متاثر ہوئی اور متعدد سڑکیں بند کر دی گئیں، خاص طور پر روٹ 1 پر شدید رش دیکھا گیا۔
SEPTA کے ڈائریکٹر آف کمیونیکیشنز اینڈریو بش نے تصدیق کی کہ متاثرہ بسیں سروس سے باہر تھیں اور سکریپ کے لیے تیار کی جا رہی تھیں۔ ان کا کہنا تھا کہ "یہ بسیں پہلے ہی استعمال سے نکالی جا چکی تھیں اور جلد ہی اسکریپ پر بھیجی جانی تھیں۔"
فلاڈیلفیا فائر ڈیپارٹمنٹ کے مطابق، آگ کو صبح 8 بجے تک مکمل طور پر قابو میں لے لیا گیا تھا۔ آگ لگنے کی وجوہات تاحال معلوم نہیں ہو سکیں، تاہم حکام کا کہنا ہے کہ ممکنہ طور پر ایک بس سے آگ دوسرے گاڑیوں تک پھیلی۔
ذریعہ
ذریعہ: Express News
پڑھیں:
پنجاب کے وزیر تعلیم رانا سکندر حیات نے ٹیچر بننے کا اعلان کردیا
لاہور (ڈیلی پاکستان آن لائن ) پنجاب کے وزیر تعلیم رانا سکندر حیات نے ٹیچر بننے کا اعلان کردیا۔
تفصیلات کے مطابق رانا سکندر حیات نے ستمبر کے پہلے ہفتے سے انگلش اور کیمسٹری سمیت دیگر مضامین کی تدریس کا اعلان کیا۔انہوں نے کہا کہ لاہور میں ستمبر کے پہلے ہفتے سے کلاس کو پڑھاناشروع کروں گا، انگلش اور کیمسٹری میرے پسندیدہ مضمون ہیں لہٰذا ان ہی مضامین سے شروع کروں گا۔
وزیر تعلیم نے کہنا ہےکہ پرائمری اسکولوں میں انگلش اور ہائی اسکولوں میں کیمسٹری سے آغاز کروں گا جب کہ انگلش اور کیمسٹری کے علاؤہ دیگرمضامین کی بھی تدریس کروں گا۔انہوں نے مزید کہا کہ ہر ہفتے کسی ایک اسکول میں بغیر پیشگی اطلاع پڑھانے جاؤں گا، اساتذہ کی عزت کرتا ہوں، استاد بن کر فخر محسوس کروں گا۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
ان کا کہنا تھا کہ اس اقدام سے تعلیمی معیار کو جانچ کر تدریسی کمزوریاں دور کرنے میں مدد ملے گی۔
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار