ڈاکٹر فوزیہ نے ڈاکٹر عافیہ کی طرف سے قربانی کا فریضہ ادا کیا
اشاعت کی تاریخ: 10th, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی ( اسٹاف رپورٹر) قوم کی بیٹی ڈاکٹر عافیہ صدیقی کی طرف سے ان کی ہمشیرہ اور ایپی لیپسی فاؤنڈیشن و گلوبل عافیہ موومنٹ کی سربراہ ڈاکٹر فوزیہ صدیقی نے کراچی میں اپنی رہائش گاہ پر جبکہ عافیہ موومنٹ کے رہنمائوں انعام اللہ مروت ، انور خان و دیگر رضاکاروں نے لکی مروت، خیبرپختونخواہ میں عیدالاضحی کے پہلے اور دوسرے روز قربانی کے جانور ذبح کئے۔اس موقع پر عافیہ موومنٹ کے رضاکاران بھی موجود تھے۔ڈاکٹر فوزیہ صدیقی نے عین ذبیحہ کے موقع پر خصوصی طور پر دعا کی کہ اللہ تعالیٰ عافیہ کو اسی سال رہائی نصیب فرما دے تاکہ آئندہ سال وہ خود قربانی کا فریضہ اپنے بچوں، اہلخانہ اور سپورٹرز کے ہمراہ ادا کرسکے۔اس موقع پر ڈاکٹر فوزیہ صدیقی نے غزہ کے مسلمانوں کی آزمائش کے خاتمہ، عالم اسلام اور پاکستان کی سلامتی اور خوشحالی کیلئے بھی دعا کی۔ کراچی میں قربانی کے جانوروں کو ڈاکٹر عافیہ کے صاحبزادے ڈاکٹر حافظ احمد نے ذبح کیا۔امریکی اٹارنی ماریہ کاری نے بتایا کہ عید کے روز ملاقات کے موقع پر ڈاکٹر عافیہ پہلے سے بھی زیادہ کمزور نظر آ رہی تھیں۔
.
ذریعہ
ذریعہ: Jasarat News
کلیدی لفظ: ڈاکٹر عافیہ ڈاکٹر فوزیہ
پڑھیں:
کراچی: ڈاکٹر آکاش قتل کیس میں گرفتار تینوں ڈاکو اپنے ساتھیوں کی فائرنگ سے ہلاک
ڈاکٹر آکاش قتل کیس میں گرفتار تینوں ڈاکو اپنے فرار ساتھیوں کی فائرنگ سے ہلاک ہوگئے۔اسپیشل انویسٹی گیشن (ایس آئی ایو) نے دعویٰ کیا ہےکہ گلشنِ معمار، عمر بروہی گوٹھ میں گرفتار ڈاکوؤں کی نشاندہی پر ان کے فرار ساتھیوں کی گرفتاری کے لیے چھاپا مارا تو ملزمان نے فائرنگ کردی جس سے پولیس اہلکار بھی زخمی ہوگیا۔ایس آئی یو کا کہنا ہے کہ فائرنگ کےدوران ڈاکٹر آکاش قتل کیس میں گرفتار تینوں ڈاکو اپنے ہی ساتھیوں کی فائرنگ سے مارے گئے۔13 جولائی کو کراچی کے علاقے کلفٹن میں بینک کے باہر ڈاکوؤں کی فائرنگ سے نوجوان ڈاکٹر آکاش جاں بحق ہوگیا تھا جب کہ ملزمان بینک سے نکالے گئے 50 لاکھ روپے میں سے 25 لاکھ لوٹ کر فرار ہوگئے تھے۔ڈاکٹر آکاش قتل کیس میں پولیس نے تفتیشی رپورٹ جوڈیشل مجسٹریٹ جنوبی کی عدالت میں جمع کرائی تھی جس میں واردات میں نامعلوم خاتون کے ملوث ہونے کاانکشاف بھی کیا گیا تھا۔پولیس نے بتایا تھا کہ کلفٹن تین تلوار کے قریب ڈکیتی واردات کے دوران ڈاکٹر آکاش کو فائرنگ کرکے قتل کرنے کے واقعے میں گرفتار ملزمان کے بینکوں کے باہر رقم چھیننے اور تاجر کو لوٹنے کے واقعات میں ملوث ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار