پاکستان کی موبائل مارکیٹس میں جعلی اسمارٹ فونز کی فروخت کا انکشاف، عوام کس طرح بچیں؟
اشاعت کی تاریخ: 10th, June 2025 GMT
پاکستان کی متعدد موبائل مارکیٹس میں جعلی اسمارٹ فونز فروخت کیے جانے کا انکشاف ہوا ہے۔ کراچی موبائل اینڈ الیکٹرانک ڈیلرز ایسوسی ایشن کے صدر نے اس حوالے سے کہا کہ حالیہ دنوں میں شہریوں کی شکایات میں اضافہ ہوا ہے کہ انہیں جعلی یا ناقابل اعتبار موبائل فونز بیچے گئے۔یہ موبائل فونز عام طور پر پرانے، ری کنڈیشن یا پیچ فونز ہوتے ہیں جنہیں نیا بناکر پیش کیا جاتا ہے۔پیچ فون وہ موبائل ہوتے ہیں جو پی ٹی اے سے منظور شدہ فون نہیں ہوتے بلکہ ان میں مختلف آئی ایم ای آئی استعمال کرکے ایک نیا فون بنایا جاتا ہے، یہ فون بظاہر بالکل نئے لگ رہے ہوتے ہیں، یہ فونز سستے کرکے بیچے جاتے ہیں۔رپورٹ کے مطابق ایک شہری کے ساتھ واقعہ پیش آیا جو پرانے فون کی اسکرین مرمت کرانے کراچی کی صدر موبائل مارکیٹ آیا تو دکاندار نے مشورہ دیا کہ مرمت کی جگہ نیا فون لے لیں جو ’ڈبہ پیک‘ ہے۔ اس شہری نے اضافے پیسے دیے اور نیا فون خرید لیا لیکن ہوا یہ کہ فون ایک دن بعد پاکستان ٹیلی کام اتھارٹی نے بند کردیا، بعد میں پتا چلا کہ وہ فون پیچ فون تھا اور اس ماڈل کے فون بننا بند ہوچکے ہیں۔کراچی موبائل اینڈ الیکٹرانک ڈیلرز ایسوسی ایشن کی مداخلت کے بعد دکاندار نے پیسے واپس کیے تاہم اس شہری جیسے کئی افراد ایسے فراڈ کا نشانہ بنتے ہیں۔ماہرین کے مطابق فون خریدنے جائیں تو ذہن میں رکھیں کہ ہمیشہ فون کی آفیشل وارنٹی چیک کریں جو زیادہ تر برانڈز ایک سال کی دیتے ہیں۔آئی ایم ای آئی نمبر پی ٹی اے سے فوری چیک کریں کہ آیا فون رجسٹرڈ ہے یا نہیں، یہ *8484# پر ڈائل کرکے بھی کیا جا سکتا ہے۔اس کے علاوہ ایسے ماڈلز نہ خریدیں جو مارکیٹ میں بند ہو چکے ہوں یا جو کمپنی کی ویب سائٹ پر درج نہ ہوں، دکاندار سے رسید ضرور لیں اور واضح طور پر تحریر کرائیں کہ فون نیا، رجسٹرڈ اور برانڈڈ ہے۔
.ذریعہ: Nawaiwaqt
پڑھیں:
پاک فوج کے ہوتے ملک کوکوئی خطرہ نہیںـ : شافع حسین
گجرات (نامہ نگار) صوبائی وزیر صنعت و تجارت چوہدری شافع حسین کا کہنا ہے کہ پاکستان آرمی کے ہوتے کوئی خطرہ نہیں فوج کے جوان پوری طرح چوکس ہیں خوش قسمت ہیں کہ ہمیں آزادی نصیب ہوئی کشمیر فلسطین کی صورتحال سب کے سامنے ہے ان خیالات کا اظہار انہوں نے ظہور پیلس میں عید الاضحی کے پہلے روز پارٹی عہدیداران ،کارکنان،عوام سے عید ملاقاتوں کے دوران میڈیا سے گفتگو کرتے ہوئے کیا اس موقع پر رضوان دلدار چوہدری ، سید حسن شاہ ، حافظ احتشام دلدار دیگر بھی موجود تھے چوہدری شافع حسین نے کہا حالیہ جنگ کی طرح ہر معاملہ پر ن لیگ اور پیپلز پارٹی ایک پیج پر ہیں مگر لوکل باڈیز الیکشن میں کسی کیساتھ الائنس نہیں ہوگا ہوسکتا ہے کہ بلدیاتی انتخابات آئندہ ایک یا دو سال میں ہو جائیں اور ہر سیاسی جماعت اپنے پلیٹ فارم سے ان انتخابات میں حصہ لے سییوریج منصوبہ پر 15 ارب خرچ ہونگے ۔پنجاب حکومت اس سکیم کو خود مکمل کرے گی جبکہ کنسلٹنٹ ورلڈ بنک کا ہوگا ٹریفک اشاروں پر اڑھائی کروڑ، لالہ موسیٰ میں 200بیڈ پر ہسپتال منصوبہ جلد شروع ہونگے باب گجرات اور کٹھالہ انڈر پاس کا پاس کا منصوبہ 20جون تک مکمل کرلیا جائے گا اور اس منصوبے کی تکمیل سے گجرات شہر کا داخلی راستہ خوبصورت ہوگاانکا کہنا تھا امید ہے بجٹ عوام دوست ہوگا ہر کوئی محنت کرے تو آئی ایم ایف سے جان چھوٹ جائیگی بلاول بھٹو نے پاکستان کے حق میں بہتر انداز میں کیس لڑا دنیا کو پتہ چل چکا ہے کہ بھارت صرف پراپیگنڈا کررہا ہے پاکستان اور بھارت کی جنگ میں دوست ممالک پاکستان کے ساتھ کھڑے نظر آئے ۔چین نے اس جنگ میں ہمیشہ کی طرح پاکستان کا بھرپور ساتھ دیا۔
ملیر جیل سے کوئی خطرناک یا غیر ملکی مجرم نہیں بھاگا، قیدیوں کو بیرک سے نکالنا غلط تھا.مراد شاہ