فیروز خان کا اپنے ساتھ کام سے انکار کرنے والی اداکاراؤں کے ساتھ کام نہ کرنے کا اعلان
اشاعت کی تاریخ: 11th, June 2025 GMT
کراچی(نیوز ڈیسک)معروف اداکار فیروز خان کا کہنا ہے کہ اگر مستقبل میں ایسی اداکاراؤں کے ساتھ کام کرنے کی پیشکش ہوئی جنہوں نے ماضی میں میرے ساتھ کام کرنے سے انکار کیا تھا تو میں ان کے ساتھ کام کرنے سے گریز کروں گا۔
فیروز خان نے حال ہی میں ’فرید نواز پروڈکشن‘ کو انٹرویو دیتے ہوئے مختلف موضوعات پر گفتگو کی۔
ایک سوال کے جواب میں انہوں نے کہا کہ شوبز انڈسٹری میں کام کرتے ہوئے انہیں 10 سال ہوچکے ہیں، اس عرصے میں کئی نشیب و فراز آئے، لیکن عزت دینے والا صرف اللہ ہے اور جب وہ کسی کے ساتھ ہو تو پھر کسی چیز کا خوف نہیں رہتا۔
ان کا کہنا تھا کہ جب انسان حق پر ہو اور غلط نہ ہو تو پھر اسے کسی سے ڈرنے کی ضرورت نہیں۔
باکسنگ چیمپیئن شپ کے حوالے سے بات کرتے ہوئے انہوں نے کہا کہ اس مقابلے نے ان کا خود پر اعتماد بڑھایا، اگرچہ وہ بیلٹ حاصل نہیں کرسکے، مگر اپنی کارکردگی سے مطمئن ہیں۔
تنقید کے حوالے سے سوال پر فیروز خان نے کہا کہ وہ ایسی باتوں کو سنجیدگی سے نہیں لیتے اور صرف اللہ سے ناقدین کی ہدایت کے لیے دعا کرتے ہیں۔
ایک اور سوال کے جواب میں انہوں نے کہا کہ کچھ اداکاراؤں کی جانب سے یہ کہنا کہ وہ ان کے ساتھ کام نہیں کریں گی، ابتدا میں تکلیف دہ ضرور تھا، خاص طور پر جب وہ انہیں ذاتی طور پر جانتی تھیں۔
تاہم، انہوں نے اس معاملے کو دل پر نہیں لیا کیونکہ جس شعبے میں وہ کام کرتے ہیں، وہاں اس قسم کی باتیں ہوتی رہتی ہیں۔
فیروز خان نے مزید کہا کہ اس تمام صورتحال کے بعد لوگوں کے اصل چہرے ان کے سامنے آگئے ہیں اور اب وہ جان چکے ہیں کہ کن لوگوں سے تعلق رکھنا ہے اور کن سے نہیں۔
ان کا یہ بھی کہنا تھا کہ اگر آئندہ ان اداکاراؤں کے ساتھ کام کی پیشکش ہوئی جنہوں نے میرے ساتھ کام کرنے سے انکار کیا تھا تو میں ان کے ساتھ کام نہیں کروں گا۔
مزیدپڑھیں:بجٹ 2025-26 : وفاقی حکومت کا کم از کم اجرت برقرار رکھنے کا فیصلہ
ذریعہ: Daily Ausaf
کلیدی لفظ: ساتھ کام کرنے کے ساتھ کام فیروز خان نے کہا کہ انہوں نے
پڑھیں:
بے بنیاد مقدمات کا سامنا ہے‘‘ حماد اظہر نے عدالت جانے کا اعلان کردیا
پی ٹی آئی رہنما حماد اظہر نے اپنے خلاف درج مقدمات کو بے بنیاد قرار دیتے ہوئے عدالت سے رجوع کرنے کا اعلان کیا ہے۔
سماجی رابطوں کے پلیٹ فارم ایکس (سابقہ ٹوئٹر) پر بیان جاری کرتے ہوئے حماد اظہر نے کہا کہ میں اپنی اور اپنے خاندان کی طرف سے ان ہزاروں ساتھیوں کا شکر گزار ہوں. جنہوں نے میرے والد کے جنازے میں اور قرآن خوانی میں شرکت کی ۔ ان لاکھوں افراد کا بھی، جنہوں نے افسوس کے پیغامات بھجوائے اور ان کی مغفرت کے لیے دعا کی۔انہوں نے کہا کہ تمام سیاسی جماعتوں کے قائدین، جنہوں نے ان کی یاد میں بہترین الفاظ کہے اور میرے والد میاں اظہر مرحوم کے لیے دعا کی ہم ان کے بھی مشکور ہیں۔ میرے والد کی میراث شرافت، ایمانداری اور وضع عداری ہے جو صرف میرے لیے نہیں.بلکہ پورے پاکستان کے سیاسی کلچر کے لیے ایک اثاثہ اور شاندار روایت ہے۔حماد اظہر کا کہنا تھا کہ اپنے والدین کا اکلوتا بیٹا، تین بہنوں کا بھائی اور 2 کم سن بچوں کا باپ ہوں۔ مجھ سے زیادہ تکلیف اور دکھ میرے گھر والوں نے 2 سال سے زائد عرصہ برداشت کیا ہے۔ ظاہر ہے کہ میں اس دکھ کی گھڑی میں اپنے گھر والوں، خصوصی طور پر اپنی والدہ کے ساتھ اب موجود رہنے کی خواہش رکھتا ہوں۔اپنے بیان میں انہوں نے مزید کہا کہ میں بے گناہ ہوں اور جعلی پرچوں کا نشانہ ہوں، جن کا کوئی سر پیر نہیں۔ اس سلسلے میں عدالت سے رجوع کروں گا اور انصاف طلب کروں گا۔ مل گیا تو اللہ کا شکر ادا کروں گا اور نہ ملا تو استقامت اور صبر سے مزید جبر برداشت کروں گا۔ بے شک اللہ صابرین کا ساتھ دینے والا ہے۔
لاہور ہائیکورٹ کا رات 12 بجے کے بعد ریسٹورنٹس کھلے رکھنے والوں کے خلاف کارروائی کا حکم