اس بجٹ کا شہری سندھ سے کوئی تعلق نہیں: علی خورشیدی
اشاعت کی تاریخ: 13th, June 2025 GMT
—تصویر بشکریہ دی نیوز انٹرنیشنل
سندھ اسمبلی میں اپوزیشن لیڈر علی خورشیدی نے کہا ہے کہ پیپلز پارٹی جمہوریت کی علمبردار ہونے کا دعویٰ کرتی ہے، آج پیپلز پارٹی کا اسمبلی میں آمرانہ رویہ رہا۔
سندھ اسمبلی کراچی میں میڈیا سے گفتگو کرتے ہوئے اپوزیشن لیڈر علی خورشیدی نے کہا کہ پیپلز پارٹی کے اس عمل کی مذمت کرتے ہیں، بجٹ میں عوام امید لگاتے ہیں کہ مسائل حل کرنے کے لیے اسکیمیں آئیں گی، سندھ پر 17 سال سے اس جماعت کی حکومت ہے۔
انہوں نے کہا کہ بجٹ میں اہم شہروں کے نمائندوں کی گزارشات کو نظر انداز کیا گیا، اس بجٹ کا سندھ کے عوام سے کوئی تعلق نہیں۔
اپوزیشن لیڈر نے کہا کہ یہ دیہی سندھ کے نمائندوں کا پیش کیا جانے والا بجٹ ہے، اس بجٹ کا شہری سندھ سے کوئی تعلق نہیں، بجٹ میں اپوزیشن کی سفارشات کو خاطر میں نہیں لایا گیا۔
علی خورشیدی نے کہا کہ وزیرِ خزانہ سندھ نے پری بجٹ ڈسکشن میں قرار داد پاس کی تھی، وزیرِ اعلیٰ مراد علی شاہ نے اسمبلی میں جھوٹ بولا ہے، ان کی نیت میں کھوٹ ہے۔
اپوزیشن لیڈر علی خورشیدی کے مطابق لوگوں نے ہمیں یہاں ڈیسک بجانے اور تقاریر کے لیے نہیں بھیجا، حکومت کے چیف ایگزیکٹیو اپنے چیئرمین کی بات نہیں سنتے۔
انہوں نے کہا کہ آج صرف ٹریلر تھا، حکمراں اپنا قبلہ درست کریں، اپنی لیڈر شپ کو غلط فیڈ کرنا بند کریں، پیپلز پارٹی کی لیڈر شپ خود مانیٹرنگ کریں۔
علی خورشیدی نے کہا کہ کراچی سے کشمور تک صرف تباہی ہے، تبای کے ذمے دار وزیرِ اعلی سندھ ہیں، انہیں شہری سندھ کے نمائندوں کی بات سننا ہو گی۔
قائدِ حزبِ اختلاف نے کہا کہ سندھ اسمبلی کا یہ ایوان پی پی کی جاگیر نہیں، ایران کا مسئلہ مسلم امہ کا مسئلہ ہے، ہمیں ایران پر مذمتی قرارداد پیش نہیں کرنے دی گئی۔
علی خورشیدی نے یہ بھی کہا کہ یہ سندھ کے نہیں پی پی کے وزیرِاعلیٰ ہیں، وزیرِ اعظم سے بات کریں گے تاکہ عوامی کام مکمل ہو سکیں۔
.ذریعہ: Jang News
پڑھیں:
پاکستان کا اسرائیل کو تسلیم کرنے کا کوئی منصوبہ نہیں: نائب وزیراعظم
نائب وزیراعظم و وزیر خارجہ اسحٰق ڈار نے کہا ہے کہ پاکستان کا اسرائیل کو تسلیم کرنے کا کوئی منصوبہ نہیں.دورہ امریکا ہر لحاظ سےکامیاب رہا، امریکی وزیر خارجہ کو باور کرایا کہ مذاکرات کے بغیر خطے میں امن ممکن نہیں.نیویارک میں پریس کانفرنس سے خطاب کرتے ہوئے اسحٰق ڈار نے کہا کہ پاکستان کا اسرائیل کو تسلیم کرنےکا کوئی منصوبہ نہیں. ہر موقع پر فلسطین کے ساتھ کشمیر کے مسئلے کو اجاگر کیا۔انہوں نے کہا کہ دورہ امریکا ہر لحاظ سے کامیاب رہا. امریکی وزیر خارجہ کو باور کرایا کہ مذاکرات کے بغیر خطے میں امن ممکن نہیں.امریکی وزیر خارجہ سے تجارت اور ٹیرف سے متعلق گفتگو کی۔اسحٰق ڈار نے کہا کہ بھارت کے ساتھ ڈائیلاگ ہوا تو جامع ہوگا.بھارت جب بھی جامع ڈائیلاگ کرنا چاہے. پاکستان تیار ہے. بھارت سندھ طاس معاہدے کو یکطرفہ طور پر ختم نہیں کرسکتا۔
دریں اثنا، نائب وزیراعظم اور وزیر خارجہ اسحٰق ڈار نے کویت کے وزیر خارجہ عبداللہ الیحییٰ سے ملاقات کی ہے.دونوں کے درمیان ملاقات بین الاقوامی فلسطین کانفرنس کی سائیڈ لائنز ملاقاتوں کے دوران ہوئی۔ترجمان دفتر خارجہ کے مطابق ملاقات میں پاکستان اور کویت کے دوطرفہ تعلقات کی مزید مضبوطی سمیت تجارت سیکورٹی اور دفاع کے شعبہ جات میں تعاون کا اعادہ کیا گیا۔دونوں رہنماؤں نے اقوام متحدہ اور او آئی سی کے ساتھ مزید معاونت پر اتفاق کیا، اعلامیے کے مطابق ملاقات میں دو طرفہ تعلقات کی مضبوطی کے لیے اعلیٰ سطح کے وفود کے تبادلوں پر اتفاق کیا گیا۔
شاہ محمود قریشی کی رہائی؟ ابھی کون کون سے کیسز میں ضمانت ہونا باقی ہے؟