اسرائیل کا ساتھ دیا تو خطے میں فوجی اڈوں کو نشانہ بنائیں گے، ایران کی امریکا، برطانیہ اور فرانس کو تنبیہ
اشاعت کی تاریخ: 14th, June 2025 GMT
ایران نے امریکا، برطانیہ اور فرانس کو سخت انتباہ دیا ہے کہ اگر انہوں نے اسرائیل پر ایرانی حملوں کو روکنے کی کوشش کی تو خطے میں ان کے فوجی اڈے اور بحری جہاز نشانہ بنیں گے۔
یہ بیان ہفتے کے روز ایرانی سرکاری میڈیا کے ذریعے سامنے آیا ہے۔
یہ بھی پڑھیں اسرائیل کے ایران پر حملے جاری، مزید 2 جنرلز اور 3 جوہری سائنسدان شہید، مزید کارروائیوں کا اعلان
ایران کے سرکاری ٹی وی کے مطابق اسرائیلی فضائی حملے میں تہران میں واقع ایک رہائشی کمپلیکس پر بمباری کی گئی، جس کے نتیجے میں 60 افراد شہید ہوئے، جن میں20 بچے بھی شامل ہیں۔ اس کے علاوہ مغربی ایران کے علاقے اسدآباد میں ایک میزائل تنصیب پر حملے میں 2 افراد شہید ہوئے۔
نیوکلیئر سائنسدان اور تنصیبات نشانے پرایرانی نیم سرکاری نیوز ایجنسی تسنیم کے مطابق اسرائیلی حملوں میں 3 ایرانی جوہری سائنسدان مارے گئے، جن کی شناخت علی بقائی کریمی، منصور عسگری اور سعید برجئی کے نام سے کی گئی ہے۔
اسی دوران فارس نیوز ایجنسی نے خبر دی ہے کہ ایرانی جوابی حملے جاری رہیں گے، اور مستقبل میں امریکی اڈوں کو بھی نشانہ بنایا جائے گا۔
ایرانی حکام نے کہا ہے کہ یہ تصادم گزشتہ رات کے محدود حملوں پر ختم نہیں ہوگا بلکہ آنے والے دنوں میں یہ اسرائیلی مقبوضہ علاقوں اور امریکی اڈوں تک پھیل جائے گا۔
اصفہان اور نطنز میں شدید نقصاناسرائیلی فوجی حکام کے مطابق اسرائیلی فضائی حملوں میں ایران کی دو اہم نیوکلیئر تنصیبات اصفہان اور نطنز کو شدید نقصان پہنچا ہے۔ ان حملوں میں9 سینیئر ایرانی جوہری سائنسدان بھی مارے گئے ہیں۔ اسرائیلی دعوے کے مطابق ان تنصیبات کی بحالی میں کئی ہفتے لگ سکتے ہیں۔
حکام کے مطابق اسرائیل نے150 سے زیادہ اہداف کو نشانہ بنایا اور سینکڑوں میزائل فائر کیے، جب کہ ایران کی جانب سے داغے گئے زیادہ تر ڈرون اور میزائل فضا میں ہی تباہ کردیے گئے۔
تہران کو جلا دیں گے، اسرائیلی وزیر دفاع کی دھمکیاسرائیلی وزیر دفاع یسرائیل کاٹز نے سخت دھمکی دیتے ہوئے کہا ہے کہ اگر ایران نے اسرائیل پر مزید میزائل داغے تو تہران جل کر راکھ ہو جائے گا۔
انہوں نے ایرانی رہبر اعلیٰ آیت اللہ خامنہ ای پر الزام لگایا کہ وہ ایرانی عوام کو یرغمال بنائے ہوئے ہیں اور ان کے ہاتھوں تہران کے شہری بھاری قیمت ادا کر رہے ہیں۔
ایرانی فضائی حدود بندایرانی شہری ہوا بازی کے ادارے نے ملک کی فضائی حدود کو تاحکمِ ثانی بند کرنے کا اعلان کیا ہے۔
ایرانی خبر رساں ایجنسی کے مطابق ملک بھر کے ہوائی اڈوں پر تمام پروازیں معطل کر دی گئی ہیں تاکہ مسافروں کی حفاظت کو یقینی بنایا جا سکے۔
یہ بھی پڑھیں اسرائیل نے ایران کو مرکزی جنگی محاذ قرار دے دیا، غزہ ثانوی ترجیح بن گیا
واضح رہے کہ اسرائیل کی جانب سے ایران میں کیے گئے ٹارگٹڈ آپریشن کے بعد دونوں ملک آمنے سامنے ہیں، ایران نے اسرائیل کی جانب جوابی میزائل بھی داغے ہیں اور مزید بڑی کارروائی کا اعلان کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسرائیل اسرائیل ایران جنگ امریکا ایران تنبیہ وی نیوز.
ذریعہ
ذریعہ: WE News
کلیدی لفظ: اسرائیل اسرائیل ایران جنگ امریکا ایران تنبیہ وی نیوز کے مطابق اسرائیل
پڑھیں:
ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے، علامہ رمضان توقیر
ایس یو سی کے مرکزی رہنماء نے رہبر معظم آیت اللہ سید مجتبیٰ خامنہ ای سے تجدیدِ عہد کا اظہار بھی کیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ اسلام ٹائمز۔ ڈیرہ اسماعیل خان جامعۃ النجف کوٹلی امام حسین میں گرمیوں کی چھٹیوں سے استفادہ کرتے ملت جعفریہ کے بچوں کے لیے پرنسپل جامعتہ النجف علامہ محمد رمضان توقیر کی نگرانی بیس روزہ دین شناسی شارٹ کورس کا اہتمام کیا گیا۔ جس میں ڈیرہ شہر اور مضافات سے کثیر تعداد میں بچوں نے شرکت کی۔اس دین شناسی شارٹ کورس میں بچوں کو قرآن وحدیث،وضو،صوم ،صلوات اور بنیادی فقہی احکام سے روشناس کرایا گیا۔ جس میں جامعتہ النجف کے دیگر مدرسین محنت و لگن کے ساتھ بچوں کی رہنمائی کرتے رہیں۔ دین شناسی شارٹ کورس کے آخر میں مدرسین نے اپنی محنت اور طلاب کرام کی کارکردگی کو جانچنے کے لیے بچوں سے امتحان لیا۔اساتذہ کی محنت اور بچوں کی محنت قابلِ تعریف تھی۔تقسیم تقریب انعامات کا اہتمام کیا گیا۔
پرنسپل جامعہ علامہ محمد رمضان توقیر نے تقریب سے خطاب کرتے ہوئے اساتذہ کی محنت اور طلاب کرام کی امتحانات میں تسلی بخش نتائج کو سراہتے ہوئے کہا کہ انشاء اللہ اس طرح دین مبین کی خدمت کا سلسلہ جاری رکھیں گے اور ملت کے جوانوں کی دینی تعلیم و تربیت کے لیے ہمہ وقت کوشاں رہیں گے۔ اس موقع پر رہبرِ انقلاب کی دینی و انقلابی خدمات اور ایران کی استقامت اور ثابت قدمی کو خراجِ عقیدت پیش کیا۔ اسی قرآن و سنت کی آگاہی اور خدا تعالیٰ کی وحدانیت کے پختہ عقیدہ کی وجہ سے ایران کی حکومت اور عوام شیطان بزرگ کے خلاف استقامت اور جرات کا مظاہرہ کرتے ہوئے دن بدن حاوی ہوتی جا رہا ہے، جو قابلِ تعریف ہے۔ لیکن کچھ ناقدین آج بھی ایران کی استقامت اور کامیابیوں سے پریشان ہیں اور شیطان بزرگ کی خوشنودی کے لیے ایران پر تنقید کر رہے ہیں کہ ایران عرب ممالک پر حملہ کر رہا ہے۔
علامہ محمد رمضان توقیر نے کہا کہ ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے۔ اس موقع پر نئے رہبر آیت اللہ سید مجتبیٰ خامنہ ای سے تجدیدِ عہد کا اظہار بھی کیا گیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ تقریب تقسیم انعامات میں مدرسین اور معززین علاقہ نے شرکت کی اور امتحان میں نمایاں پوزیشن حاصل کرنے والے طلاب کرام کو انعامات سے نوازا گیا اور انکی حوصلہ افزائی کی گئی۔ امتِ مسلمہ کے اتحاد، ایران کی فتح و نصرت، پاکستان کی سلامتی اور شہدائے اسلام، بالخصوص رہبر شہید کے لئے دعا کی گئی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار