پنجاب: ٹرانسپورٹ بڑے منصوبے شروع کرنے کا فیصلہ، بجٹ میں 310 ارب روپے مختص
اشاعت کی تاریخ: 16th, June 2025 GMT
لاہور (نیوز ڈیسک) محکمہ ٹرانسپورٹ پنجاب نے آئندہ مالی سال کے لیے بڑے پیمانے پر ترقیاتی منصوبے شروع کرنے کا فیصلہ کر لیا جن کے لیے مجموعی طور پر 310 ارب روپے مختص کیے گئے ہیں، یہ منصوبے صوبے بھر میں جدید سفری سہولیات فراہم کرنے کے لیے ترتیب دیے گئے ہیں۔
حکام کے مطابق لاہور میں عالمی معیار کے ییلو لائن منصوبے کے لیے 80 ارب روپے مختص کیے گئے ہیں، یہ منصوبہ ٹھوکر نیاز بیگ چوک سے ہربنس پورہ تک 24 کلومیٹر کے روٹ پر محیط ہو گا جو کنال کے دونوں اطراف تعمیر کیا جائے گا۔
پنجاب کے مختلف اضلاع بشمول لاہور کے لیے 600 الیکٹرک بسوں اور 33 بس ڈپو کی تعمیر کے لیے 60 ارب روپے کا بجٹ رکھا گیا ہے، یہ اقدام صاف ستھری اور ماحول دوست ٹرانسپورٹ نظام کو فروغ دینے کے لیے کیا جا رہا ہے۔
لاہور میں ہی ٹرانسپورٹ کمانڈ اینڈ کنٹرول سینٹر کی تعمیر کے لیے 5 ارب 60 کروڑ روپے مختص کیے گئے ہیں، منصوبے کے تحت جدید سہولیات سے آراستہ عمارت دو سال میں مکمل کی جائے گی جو شہر بھر کے ٹرانسپورٹ سسٹم کی نگرانی اور بہتر کارکردگی کو یقینی بنائے گی۔
فیصل آباد میں میٹرو بس سروس شروع کرنے کے لیے 120 ارب روپے کا بجٹ مختص کیا گیا ہے، یہ سروس دسمبر 2026 تک مکمل کیے جانے کا ہدف رکھتی ہے جس سے شہریوں کو سستی اور آرام دہ سفر کی سہولت میسر آئے گی۔
اسی طرح گوجرانوالہ میں بھی میٹرو بس منصوبہ متعارف کرانے کے لیے 30 ارب روپے مختص کیے گئے ہیں جسے آئندہ مالی سال کے دوران ہی مکمل کرنے کا ہدف مقرر کیا گیا ہے۔
یہ منصوبے نہ صرف صوبے کے شہری انفراسٹرکچر کو جدید خطوط پر استوار کریں گے بلکہ روزگار کے مواقع بھی پیدا کریں گے اور پبلک ٹرانسپورٹ کا معیار بہتر بنانے میں اہم کردار ادا کریں گے۔
Post Views: 3.ذریعہ: Daily Mumtaz
کلیدی لفظ: روپے مختص کیے گئے ہیں ارب روپے مختص کے لیے
پڑھیں:
وکلا کی سہولت کیلیے پنجاب بار کونسل کو پیپرلیس کرنے کا فیصلہ
data-id="863a0a8" data-element_type="widget" data-widget_type="theme-post-content.default">
لاہور (آن لائن) پنجاب بارکونسل کے وائس چیئرمین عرفان صادق تارڑ نے کہا ہے کہ پنجاب بار کونسل کے تقریباً ڈیڑھ لاکھ وکلا ء کی سہولت کے لیے پنجاب بار کونسل کو پیپرلیس کرنے کا فیصلہ کیا ہے،پنجاب بھر کے وکلا ء گھر بیٹھے آن لائن انرولمنٹ ،سرٹیفکیٹس ، لائسنس ،گڈ سٹینڈنگ ،ویزہ سرٹیفکیٹ سمیت دیگر سہولتیں حاصل کر سکیں گے جبکہ اس سے قبل ان خدمات کے حصول کے لئے فزیکل کاغذات جمع کرانے آنا پڑتا تھا ۔ان خیالات کا اظہار انہوں نے ملاقات کے لئے آنے والے بارز کے نمائندہ وفد سے گفتگو کر تے ہوئے کیا ۔اس موقع پر چیئرمین ایگزیکٹو کمیٹی پنجاب بار کونسل فاروق ڈوگر،سیکرٹری رفاقت علی سوہل،سابق وائس چیئرمینز فرحان شہزاد،کامران بشیر مغل،چودھری بابر وحید،اکائونٹ آفیسر رانا محمد عمیر سمیت دیگر بھی موجود تھے ۔وائس چیئرمین عرفان صادق تارڑ نے کہا کہ پنجاب بار کونسل کو پیپر لیس کرنے کے منصوبے کے تحت اصل دستاویزات وکلا ء کو واپس کرو دی جائیں گی اور ان کا تمام ڈیٹا سکیننگ کے بعد محفوظ کر لیا جائے گا ،اس سے جہاں وکلا ء کا قیمتی وقت بچے گا وہیںسفری اخراجات بھی نہیں ہوں گے۔علاوہ ازں اپنے بیان میں انہوں نے اسرائیل کی ایران پر جارحیت اوراہم فوجی شخصیات ،جوہری سائنسدانوں اور عام شہریوں کی شہادتوں پر افسوس کا اظہار کرتے ہوئے کہا کہ اسرائیل نے بربریت اور وحشیانہ پن سے بین الاقوامی قوانین کی دھجیاں بکھیر دی ہیں، اسرائیل کے جنگی عزائم اور اقدامات پوری امت مسلمہ کے لیے خطرے کا باعث بن رہے ہیں۔انہوں نے حکومت پاکستان اور تمام مسلم ممالک کے حکمرانوں سے مطالبہ کرتے ہوئے کہا ہے کہ اسرائیل کے مذموم عزائم کو خاک میں ملانے کے لیے سب کو اکٹھا ہونا چاہیے اور بین الاقوامی سطح پر مشترکہ آواز بلند کرنی چاہیے ۔
حماس اسرائیل جنگ بندی مذاکرات میں ایران بھی شریک ہے، ٹرمپ کا انکشاف