عامر خان کا کارگل میں 8 دن بنکر میں گزارنے کا انکشاف
اشاعت کی تاریخ: 16th, June 2025 GMT
اداکار عامر خان نے انکشاف کیا ہے انہوں نے کارگل جنگ کے بعد بھارتی فوجیوں کے ساتھ بنکر میں 8 دن گزارے تھے۔
اداکار عامر خان دو دن قبل رجت شرما کے مشہور شو ’آپ کی عدالت‘ میں پیش ہوئے جہاں انہوں نے اپنی حب الوطنی ثابت کرنے کی تمام کوششیں کیں اور پاکستان پر بھی کئی الزامات لگائے۔
شو میں عامر خان پر پہلگام حملے پر تاخیر سے ردعمل دینے کا الزام بھی لگایا گیا ، تاہم’آپ کی عدالت‘ میں رجت شرما سے گفتگو کرتے ہوئے عامر خان نے انکشاف کیا کہ وہ بھارتی مسلح افواج پر فخر محسوس کرتے ہیں اور ایک وقت یاد کیا جب انہوں نے کارگل جنگ کے بعد آٹھ دن بھارتی فوجیوں کے ساتھ گزارے تھے۔
جب عامر خان سے پوچھا گیا کہ کیا انہیں فوجیوں کی حوصلہ افزائی کے لیے سرحد پر جانا چاہیے تو انہوں نے کہا کہ ’ میں کارگل جنگ کے بعد پہلا شخص تھا جو بھارتی فوج کے ساتھ 8 دن تک بنکر میں رہا، ہم نے اس جنگ میں جیت حاصل کی تھی،
انہوں نے کہا کہ میں لیہہ پہنچا اور وہاں سے جو سڑک سری نگر جاتی ہے، اُس پر آٹھ دن سفر کیا، میں نے ہر فوجی رجمنٹ سے ملاقات کی، ان آٹھ دنوں میں، میں صرف فوجیوں سے ملا اور ان کی حوصلہ افزائی کی کہ آپ نے ہمارے لیے یہ جنگ لڑی، ہماری حفاظت کی ،میں آپ کو سلام کرتا ہوں اور آپ کا شکر گزار ہوں۔
انہوں نے مزید کہا کہ ان 8دنوں میں جب میں اُن کے ساتھ تھا، مجھے یہ احساس ہوا کہ ہمارے فوجیوں کو واقعی کسی حوصلہ افزائی کی ضرورت نہیں ہے، وہ ایسے مشکل علاقوں میں رہتے اور ہماری حفاظت کرتے ہیں، پھر بھی ان کا حوصلہ بلند ہوتا ہے ،ان کے چہروں پر مسکراہٹیں ہوتی ہیں، وہ پُراعتماد اور خوش ہوتے ہیں۔
ان کا کہنا تھا کہ مجھے لگا تھا کہ میں ان کا حوصلہ بڑھانے جا رہا ہوں لیکن درحقیقت انہوں نے میرا حوصلہ بڑھایا، ان دنوں میں، میں نے ان کے ساتھ کھانا کھایا، ان کی زندگیوں کے بارے میں پوچھا، ایک رات تو میں سرحد پر ایک بنکر میں بھی ٹھہرا، وہاں چھ سے آٹھ فوجی تھے اور میرا نہیں خیال کہ کسی اور نے ایسا کیا ہوگا۔
عامر خان کی اگلی ’فلم ستارے زمین پر‘ ہے، جسے آر ایس پرسانا نے ہدایت دی ہے، یہ ایک اسپورٹس ڈرامہ فلم ہے جو ایک ہسپانوی فلم کا ری میک ہے، اس فلم میں عامر خان ایک باسکٹ بال کوچ کا کردار ادا کر رہے ہیں جو نیورولوجیکل چیلنجز رکھنے والے بچوں کی ایک ٹیم کو باسکٹ بال ٹورنامنٹ کے لیے تربیت دیتا ہے۔
جنیلیا ڈی سوزا بھی فلم میں اہم کردار ادا کر رہی ہیں، یہ فلم 20 جون کو سینما گھروں میں ریلیز کی جائے گی۔
Post Views: 5.ذریعہ: Daily Mumtaz
پڑھیں:
‘جب بھارت میں عامر خان بے بس ہیں تو عام مسلمان کا حال کیا ہوگا’، اداکار تنقید کی زد میں کیوں؟
بالی ووڈ سپر اسٹار عامر خان نے انڈیا میں اپنے خلاف چلنے والی مہم کے بعد وضاحتیں دینے پر مجبور ہو گئے اور ترکیہ کے بائیکاٹ کی بھی حمایت کر دی۔
عامر خان نے حال ہی میں انڈیا ٹی وی کے مشہور شو ’آپ کی عدالت‘ میں رجت شرما کے سوالات کے جوابات دیتے ہوئے کہا کہ وہ پہلے انڈین اداکار تھے جن کی فلم میں باقاعدہ ’پاکستان‘ کا نام لیا گیا۔ انہوں نے کہا کہ حب الوطنی کی مثال میری فلموں رنگ دے بسنتی، لگان اور سرفروش میں نظر آئے گی اور سرفروش میں ہم نے کھل کر پاکستان اور آئی ایس آئی کا نام لیا۔
یہ بھی پڑھیں: عامر خان نے سلمان خان کو خود سے بہتر اداکار کیوں قرار دیا؟
عامر خان سے پوچھا گیا کہ انہوں نے پہلگام حملے کے بعد خاموشی کیوں اختیار کی تو ان کا کہنا تھا کہ انھوں نے پہلگام حملے کی مذمت کی تھی۔عامر خان نے کہا کہ میں سوشل میڈیا پر نہیں ہوں لیکن پہلگام حملے کے بعد فلم کے ٹریلر کی ریلیز موخر کر دی تھی اور صدمے کی وجہ سے کئی دن گھر سے بھی نہیں نکلا تھا۔
ترکیہ کے حوالے سے بات کرتے ہوئے بالی ووڈ اسٹار نے کہا کہ ہمیں بالکل ترکیہ کی حمایت نہیں کرنی چاہیے، جب وہ پاکستان کی مدد کر رہے ہیں، تو ہم کیوں ان کا ساتھ دیں۔ ہم نے ترکیہ میں زلزلہ آنے کے بعد سب سے پہلے ان کی مدد کی اور انہوں نے ہمارے ساتھ یہ کیا؟ یہ سراسر غلط ہے۔
یہ بھی پڑھیں: عامر خان کی فلم ’تارے زمین پر‘ واہیات فلم تھی، والد یوراج سنگھ
عامر خان سے رجب طیب اردوغان کے ساتھ ان کی ایک تصویر پر سوال کیا گیا تو انہوں نے کہا کہ یہ تصویر میری اس وقت کی تھی جب سرکار بھی ان کی مدد کر رہی تھی اور اگر کوئی چائے پر بلائے تو میرا ناں کرنا ٹھیک نہیں لگتا۔
عامر خان کے انٹرویو کے کلپ سوشل میڈیا پر وائرل ہوئے تو صارفین کی جانب سے اس پر مختلف تبصرے کیے گئے کئی صارفین نے کہا کہ عامر خان کو خود کو انڈین ثابت کرنے کے لیے ایسے جواب دینے پڑ رہے ہیں۔
محمجد فہیم نے لکھا کہ اتنا بڑا اسٹار ہونے کے بعد بھی اگر عامر خان کو اپنے وفادار ہونے کی صفائیاں دینی پڑرہی ہیں تو اندازہ لگائیں ایک عام مسلمان کو کہاں کہاں کٹہرے میں کھڑا کیا جاتا ہوگا۔
اتنا بڑا سٹار ہونے کے بعد بھی اگر عامر خان کو اپنے وفادار ہونے کی صفائیاں دینی پڑرہی ہیں
تو اندازہ لگائیں
ایک عام مسلمان کو کہاں کہاں کٹہرے میں کھڑا کیاجاتا ہوگا https://t.co/gHUYDKXC2F
— Muhammad Faheem (@MeFaheem) June 15, 2025
ڈاکٹر رومی لکھتے ہیں کہ جناح نے سچ فرمایا تھا کہ ہندوستان میں رہ جانے والے مسلمانوں کو ساری زندگی انڈیا کو اپنی وفاداری ثابت کرنا پڑے گی۔ عامر خان کا اس میں کوئی قصور نہیں۔
جناح صاحب نے سچ فرمایا تھا ہندوستان میں رہ جانے والے مسلمانوں کو ساری زندگی انڈیا کو اپنی وفاداری ثابت کرنا پڑے گی۔
عامر خان بے چارے کا کوئی قصور نہیں۔۔۔۔ pic.twitter.com/BJmpK1CVvw
— Dr. Rumi (@DrRumi95) June 15, 2025
فخر درانی نے لکھا کہ بھارتی اداکار عامر خان کوایک بڑا اداکار اور اچھاانسان سمجھتا تھا لیکن ان کے حالیہ انٹرویو کے کچھ کلپس دیکھےوہ ایک اچھے ہندوستانی توہوں گے لیکن ایک اچھے انسان بالکل بھی نہیں۔ پاکستان کے لیے نفرت کوٹ کوٹ کر بھری ہے۔ ایک اچھاآرٹسٹ کبھی کسی سے نفرت نہیں کرسکتا۔ یہ اچھے آرٹس بھی نہیں۔
بھارتی اداکار عامر خان کوایک بڑا اداکار اور اچھاانسان سمجھتا تھا لیکن انکے حالیہ انٹرویو کے کچھ کلپس دیکھےوہ ایک اچھے ہندوستانی توہونگے لیکن ایک اچھے انسان بالکل بھی نہیں۔پاکستان کے لیے نفرت کوٹ کوٹ کر بھری ہے۔ ایک اچھاآرٹسٹ کبھی کسی سے نفرت نہیں کرسکتا۔ یہ اچھے آرٹس بھی نہیں۔
— Fakhar Durrani (@FrehmanD) June 15, 2025
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ بالی ووڈ فلمیں پاکستان انڈیا کشیدگی پہلگام حملہ ترکیہ عامر خان
حماس اسرائیل جنگ بندی مذاکرات میں ایران بھی شریک ہے، ٹرمپ کا انکشاف