ٹی20 کرکٹ میں بدترین بولنگ کا نیا ریکارڈ، یہ اعزاز کس بولر کو ملا؟
اشاعت کی تاریخ: 16th, June 2025 GMT
ویسٹ انڈیز کے خلاف ٹی20 انٹرنیشنل میچ میں آئرلینڈ کے بولر لیام میک کارتھی کی کارکردگی تاریخ کے مہنگے ترین اسپیلز میں شامل ہو گئی، جس میں انہوں نے 4 اوورز میں بھاری رنز دے کر نیا ریکارڈ قائم کیا۔ یہ کارکردگی کسی ٹیسٹ کھیلنے والے ملک کے بولر کی جانب سے ٹی20 انٹرنیشنل کی تاریخ کا سب سے مہنگا اسپیل ثابت ہوئی۔
میچ میں ویسٹ انڈیز نے اپنی 20 اوورز کی اننگز میں 256 رنز بنائے، جو ان کی ٹی20 تاریخ کا دوسرا سب سے بڑا اسکور ہے، لیام میک کارتھی کی بولنگ پر ویسٹ انڈین بلے بازوں نے کھل کر وار کیا اور ان کے اوورز میں مجموعی طور پر 11 چوکے اور 5 چھکے جڑے۔
یہ بھی پڑھیں: ٹی20 کرکٹ کی تاریخ کا نیا عالمی ریکارڈ، 7 رنز پر پوری ٹیم آؤٹ
لیام میک کارتھی نے اپنے پہلے اوور میں ہی 18 رنز دیے، جس میں شمرون ہیٹمائر اور ڈیبیو کرنے والے کیسی کارٹی نے انہیں اپنے بیٹ سے آڑے ہاتھوں لیا،اگرچہ انہوں نے دوسرے اوور میں واپسی کی کوشش کی اور صرف 6 رنز دیے لیکن ان کے آخری دو اوورز میں کیسی کارٹی اور روماریو شیفرڈ نے قہر ڈھاتے ہوئے صرف 12 گیندوں پر 2 چوکے اور 5 چھکے لگائے۔
Liam McCarthy won’t want to remember this one – 81 runs, the second most ever conceded in men’s T20Is ????
Scorecard: https://t.
— ESPNcricinfo (@ESPNcricinfo) June 15, 2025
لیام میک کارتھی کو آخری اوور میں 24 رنز پڑے، جس سے ان کے اعداد و شمار مزید خراب ہو گئے اور وہ ٹی20 انٹرنیشنل میں سب سے زیادہ رنز دینے والے بولرز کی فہرست میں شامل ہو گئے۔
مزید پڑھیں:ٹی20 کرکٹ کا انوکھا ریکارڈ‘ ایک میچ میں 3 سپر اوورز؟
ٹی20 انٹرنیشنلز میں سب سے مہنگا اسپیل دینے کا عالمی ریکارڈ گیمبیا کے موسیٰ جوبارتے کے پاس ہے، جنہوں نے 2024 میں نیروبی، کینیا میں زمبابوے کے خلاف 4 اوورز میں 93 رنز دیے تھے، اس فہرست میں سری لنکا کے کسن راجیتھا دوسرے نمبر پر ہیں، جنہوں نے 2019 میں آسٹریلیا کے خلاف 75 رنز دیے تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئرلینڈ ٹی20 کرکٹ عالمی ریکارڈ گیمبیا لیام میک کارتھی مہنگا اسپیل ویسٹ انڈیزذریعہ: WE News
کلیدی لفظ: ا ئرلینڈ ٹی20 کرکٹ عالمی ریکارڈ گیمبیا لیام میک کارتھی مہنگا اسپیل ویسٹ انڈیز اوورز میں ٹی20 کرکٹ رنز دیے
پڑھیں:
برطانوی شاہی خاندان کا ونزر کاسل میں ٹرمپ کے اعزاز میں شاندار عشائیہ
برطانیہ کے شاہی خاندان نے امریکی صدر ڈونلڈ ٹرمپ کے اعزاز میں ونزر کاسل میں شاندار عشائیہ دیا۔ اس موقع پر بادشاہ چارلس نے امریکی صدر کو خراجِ تحسین پیش کرتے ہوئے کہا کہ دنیا کے پیچیدہ تنازعات کے حل میں ٹرمپ کی کوششیں قابلِ تعریف ہیں اور امن کے لیے ان کا عزم لائقِ ستائش ہے۔
صدر ٹرمپ نے عشائیے سے خطاب میں کہا کہ امریکا اور برطانیہ کے تعلقات دہائیوں سے قابلِ فخر ہیں اور برطانیہ کا یہ دورہ ان کی زندگی کے بڑے اعزازات میں سے ایک ہے۔
ونزر کاسل پہنچنے پر شاہی خاندان نے صدر ٹرمپ اور خاتون اول میلانیا ٹرمپ کا پرتپاک استقبال کیا۔ ٹرمپ نے شاہ چارلس اور ملکہ کمیلا کے ہمراہ گارڈ آف آنر کا معائنہ کیا، فوجی تقریب میں شاندار فلائی پاسٹ اور رائل فورس کی پریڈ بھی دیکھی۔
یہ صدر بننے کے بعد ٹرمپ کا برطانیہ کا دوسرا سرکاری دورہ ہے جس کے دوران امریکا اور برطانیہ کے درمیان سرمایہ کاری سے متعلق کئی اہم معاہدے متوقع ہیں۔ آج امریکی صدر برطانوی وزیراعظم سر کیئر اسٹارمر سے بھی ملاقات کریں گے۔
سوشل میڈیا پر پابندی مہنگی پڑ گئی، نیپالی وزیراعظم پرتشدد مظاہروں کے بعد مستعٰفی