غیرمجاز طور پر ‘پاکستان’ کا نام استعمال کرنے پر باڈی بلڈنگ کی تربیت دینے والی تنظیم کو نوٹس جاری
اشاعت کی تاریخ: 17th, June 2025 GMT
پاکستان اسپورٹس بورڈ (پی ایس بی) نے طارق پرویز نامی شخص کو قانونی نوٹس جاری کیا ہے، جس میں اُس سے مطالبہ کیا گیا ہے کہ وہ باڈی بلڈنگ کے اپنے ادارے کے نام سے ‘پاکستان’ کا لفظ ہٹائیں۔
پی ایس بی کے ترجمان کے مطابق ایک غیرمجاز ادارہ، جس کا نام ‘پاکستان باڈی بلڈنگ اینڈ فٹنس فیڈریشن’ ہے، بغیر کسی سرکاری منظوری کے پاکستان کا نام اپنی سرگرمیوں، تشہیری مواد، سوشل میڈیا اور دیگر ذرائع میں استعمال کر رہا ہے، حالانکہ یہ ادارہ پی ایس بی سے منسلک یا تسلیم شدہ نہیں ہے۔
یہ بھی پڑھیے: باڈی بلڈنگ ورلڈ کپ، پاکستان نے سلور میڈل حاصل کرلیا
پی ایس بی کا کہنا ہے کہ یہ فعل پاکستان کے آئین اور قومی قوانین کی سنگین خلاف ورزی ہے، اور یہ کھیلوں کے کھلاڑیوں، اسپانسرز، اداروں اور عوام میں ابہام کا باعث بنتا ہے۔ اس سے پاکستان کے قومی کھیلوں کے حکومتی ادارے کی ساکھ کو نقصان پہنچتا ہے، اور اس سے ملک کے کھیلوں کے شعبے میں بد نظمی اور قانونی پیچیدگیاں جنم لیتی ہیں۔
نوٹس میں واضح کیا گیا ہے کہ پاکستان اسپورٹس بورڈ ملک میں قومی کھیلوں کے وفاقی اداروں کا اندراج اور انہیں تسلیم کرنے کا واحد مجاز ادارہ ہے۔ کوئی بھی تنظیم پاکستان کی نمائندگی کا دعویٰ اُس وقت تک نہیں کر سکتی جب تک کہ اسے پی ایس بی سے منظوری یا سرکاری ریگنیشن حاصل نہ ہو۔
یہ بھی پڑھیے: تن ساز رمیز ابراہیم ایک اور عالمی اعزاز حاصل کرنے کے لیے پرعزم
پی ایس بی نے اپنے نوٹس میں ‘پاکستان باڈی بلڈنگ اینڈ فٹنس فیڈریشن’ کو فوری طور پر ہدایت دی ہے کہ وہ اپنے نام سے ‘پاکستان’ کا استعمال بند کرے اور تمام تشہیری مواد، سائن بورڈز، ویب سائٹس اور سوشل میڈیا اکاؤنٹس سے یہ نام ہٹا دے، جن سے اس کا پی ایس بی یا حکومت پاکستان سے تعلق ظاہر ہوتا ہے۔ اس کے علاوہ، تنظیم کو سختی سے ہدایت کی گئی ہے کہ وہ آئندہ پاکستان کی نمائندگی کرنے کا دعویٰ نہ کرے۔
اس نوٹس میں یہ بھی کہا گیا ہے کہ تنظیم کو 7 دن کے اندر تحریری جواب اور تصدیق جمع کروانی ہوگی کہ اُس نے ہدایت پر عملدرآمد کیا ہے۔ اگر ایسا نہ کیا گیا تو پی ایس بی قانونی اور انتظامی کارروائی کرنے پر مجبور ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.ذریعہ: WE News
کلیدی لفظ: باڈی بلڈنگ کھیلوں کے پی ایس بی
پڑھیں:
گورنرخیبرپختونخوا کا پاکستان بوائز سکاؤٹ ایسوسی ایشن کے ہیڈ کوارٹر کا دورہ،تنظیم کے حوالے سے امور بارے تبادلہ خیال کیا
اسلام آباد (اُردو پوائنٹ اخبارتازہ ترین - اے پی پی۔ 15 ستمبر2025ء) گورنر خیبرپختونخوا فیصل کریم کنڈی نے پاکستان بوائز سکاؤٹ ایسوسی ایشن کے ہیڈ کوارٹرز اسلام آباد کا دورہ کیا اور چیف کمشنر چوہدری ریاض سے ملاقات کی، پیپلز پارٹی کے صوبائی جنرل سیکرٹری شجاع خان ، ڈپٹی جنرل سیکرٹری ابرار سعید سواتی اور ہلال احمر خیبرپختونخوا کے وائس چیئرمین فرزند علی وزیر بھی ان کے ہمراہ تھے۔(جاری ہے)
پیر کو گورنر آفس سے جاری بیان کے مطابق ملاقات میں ملک بھر کے سکاؤٹس کو حب الوطنی اور انسانی خدمت کے جذبے سے سرشار کرنے کے لئے ضروری اقدامات پر زور اور بٹراسی کالج کے تعلیمی و انتظامی معاملات پر بھی تفصیلی تبادلہ خیال کیا گیا۔ اس موقع پر فیصلہ کیا گیا کہ گورنر خیبرپختونخوا فیصل کریم کنڈی جلد ہی بٹراسی کالج کا دورہ کریں گے تاکہ وہاں کے انتظامی اور تعلیمی امور کا جائزہ لیا جا سکے۔\932
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام