موساد کے اڈے پر ایسا میزائل مارا جس کا سراغ لگانا ممکن نہیں، ایران
اشاعت کی تاریخ: 17th, June 2025 GMT
ایران کا کہنا ہے کہ موساد کی سائٹ پر حملے میں اس نے ایک نیا اور ایسا (اسٹیلتھ) میزائل مارا جس کا سراغ لگانا اسرائیل کے لیے ممکن نہیں تھا۔
یہ بھی پڑھیں: ایران کا اسرائیلی انٹیلیجنس اداروں موساد اور آمان کے مراکز پر براہ راست میزائلوں سے حملہ
ایران کی وزارت دفاع کا کہنا ہے کہ اس نے اسرائیلی انٹیلی جنس تنصیب کو نشانہ بنانے والے حملے میں پہلی بار ایک نئے، ناقابل شناخت میزائل کا استعمال کیا جو کامیابی کے ساتھ امریکا کی مدد سے اسرائیل میں کھڑے کیے گئے فضائی دفاعی نظام میں داخل ہوگیا۔
وزارت دفاع کے ترجمان بریگیڈیئر جنرل رضا طلائی نے منگل کے روز کہا کہ آج کے حملے میں ہم نے ایسے میزائل داغے جنہیں ٹریک یا روکا نہیں جا سکتا تھا۔
اس حملے کو دشمن کے لیے سرپرائز قرار دیتے ہوئے انہوں نے زور دیا کہ اسرائیل ابھی ایسے کئی حملوں کا سامنا کرے گا۔
مزید پڑھیے: اسرائیل کے حملے سے قبل موساد ایجنٹوں نے ایران میں کیا کارروائی کی؟
بریگیڈیئر جنرل رضا طلائی نے اس بات پر زور دیا کہ اسرائیلی تنصیب کے اردگرد بھاری دفاعی تہوں کے باوجود ہدف کو تیر بہدف گائیڈڈ میزائلوں سے نشانہ بنایا گیا۔
انہوں نے کہا کہ اس حملے نے اسرائیل کے دفاعی نظام کی قلعی کھول دی جسے طویل عرصے سے خطے کے سب سے جدید ترین انٹیلی جنس اور سیکیورٹی آلات میں سے ایک سمجھا جاتا ہے۔
بریگیڈیئر جنرل رضا طلائی نے کہا کہ طویل عرصے تک اپنی انٹیلی جنس برتری پر فخر کرنے کے باوجود اب اسرائیل کا ایک سیکیورٹی اور انٹیلی جنس مرکز براہ راست نشانہ بنا۔
مزید پڑھیں: ایران میں موساد کے مبینہ جاسوس کو پھانسی پر لٹکا دیا گیا
انہوں نے خبردار کیا کہ اسرائیل طویل جنگ کے لیے تیار نہیں ہے۔ انہوں نے مزید کہا کہ ایرانی مسلح افواج کو ممکنہ دشمنی کے پیش نظر جدید ہتھیار اور سازوسامان فراہم کیا گیا ہے۔
بریگیڈیئر جنرل رضا طلائی نے کہا کہ اس لڑائی میں ہمارے بہت سے جدید نظام ابھی تک استعمال ہی نہیں کیے گئے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایرانی میزائل ایرانی وزارت دفاع برگیڈیئر جنرل رضا طلائی موساد پر حملہ.ذریعہ: WE News
کلیدی لفظ: ایرانی میزائل ایرانی وزارت دفاع موساد پر حملہ بریگیڈیئر جنرل رضا طلائی نے انٹیلی جنس انہوں نے کے لیے کہا کہ
پڑھیں:
اسرائیل: اینٹی میزائل ہائی پاور لیزر سسٹم “آئرن بیم” کامیابی سے آزما لیا گیا
data-id="863a0a8" data-element_type="widget" data-widget_type="theme-post-content.default">
اسرائیل نے اعلان کیا ہے کہ اس نے کم لاگت والا اینٹی میزائل ہائی پاور لیزر سسٹم “آئرن بیم” کامیابی سے آزما لیا ہے اور رواں سال کے آخر تک اسے فوجی استعمال کے لیے تیار کر دیا جائے گا۔
یہ نظام ایلبٹ سسٹمز اور رافیل ایڈوانسڈ ڈیفنس سسٹمز کے اشتراک سے تیار کیا گیا ہے اور اسے موجودہ راکٹ شکن نظاموں جیسے آئرن ڈوم، ڈیوڈز سلنگ اور ایرو کے ساتھ ہم آہنگی کے ساتھ چلانے کا ارادہ ہے، تاکہ روایتی انٹرسیپٹرز کے بجائے لیزر کے ذریعے چھوٹے راکٹوں، مارٹر گولوں اور ڈرونز کو مؤثر انداز میں روکا جا سکے۔
اسرائیلی وزارت دفاع کے مطابق روایتی انٹرسیپٹرز کی فی انٹرسیپٹ لاگت کم از کم 50 ہزار ڈالر بنتی ہے، جبکہ لیزر بیسڈ حل عملی طور پر کم خرچ ثابت ہو سکتا ہے، اس لیے آئرن بیم آنے سے فضائی دفاعی آپریشنز کی مجموعی لاگت میں نمایاں کمی متوقع ہے۔ سسٹم کو جنوبی اسرائیل میں مختلف جنگی منظرناموں میں کئی ہفتوں تک ٹیسٹ کیا گیا جس میں اس نے اہداف کو ناکام بنانے کی صلاحیت دکھائی، اور ابتدائی یونٹس کو سال کے اختتام تک دفاعی یونٹس میں شامل کرنے کا منصوبہ ہے۔
یہ پیش رفت عالمی سطح پر دفاعی ٹیکنالوجی میں ڈائریکٹڈ انرجی ویپنز کے بڑھتے ہوئے استعمال کی عکاسی کرتی ہے؛ اسی طرز کی ٹیکنالوجی کی مثالیں چین نے بھی اپنی فوجی پریڈز اور مظاہروں میں دکھائی ہیں۔ آئرن بیم جیسے سستے، ہائی پاور لیزر سسٹمز کے تعارف سے علاقائی دفاعی توازن، آپریشنل لاگت اور مستقبل کے حملہ روکنے کے طریقہ کار پر اثر پڑ سکتا ہے، خاص طور پر جب حریف فریق بھی اسی سمت میں سرمایہ کاری اور ترقی کر رہے ہوں۔
غزہ: اسرائیلی بمباری سے گزشتہ 24 گھنٹوں کے دوران 67 فلسطینی شہید