سربراہ آئی اے ای اے کا کردار "تخریبکارانہ" ہے، محمد اسلامی
اشاعت کی تاریخ: 18th, June 2025 GMT
ایرانی سربراہ جوہری توانائی تنظیم نے ملکی جوہری تنصیبات کے حالات "اچھے" قرار دیتے ہوئے اعلان کیا ہے کہ ایران کے حوالے سے عالمی جوہری توانائی تنظیم (IAEA) کے سربراہ نے "تخریبکارانہ" کردار اپنایا ہے! اسلام ٹائمز۔ ایرانی جوہری تنظیم کے سربراہ و ایرانی نائب صدر محمد اسلامی نے اعلان کیا ہے کہ ایرانی جوہری تنصیبات "اچھی حالت" میں ہیں۔ سربراہ ایرانی جوہری توانائی تنظیم نے قومی ٹیلیویژن کو انٹرویو دیتے ہوئے اعلان کیا کہ ہمارے لوگ قابل فخر اور طاقتور ہیں! ایرانی نائب صدر نے تاکید کی کہ ہمارے عوام کبھی جھکے ہیں اور نہ ہی انہوں نے کبھی ہتھیار ڈالے ہیں۔ محمد اسلامی نے زور دیتے ہوئے کہا کہ دشمن کو یقین کر لینا چاہیئے کہ وہ اس (فوجی جارحیت کے) راستے سے کوئی مقصد حاصل نہیں کر سکے گا۔ انہوں نے کہا کہ جوہری صنعت میں ہمارے ساتھیوں کے حوصلے بلند ہیں اور وہ اپنے مضبوط مورچوں میں سرگرم ہیں۔
عالمی جوہری توانائی ایجنسی (IAEA) کے ڈائریکٹر جنرل رافائل گروسی کے حالیہ بیانات کے بارے نائب ایرانی صدر و سربراہ ایرانی جوہری توانائی تنظیم نے تاکید کرتے ہوئے کہا کہ آئی اے ای اے کے ڈائریکٹر جنرل نہ صرف اپنی اہم ذمہ داریوں کی ادائیگی میں شدید ناکام رہے ہیں بلکہ یہ امر رہتی تاریخ میں درج ہو چکا ہے کہ انہوں نے "تخریبکارانہ کردار" ادا کیا ہے۔ اس حوالے سے اپنی گفتگو کے آخر میں محمد اسلامی نے زور دیتے ہوئے کہ رہتی تاریخ میں یہ ریکارڈ ہو چکا ہے کہ عالمی جوہری توانائی ایجنسی کے ڈائریکٹر جنرل کی جانب سے سامنے آنے والا یہ "تاریخی لیت و لعل" ہی (غاصب اسرائیلی) دشمن کی جانب سے غلط فائدہ اٹھانے کا باعث بنا ہے۔
-
ذریعہ
ذریعہ: Islam Times
کلیدی لفظ: جوہری توانائی تنظیم ایرانی جوہری محمد اسلامی دیتے ہوئے
پڑھیں:
علی الزیدی کا ایران کا اہم دورہ، دوطرفہ تعلقات بڑھانے پر اتفاق
ایرانی صدر سے ملاقات میں عراقی وزیراعظم کا کہنا تھا کہ عراق اور ایران کی سلامتی ایک دوسرے سے جڑی ہوئی ہے اور عراق اپنی سرزمین ایران کے خلاف کسی بھی کارروائی کے لیے استعمال نہیں ہونے دے گا۔ اسلام ٹائمز۔ امریکا کے دورے کے بعد عراقی وزیراعظم علی الزیدی نے ایران کا اہم دورہ کیا، جہاں انہوں نے ایرانی صدر مسعود پزشکیان اور اعلیٰ ایرانی قیادت سے ملاقاتیں کیں۔خبر ایجنسی کے مطابق ایرانی صدر مسعود پزشکیان اور عراقی وزیراعظم کے درمیان ہونے والے مذاکرات میں دوطرفہ تعلقات، اقتصادی تعاون، توانائی، تجارت اور علاقائی سلامتی سمیت مختلف امور پر تفصیلی تبادلہ خیال کیا گیا۔ دونوں ممالک نے اقتصادی تعاون اور مشترکہ سرمایہ کاری کو فروغ دینے پر اتفاق کیا، جبکہ نقل و حمل اور شہری تعاون سے متعلق نئے معاہدے بھی طے پائے۔
عراقی وزیراعظم علی الزیدی نے اس موقع پر کہا کہ عراق اور ایران کی سلامتی ایک دوسرے سے جڑی ہوئی ہے اور عراق اپنی سرزمین ایران کے خلاف کسی بھی کارروائی کے لیے استعمال نہیں ہونے دے گا۔ ایرانی صدر مسعود پزشکیان نے کہا کہ ایران اور عراق کے درمیان تاریخی، مذہبی اور ثقافتی رشتے نہایت مضبوط ہیں، جبکہ خطے کا استحکام دونوں ممالک کی ترقی اور خوشحالی کے لیے ناگزیر ہے۔ خبر ایجنسی کے مطابق دورے کے اختتام پر منعقدہ دستخطی تقریب میں ایرانی اور عراقی وزراء نے مختلف تعاون کے معاہدوں کا تبادلہ بھی کیا۔
رمضان میں سحر و افطار کے دوران لوڈشیڈنگ نہ کرنے کا حکم، گیس فراہمی کا بھی اعلان