امریکی اسٹوڈینٹ ویزے پر پابندی ختم، مگر اس کا سوشل میڈیا سے کیا تعلق ہے؟
اشاعت کی تاریخ: 19th, June 2025 GMT
امریکی محکمہ خارجہ نے بدھ کو اعلان کیا ہے کہ وہ جلد ہی غیر ملکی طلبہ ویزوں کی درخواستوں کے لیے انٹرویوز کا دوبارہ آغاز کرے گا۔
تاہم اس بار ویزا درخواست دہندگان کی ’سوشل میڈیا سرگرمیوں‘ کو بھی جانچ کے عمل میں شامل کیا جائے گا۔
یہ بھی پڑھیں:غزہ کا دورہ کرنے والے امریکی ویزا درخواست گزاروں کے سوشل میڈیا اکاؤنٹس دیکھنے کا حکم
محکمہ خارجہ نے یہ فیصلہ ایک ایسے وقت میں کیا ہے جب سابق صدر ڈونلڈ ٹرمپ کی حکومت کی جانب سے امیگریشن پر سخت اقدامات کیے جا رہے ہیں۔
گزشتہ ماہ غیر ملکی طلبہ کے ویزوں کے لیے انٹرویوز عارضی طور پر معطل کر دیے گئے تھے۔
نئے رہنما اصولوں کے تحت، محکمہ خارجہ نے کہا ہے کہ وہ تمام ایف (F، ایم (M)، اور جے (J) نان امیگرنٹ ویزا درخواست دہندگان کی آن لائن موجودگی سمیت مکمل اور گہرائی سے جانچ کرے گا۔
بیان میں کہا گیا ہے کہ ویزا درخواست کی جانچ کو مؤثر بنانے کے لیے تمام طلبہ ویزا امیدواروں کو ہدایت دی جائے گی کہ وہ اپنے تمام سوشل میڈیا پروفائلز کی پرائیویسی سیٹنگز کو ’پبلک‘ یعنی عوامی کر دیں۔
یہ بھی پڑھیں:مستقل رہائش کو فروغ دینے کے لیے امریکا نے نیا ویزا متعارف کرا دیا
محکمہ خارجہ نے واضح نہیں کیا کہ انٹرویوز کی دوبارہ شیڈولنگ کا عمل کب سے شروع ہوگا۔
ویزا جاری کرنے کے عمل میں محتاط رہنا ہوگابیان میں مزید کہا گیا ہے کہ امریکا کو ویزا جاری کرنے کے عمل میں محتاط رہنا ہوگا تاکہ یہ یقینی بنایا جا سکے کہ جو لوگ امریکا میں داخلے کے خواہاں ہیں، ان کا کوئی خطرناک ارادہ نہ ہو اور وہ اپنے ویزا کے مقاصد کے مطابق سرگرمیوں میں حصہ لینے کا قابلِ اعتماد ثبوت دیں۔
امریکی ویزا کوئی حق نہیں بلکہ ایک سہولت ہےیہ اعلان ایسے وقت میں سامنے آیا ہے جب ٹرمپ انتظامیہ نے فلسطین کی حمایت اور غزہ کی جنگ کے خلاف اسرائیل پر تنقید کرنے والے غیر ملکی طلبہ کو ملک بدر کرنے کی مہم تیز کر دی ہے۔
گزشتہ ماہ کے آخر میں ٹرمپ حکومت نے غیر ملکی طلبہ کے ویزوں کے لیے انٹرویوز روک دیے تھے اور ویزا درخواست دہندگان کی سوشل میڈیا سرگرمیوں میں ممکنہ یہود مخالف مواد کی جانچ کو لازمی قرار دیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسٹوڈینٹ ویزا امریکا امریکا ویزا ڈونلڈ ٹرمپ سوشل میڈیا.ذریعہ: WE News
کلیدی لفظ: امریکا امریکا ویزا ڈونلڈ ٹرمپ سوشل میڈیا غیر ملکی طلبہ ویزا درخواست سوشل میڈیا کے لیے
پڑھیں:
بانی پی ٹی آئی عمران خان کے بیٹوں نے پاکستان کے ویزے کی درخواست دے دی
اسلام آباد:پاکستان تحریک انصاف (پی ٹی آئی) کے بانی عمران خان کی بہن علیمہ خان نے کہا ہے کہ سابق وزیراعظم کے بیٹوں نے پاکستانی ہائی کمیشن میں ویزے کی درخواست دے دی ہے اور وہ ویزے کے منتظر ہیں۔
سماجی رابطے کی ویب سائٹ ایکس پر بیان میں بانی پی ٹی آئی کی بہن علیمہ خان نے کہا کہ سلیمان اور قاسم نے چند روز قبل لندن میں پاکستانی ہائی کمیشن میں ویزے کی درخواست دی ہے۔
انہوں نے بتایا کہ پاکستانی سفیر نے بتایا کہ ویزا درخواستوں کی منظوری وزارت داخلہ اسلام آباد سے زیر التوا ہے اور وزارت داخلہ اسلام آباد کی منظوری کے بعد ویزے کا حتمی فیصلہ کیا جائے گا۔
علیمہ خان نے کہا کہ پاکستانی ہائی کمیشن لندن نے درخواستیں وصول کرنے کے بعد متعلقہ حکام کو آگاہ کر دیا ہے۔
بانی پی ٹی آئی کی بہن نے بتایا کہ سلیمان اور قاسم ویزے کے منتظر ہیں اور وزارت داخلہ سے منظوری کا عمل جاری ہے۔
ملک کے بیشتر اضلاع میں مون سون بارشوں کی پیشگوئی