اسلحہ و شراب برآمدگی کیس میں علی امین گنڈاپور کے ناقابل ضمانت وارنٹ گرفتاری معطل
اشاعت کی تاریخ: 19th, June 2025 GMT
—فائل فوٹو
جوڈیشل مجسٹریٹ اسلام آباد مبشر حسن چشتی نے اسلحہ اور شراب برآمدگی کیس میں وزیر اعلیٰ خیبرپختونخوا علی امین گنڈاپور کے ناقابل ضمانت وارنٹ گرفتاری معطل کر دیے۔
علی امین گنڈاپور کے خلاف اسلحہ و شراب برآمدگی کیس کی سماعت جوڈیشل مجسٹریٹ اسلام آباد مبشر حسن چشتی نے کی۔
دوران سماعت وکیل راجہ ظہورالحسن نے کہا کہ پشاور ہائی کورٹ نے 3 جولائی تک علی امین گنڈاپور کی ضمانت منظور کر رکھی ہے، علی امین گنڈاپور کے عدالت پیش ہونے پر ناقابل ضمانت وارنٹ گرفتاری معطل کیے جائیں۔
جج نے سوال کیا کہ 342 کے سوالنامے کے جواب جمع کرا دیں، کب تک جواب جمع کروائیں گے؟
علی امین گنڈاپور نے یقین دہانی کرواتے ہوئے کہا کہ خیبر پختونخوا کے بجٹ کے بعد جواب عدالت میں جمع کروادیں گے۔
جس کے بعد عدالت نے علی امین گنڈاپور کے پیش ہونے پر ناقابل ضمانت وارنٹ گرفتاری معطل کر کے کیس کی سماعت 2 جولائی تک ملتوی کردی۔
واضح رہے کہ علی امین گنڈاپور کے خلاف تھانہ بارہ کہو میں اسلحہ اور شراب برآمدگی کا کیس درج ہے۔
آڈیو لیک کیس: علی امین پر 2 جولائی کو فرد جرم عائد کی جائے گیدوسری جانب علی امین گنڈاپور پر آڈیو لیک کیس میں 2 جولائی کو فرد جرم عائد کی جائے گی۔
علی امین گنڈاپور ایڈیشنل ڈسٹرکٹ اینڈ سیشن جج نصر من اللّٰہ بلوچ کی عدالت میں پیش ہوئے۔ آڈیو لیک کیس میں علی امین گنڈا پور کے مسلسل عدم حاضری پر جاری وارنٹ منسوخ کر دیے گئے۔
وکیل راجہ ظہور الحسن نے عدالت میں کہا کہ علی امین گنڈاپور کی پشاور ہائی کورٹ سے حفاظتی ضمانت منظور ہو چکی ہے۔
دوران سماعت علی امین گنڈاپور نے جج سے کہا کہ سر مجھے بولنے کی اجازت ہے؟ میرا دوسری عدالت میں ایک کیس ہے وہاں بھی 2 جولائی کی تاریخ ہے۔
جس پر جج نے علی امین گنڈاپور کو کہا کہ فرد جرم کی کارروائی کےلیے آپ کی حاضری ضروری ہے۔ جس کے بعد عدالت نے کیس کی سماعت ملتوی کر دی۔
یاد رہے کہ علی امین گنڈاپور کی کسی شخص کے ساتھ اسلحہ سے متعلق آڈیو لیک ہوئی تھی، آڈیو لیک میں اسلحہ، لائسنس اور بندوں کی تعداد سے متعلق پوچھ رہے تھے۔
علی امین گنڈاپور کی آڈیو لیک ہونے پر تھانہ گولڑہ میں مقدمہ درج کیا گیا تھا۔
.
ذریعہ
ذریعہ: Jang News
کلیدی لفظ: ناقابل ضمانت وارنٹ گرفتاری معطل علی امین گنڈاپور کے علی امین گنڈاپور کی شراب برآمدگی عدالت میں آڈیو لیک کیس میں کہا کہ
پڑھیں:
24 جولائی کیلئے بھی ڈیزل اور پیٹرول کی قیمت میں اضافہ کردیا گیا
علامتی فوٹوحکومت نے مسلسل تیسرے روز پیٹرول جبکہ چوتھے روز ڈیزل کی فی لیٹر قیمت میں اضافہ کردیا ہے۔
اس حوالے سے جاری نوٹیفکیشن کے مطابق پیٹرول کی قیمت میں 4 روپے 40 پیسے فی لیٹر جبکہ ڈیزل کی قیمت میں 3 روپے 62 پیسے فی لیٹر اضافہ کردیا گیا ہے۔
نوٹیفکیشن کے مطابق پیٹرول کی نئی قیمت 327 روپے 12 پیسے فی لیٹر مقرر کردی گئی ہے۔ اسی طرح ڈیزل کی نئی قیمت 378 روپے 66 پیسے فی لیٹر مقرر کی گئی ہے۔
اس میں کہا گیا ہے کہ پیٹرول اور ڈیزل کی نئی قیمتیں 24 جولائی کے لیے ہوں گی۔
خیال رہے کہ حکومت کی جانب سے فیصلہ کیا گیا ہے کہ خطے کی بگڑتی صورتحال کے پیش نظر روزانہ کی بنیاد پر پیٹرولیم مصنوعات کی قیمتوں کا تعین کیا جائے گا۔
اوگرا وزیراعظم یا حکومت کی منظوری کے بغیر قیمتوں کا اعلان کرے گا، جبکہ ہفتہ اور اتوار کو گزشتہ اعلان کردہ قیمتیں برقرار رہیں گی۔
یومیہ اعلان کے تحت اب تک کی تبدیلیعلم میں رہے کہ 21 جولائی کےلیے حکومت نے پیٹرول کی فی لیٹر قیمت میں 35 پیسے کمی جبکہ ڈیزل کی قیمت میں 5 روپے 71 پیسے فی لیٹر اضافہ کیا تھا۔
22 جولائی کیلئے پیٹرول کی قیمت میں 4 روپے 93 پیسے فی لیٹر جبکہ ڈیزل کی قیمت میں 7 روپے 15 پیسے فی لیٹر کا اضافہ کیا گیا تھا۔
اسی طرح 23 جولائی کےلیے حکومت نے پیٹرول کی قیمت میں 6 روپے 39 پیسے فی لیٹر جبکہ ڈیزل کی قیمت میں 7 روپے 83 پیسے فی لیٹر اضافہ کیا تھا۔
پاکستان نے ورلڈ کپ 2028 کیلیے براہ راست کوالیفائی کر لیا