فلم ’دیمک‘ کی شوٹنگ سے قبل جنات نے دھکا دے کر زخمی کیا، ثمینہ پیرزادہ
اشاعت کی تاریخ: 20th, June 2025 GMT
پاکستان کی سینیئر اداکارہ ثمینہ پیردازہ نے انکشاف کیا ہے کہ ہارر فلم ’دیمک‘ کی شوٹنگ شروع ہونے سے قبل جنات نے انہیں دھکا دے کر شدید زخمی کر دیا تھا۔
ثمینہ پیرزادہ نے حال ہی میں نجی ٹی وی کے پروگرام ’مذاق رات‘ میں شرکت کی جہاں انہوں نے مختلف موضوعات پر بات کی اس دوران جب ان سے حال ہی میں ریلیز ہونے والی ہارر فلم ’دیمک‘ کے بارے میں سوال کیا گیا تو انہوں نے بتایا کہ دیمک کی شوٹنگ سے قبل ہی انہیں جنات نے دھکا دیا جس سے انہیں شدید چوٹیں آئیں۔
اداکارہ کا کہنا تھا کہ ’ایک دن میرے گارڈن کی لائٹ نہیں جل رہی تھی میں نے ملازموں سے کہا لیکن انہوں نے دیر کی تو میں خود لائٹ جلانے چلی گئی اور جب میں واپس آ رہی تھی تو مجھے کسی نے اتنی زور سے دھکا دیا کہ میں اُڑتی ہوئی دور جا گری جس سے میرے گھٹنے، کمر، کندھے، ہاتھ اور چہرے پر شدید چوٹیں آئیں‘۔
View this post on Instagram
A post shared by Galaxy Lollywood (@galaxylollywood)
ثمینہ پیرزادہ نے بتایا کہ ’مجھے فلم کی شوٹنگ کے لیے جانا تھا تو میں چوٹوں پر پٹیاں باندھے ہی شوٹنگ پر چلی گئی‘، انہوں نے ہنستے ہوئے مزید کہا کہ جنات میرے پاس پہلے ہی پہنچ گئے تھے کہ دیکھتے ہیں تم اس فلم میں کیسے کام کرتی ہو۔
یہ بھی پڑھیں: اداکارہ سونیا حسین کو اپنے گرد جنات کی موجودگی کا احساس کیسے ہوا؟
واضح رہے کہ اس سے قبل اداکارہ سونیا حسین نے بتایا تھا کہ فلم کی شوٹنگ کے دوران کچھ عجیب و غریب باتیں ہوئیں جیسے اچانک سے جنریٹر بند ہوجاتا تھا حالانکہ کسی اور سیٹ پر ایسا نہیں ہوتا اور بعض اوقات لائٹ اچانک چلی جاتی تھی، جس کے باعث ہمیں سین کو دوبارہ شوٹ کرنا پڑتا تھا۔
انہوں نے مزید کہا کہ وہ جنات پر یقین رکھتی ہیں کیونکہ ان کا ذکر قرآن پاک میں بھی آیا ہے اور اس لیے ان کی حقیقت سے انکار نہیں کیا جاسکتا۔ اور فلم ’دیمک‘ کی کہانی بھی سچے واقعات پر مبنی ہے۔
واضح رہے ہارر فلم دیمک عیدالاضحیٰ پر ریلیزکی گئی جس میں سونیا حسین، فیصل قریشی اور ثمینہ پیرزادہ اہم کرداروں میں نظر آئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ثمینہ پیرزادہ جنات دیمک سونیا حسین ہارر فلم.
ذریعہ
ذریعہ: WE News
کلیدی لفظ: ثمینہ پیرزادہ جنات سونیا حسین ہارر فلم ثمینہ پیرزادہ سونیا حسین کی شوٹنگ انہوں نے ہارر فلم
پڑھیں:
مستونگ: سیشن جج اور گن مین قاتلانہ حملے میں شہید، ایڈیشنل سیشن جج شدید زخمی
ویب ڈیسک : مستونگ میں ہونے والے قاتلانہ حملے میں سیشن جج مستونگ عبدالحکیم کاکڑ اور گن مین شہید ہو گئے جبکہ ایڈیشنل سیشن جج طارق لاشاری شدید زخمی ہوئے۔
حکومت بلوچستان نے مستونگ حملے کی شدید مذمت کرتے ہوئے دہشت گردوں کے خلاف فیصلہ کن کارروائی کا حکم دے دیاہے۔ معاون وزیر اعلیٰ بلوچستان شاہد رند کا کہنا ہے کہ سیشن جج عبدالحکیم کاکڑ اور ان کے گن مین کی شہادت انتہائی افسوسناک اور قابلِ مذمت ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
معاون وزیر اعلیٰ بلوچستان شاہد رند کے مطابق وکلاء اور ججز کو نشانہ بنانا ایک گہری سازش کا حصہ ہے،دہشت گردوں اور ان کے سہولت کاروں کو کسی صورت نہیں چھوڑا جائے گا۔
وزیراعلیٰ بلوچستان سرفراز بگٹی نے مستونگ حملے میں زخمی ایڈیشنل سیشن جج طارق لاشاری سے رابطہ کرکے ان کی خیریت دریافت کی اوران کی مکمل صحت یابی کے لیے نیک تمناؤں کا اظہار کیاہے۔
وزیراعلیٰ بلوچستان میر سرفراز بگٹی نے زخمی ایڈیشنل سیشن جج سے گفتگو کرتے ہوئے کہاکہ قانون کے محافظوں پر حملہ ناقابل برداشت ہے، ملوث عناصر کو کیفر کردار تک پہنچایا جائے گا،حکومت عدلیہ اور قانون نافذ کرنے والے اداروں کے ساتھ ہر قدم پر کھڑی ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
بھارت سے جنگ اور افغانستان میں کارروائی خارج ازامکان نہیں، وزیردفاع