وفاقی وزیر خزانہ کا امپورٹڈ 5 سال پرانی گاڑی پر 40 فیصد ڈیوٹی عائد کرنے کا اعلان
اشاعت کی تاریخ: 20th, June 2025 GMT
وفاقی وزیر خزانہ محمد اورنگزیب نے کہا ہے کہ اس سال ستمبر سے 5 سال پرانی گاڑی کی کمرشل امپورٹ کھولی جارہی ہے۔
ان کا کہنا تھا کہ امپورٹڈ 5 سال پرانی گاڑی پر 40 فیصد ڈیوٹی عائد کی جائے گی، صرف 700 دن باہر رہنے والے جو بگیج اسکیم میں گاڑی لانے کی اجازت ہوگی۔
یہ بھی پڑھیے: شرح سود میں کمی سے پرانی گاڑیوں کی قیمتوں میں کتنا فرق پڑا؟
وزیر خزانہ نے کہا ہے کہ یکم جولائی 2026 سے 5 سال سے زائد پرانی گاڑی بھی منگوانے کی اجازت ہوگی، یکم جولائی 2026 سے پرانی امپوٹڈ گاڑیوں پر ڈیوٹی 40 سے کم ہوکر 30 فیصد ہو جائے گی، یکم جولائی 2027 سے پرانی امپوٹڈ گاڑیوں پر ڈیوٹی 30 سے کم ہوکر 20 فیصد ہو جائے گی۔
انہوں نے بتایا کہ یکم جولائی 2028 سے پرانی امپوٹڈ گاڑیوں پر ڈیوٹی 20 سے کم ہوکر 10 فیصد ہو جائے گی، جبکہ اس سے اگلے سال یکم جولائی 2029 سے پرانی امپوٹڈ گاڑیوں پر ڈیوٹی 10 سے کم ہوکر صفر فیصد ہو جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹیکس گاڑیوں کی قیمتیں لیوی.ذریعہ: WE News
کلیدی لفظ: ٹیکس گاڑیوں کی قیمتیں لیوی فیصد ہو جائے گی پرانی گاڑی یکم جولائی سے کم ہوکر
پڑھیں:
محکمہ ایکسائز پنجاب نے کن گاڑیوں کی رجسٹریشن فیس میں 95 فیصد کمی کردی؟
نئی گاڑی لینے کے بعد سب سے اہم مسئلہ رجسٹریشن یا نمبر پلیٹ کے حصول کا درپیش ہوتا ہے، لوگ اپنی پسند کے نمبروں کے لیے لاکھوں روپے ادا کر کے اسے حاصل کرتے ہیں، پھر ہر گاڑی کی ویلیو کے حساب اس کی رجسٹریشن فیس ادا کی جاتی ہے۔
محکمہ ایکسائز نے الیکڑک گاڑیوں کی رجسٹریشن کروانے کی ایک اسکیم متعارف کروائی ہے، جس کا مقصد عوام میں ماحول دوست گاڑیوں کے زیادہ سے زیادہ استعمال کو فروغ دینا ہے۔
وی نیوز سے بات کرتے ہوئے ایڈیشنل ڈی جی ایکسائز احمد سعید نے بتایا کہ ماحول دوست گاڑیوں کو خصوصی شناخت دی جارہی ہے، انہوں نے بتایا کہ اگر ایک الیکڑک گاڑی کی قیمت ایک کروڑ روپے ہے تو اس کی رجسٹریشن پانچ ہزار میں ہو جائے گی۔
یہ بھی پڑھیں:
’اسی طرح ڈیڑھ کروڑ روپے مالیت کی گاڑی ہے تو اس کی رجسٹریشن فیس 7 سے 8 ہزار روپے تک ہوگئی، اس نوعیت کی رجسٹریشن کا مقصد ہے کہ لوگ الیکڑک گاڑیوں کا استعمال زیادہ سے زیادہ کریں۔‘
ایڈیشنل ڈی جی ایکسائز احمد سعید نے بتایا کہ ای وہیکلز کے لیے عام نمبر پلیٹ سے ہٹ کر نئی نمبر پلیٹ جاری کی جارہی ہیں، الیکٹرک وہیکلز کی نمبرپلیٹ اوپر سے وائٹ اور نچلا حصہ گرین کلر کا ہوگا، آئندہ تمام الیکٹرک وہیکلز مالکان وائٹ اور گرین نئی پلیٹس لگانے کے پابند ہوں گے۔
ایڈیشنل ڈی جی احمد سعید کے مطابق پنجاب بھر میں اب تک 16ہزار الیکٹرک گاڑیاں، موٹرسائیکلیں اور رکشے رجسٹرڈ کیے جاچکے ہیں، پنجاب میں ساڑھے 14ہزار الیکٹرک موٹرسائیکل جبکہ 1461 کاریں، 31 بسیں اور 36 الیکٹرک رکشے رجسٹرڈ کیے جاچکے ہیں۔
مزید پڑھیں:
ایکسائز حکام کے مطابق حکومت کی جانب سے الیکٹرک گاڑیوں کی رجسٹریشن، ٹوکن ٹیکس پر 95 فیصد رعایت دی گئی ہے، جو اگلے مالی سال میں بھی برقرار رہے گی، الیکڑک گاڑیوں کی رجسٹریشن اور ٹوکن ٹیکس میں چھوٹ صرف فائلر حضرات ہی حاصل کرسکیں گے، نان فائلر پر اس اسیکم کے تحت بھی ٹیکس عائد کیا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
احمد سعید الیکڑک گاڑیوں ایڈیشنل ڈی جی ایکسائز پنجاب ٹوکن ٹیکس رجسٹریشن فائلر ماحول دوست محکمہ ایکسائز نان فائلر نمبر پلیٹ
ایران پر اسرائیلی حملے میں ہمارا کوئی کردار نہیں: امریکا کی وضاحت