محسن گیلانی کی فیفا صدر سے ملاقات، پاکستانی فٹبال کے مستقبل پر گفتگو
اشاعت کی تاریخ: 21st, June 2025 GMT
data-id="863a0a8" data-element_type="widget" data-widget_type="theme-post-content.default">
میامی: پاکستان فٹبال فیڈریشن کے صدر محسن گیلانی کی امریکہ میں فٹبال تنظیم فیفا کے صدر جیانی انفینٹینو سے ملاقات ہوئی۔
پاکستان فٹبال فیڈریشن (پی ایف ایف) کے صدر محسن گیلانی نے امریکہ کے شہر میامی میں جاری کلب ورلڈکپ کے دوران عالمی فٹبال تنظیم فیفا کے صدر جیانی انفینٹینو سے اہم ملاقات کی، جس میں پاکستان میں فٹبال کے فروغ، ویمن فٹبال اور بین الاقوامی سطح پر قومی ٹیم کی شرکت جیسے امور پر تبادلہ خیال کیا گیا۔
اس ملاقات کے دوران جیانی انفینٹینو نے پاکستان میں فٹبال کے فروغ میں بھرپور دلچسپی کا اظہار کرتے ہوئے واضح کیا کہ فیفا نہ صرف پاکستان فٹبال فیڈریشن کے ساتھ قریبی تعاون جاری رکھے گا بلکہ حکومتِ پاکستان سے بھی رابطے میں رہے گا تاکہ کھیل کے انفراسٹرکچر اور سہولیات کو بہتر بنایا جا سکے۔
فیفا صدر نے اس بات پر اطمینان ظاہر کیا کہ محسن گیلانی فٹبال کے فروغ کے لیے ایک جامع اور مؤثر حکمت عملی رکھتے ہیں، ہماری بات چیت میں ویمن فٹبال کے فروغ اور فیفا سیریز میں پاکستان کی شمولیت بھی زیر غور آئی۔ مجھے یقین ہے کہ محسن گیلانی کا تجربہ اور عزم پاکستان میں فٹبال کے مستقبل کو نئی سمت دے گا۔
محسن گیلانی نے ملاقات میں پاکستان میں فٹبال کی موجودہ صورتحال اور مستقبل کے منصوبے پیش کیے، اور اس بات کا اعادہ کیا کہ وہ فیفا کے ساتھ مل کر کھیل کو نچلی سطح تک فروغ دینے کے لیے پُرعزم ہیں۔
.
ذریعہ
ذریعہ: Jasarat News
کلیدی لفظ: پاکستان میں فٹبال فٹبال کے فروغ محسن گیلانی کے صدر
پڑھیں:
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
اسلام آباد(ڈیلی پاکستان آن لائن)پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے، چین نے مکئی کی درآمد کے لئے پاکستانی تاجروں کی رجسٹریشن بھی شروع کردی ہے ۔
تفصیلات کے مطابق رائس ایکسپورٹرز ایسوسی کے وفد کا دورہ چین کامیابی سے جاری ہے ، جس دوران چاول کی برآمد کیلئے چین کے دو صوبوں کے ساتھ وفد نے ایم او یو سائن کر لیے ہیں، 30 سے 40 کروڑ ڈالر مالیت کے چاول کی فروخت کے معاہدے متوقع ہیں ہیں۔رائس ایکسپورٹرز ایسوسی ایشن کے چیئرمین جاوید جیلانی کا کہناتھا کہ چین کو پاکستان سے مکئی کی برآمد بھی جلد شروع ہو جائے گی،چین کو باسمتی اور نان باسمتی دونوں اقسام کے چاول برآمد کریں گے،رواں مالی سال چاول کی برآمدات دوبارہ 3ارب ڈالر کی سطح عبور کر جائیں گی، چین کا دورہ جاری ہے مزید آرڈرز ملنے کا امکان ہے۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
مزید :
بھارت سے جنگ اور افغانستان میں کارروائی خارج ازامکان نہیں، وزیردفاع