بجٹ میں مرج اضلاع کے لئے فنڈز کی عدم فراہمی قبائلی عوام کے ساتھ ظلم ہے، عبدالواسع
اشاعت کی تاریخ: 21st, June 2025 GMT
جماعت اسلامی کے صوبائی امیر کا پریس کانفرنس سے خطاب کرتے ہوئے کہنا تھا کہ حکومت نے اپنے وعدوں کو پس پشت ڈال کر حالیہ بجٹ میں پہلی بار مرج اضلاع میں بھی 10 فیصد سیلز ٹیکس عائد کردیا ہے جوکہ سراسرظلم ہے۔ اسلام ٹائمز۔ جماعت اسلامی کے صوبائی امیر عبدالواسع نے کہا ہے کہ نئے مالی سال 26- 2025ء کے بجٹ میں مرج اضلاع کے لئے فنڈز کی عدم فراہمی اور ضم اضلاع میں پہلی بار 10 فیصد سیلز ٹیکس کا نفاذ قبائلی عوام کے ساتھ ظلم اور صوبے میں انضمام کے شرائط سے انخراف ہے۔ وفاقی حکومت نے سابقہ قبائلی اضلاع کو صوبہ خیبر پختونخوا میں ضم کرتے وقت وعدہ کیا تھا کہ ہر سال وفاقی حکومت خیبر پختونخوا کو ضم اضلاع کے لئے 10سال تک سالانہ 100 ارب روپے فراہم کرے گی۔ جس میں باقی صوبے بھی اپنے این ایف سی کا 3 فیصد فراہم کریں گی لیکن حکومت نے اپنے وعدوں کو پس پشت ڈال کر حالیہ بجٹ میں پہلی بار مرج اضلاع میں بھی 10 فیصد سیلز ٹیکس عائد کردیا ہے جوکہ سراسرظلم ہے۔ ان خیالات کا اظہار جماعت اسلامی خیبر پختونخوا وسطی کے امیر عبدالواسع نے پشاور پریس کلب میں پریس کانفرنس سے خطاب کرتے ہوئے کیا۔ اس موقع پر صوبائی نائب امیر میاں صہیب الدین کاکاخیل، ضلع خیبر کے امیر شاہ فیصل آفریدی، تاجر رہنماء حاجی حسن خان شنواری، ضلع مہمند کے امیر ملک سعید خان صوبائی سیکرٹری اطلاعات نورالواحد جدون اور حشمت آفریدی سمیت دیگر قبائلی زعماء بھی موجود تھے۔
انہوں نے کہا کہ 2010ء کے بعد این ایف سی ایوارڈ مرکزی حکومت کی عدم دلچسپی کی وجہ سے نہیں ہوا یے، انضمام سے قبل فاٹا میں 57 کارخانے قائم تھے جن میں اس وقت صرف 15 کارخانے فعال ہیں حکومت نے مرج اضلاع میں انڈسٹریل زون کے قیام، انجینئرنگ یونیورسٹی، میڈیکل کالج اور ہر ضلع میں ہسپتالوں، لڑکوں اور لڑکیوں کے کالجز کے قیام کا وعدہ سات سال میں پورا نہیں کیا ہے۔ انہوں نے کہا کہ پوری دنیا میں حکومتیں اپنے پسماندہ علاقوں کو اوپر لانے کےلئے مراعات اور سبسڈی دیتی ہے تاکہ پسماندہ علاقے بھی دیگر علاقوں کے ساتھ ترقی کی دوڑ میں شامل ہوجائیں لیکن بدقسمتی سے ہماری مرکزی اور صوبائی حکومتیں کمزور اور پسماندہ اضلاع کو اپنے اعلان کردہ مراعات اور وسائل دینے کے بجائے ان پر 10 فیصد سیلز ٹیکس لگارہی ہے۔ انہوں نے کہا کہ بجلی کے بلز میں کارخانہ داروں سے 10 فیصد سیلز ٹیکس وصول کیا گیا جس پر سپریم کورٹ نے فیصلہ کیا کہ بجلی بلز میں سیلز ٹیکس درست نہیں ہے یہ وصول شدہ رقوم یا تو ایڈجسٹ کئے جائیں یا صارفین کو واپس کئے جائیں جو آج تک واپس نہیں کئے گئے۔
ان کا مزید کہنا تھا کہ فاٹا میں لائن لاسز اور کارخانے تک بجلی کی سپلائی کی ٹرانسمیشن لائن پر اٹھنے والے اخراجات بھی کارخانہ داروں سے وصول کئے جاتے ہیں۔ انہوں نے کہا کہ ایک طرف بجٹ میں سنیماء گھروں کو 2030ء تک ٹیکس میں چھوٹ دی گئی ہے جبکہ دوسری طرف مرج اضلاع کی پسماندگی کو ختم کرنے اور بے روزگاری پر قابو پانے میں مصروف کارخانوں اور تاجر طبقہ پر 10 فیصد سیلز ٹیکس عائد کیا گیا ہے۔ انہوں نے کہا کہ ہم ٹیکس سے انکاری نہیں ہیں لیکن قبائلی عوام کے ساتھ انضمام کے وقت کئے گئے وعدوں کے مطابق مقررہ مدت سے قبل ٹیکس لگانا انصاف نہیں ہے حکومت پہلے اپنے اعلان کردہ مراعات اور ترقیاتی پیکج کی فراہمی یقینی بنائیں جب یہ اضلاع ترقی کے دوڑ میں ملک کے دیگر اضلاع کے ہم پلہ ہوجائیں تو پھر یہاں پر بھی ٹیکسز کا اجراء کیا جائے۔
ذریعہ: Islam Times
کلیدی لفظ: انہوں نے کہا کہ فیصد سیلز ٹیکس مرج اضلاع اضلاع میں حکومت نے اضلاع کے کے ساتھ
پڑھیں:
سندھ میں خواتین کیلیے پنک اسکوٹی فراہمی کے دوسرے مرحلے کا اعلان
کراچی:سندھ حکومت کی جانب سے خواتین کے لیے پنک اسکوٹی فراہمی کے دوسرے مرحلے کا اعلان کردیا گیا ہے۔
سینئر صوبائی وزیر شرجیل انعام میمن نے اپنے بیان میں کہا ہے کہ حکومت سندھ خواتین کو پنک اسکوٹیز کی فراہمی کا دوسرا مرحلہ جلد شروع کرنے جا رہی ہے۔ خواتین سے اپیل ہے کہ وہ ڈرائیونگ لائسنس بنوائیں، تربیتی کورسز میں حصہ لیں اور پنک اسکوٹیز پروگرام کے دوسرے مرحلے میں رجسٹریشن کرائیں۔
انہوں نے کہا کہ محکمہ ٹرانسپورٹ کی جانب سے خواتین کو مفت ٹریننگ کے ساتھ ساتھ مفت لائسنس بھی فراہم کیے جا رہے ہیں۔ طالبات اور ملازمت پیشہ خواتین کو اسکوٹیز کی فراہمی کا مقصد ان کو روزمرہ کے سفری مسائل سے نجات دلانا ہے۔
شرجیل میمن نے کہا کہ پہلے مرحلے میں پنک اسکوٹیز کے منصوبے کو عوام کی طرف سے غیر معمولی پذیرائی ملی۔جس میں درجنوں خواتین نے ڈرائیونگ سیکھی، لائسنس حاصل کیے اور اپنی روزمرہ مصروفیات کے لیے پنک اسکوٹیز کو اپنایا۔ حکومت سندھ چاہتی ہے کہ زیادہ سے زیادہ خواتین اس سہولت سے فائدہ اٹھائیں اور محفوظ، باوقار انداز میں اپنے تعلیمی و پیشہ ورانہ سفر کو جاری رکھیں۔
سینئر صوبائی وزیر کا مزید کہنا تھا کہ پیپلز بس سروس، پنک بس سروس، الیکٹرک بس سروس اور اب پنک اسکوٹیز جیسے منصوبوں کا مقصد شہریوں کو سستی، محفوظ اور باوقار سفری سہولتیں فراہم کرنا ہے۔ خواتین کو سماجی اور معاشی طور پر مضبوط بنانا صرف ایک حکومتی منصوبہ نہیں بلکہ پیپلز پارٹی کی سیاسی اور انسانی فلسفے کا حصہ ہے۔
انہوں نے کہا کہ خواتین کو بااختیار بنانا پاکستان پیپلز پارٹی کے نظریاتی سفر کا مرکزی ستون ہے، یہ مشن شہید بینظیر بھٹو کے اس وژن کا تسلسل ہے۔
سعودی عرب کی پہلی لگژری 5 اسٹار ٹرین، سفر اور آرٹ کا حسین امتزاج