’خواتین تنہا سفر نہ کریں‘، امریکا کا بھارت کے لیے سفری انتباہ
اشاعت کی تاریخ: 22nd, June 2025 GMT
امریکی محکمہ خارجہ نے بھارت کے لیے لیول-2 سفری ہدایت جاری کی ہے، جس میں شہریوں کو زیادہ احتیاط سے کام لینے کا مشورہ دیا گیا ہے۔ یہ انتباہ 16 جون کو جاری کیا گیا، جس کی وجہ جرائم اور دہشتگردی کو قرار دیا گیا ہے۔
اعلامیے میں کہا گیا ہے کہ بھارت میں ریپ سب سے تیزی سے بڑھنے والے جرائم میں شامل ہے، اور پُرتشدد جرائم، خاص طور پر جنسی حملے، سیاحتی مقامات اور دیگر عوامی جگہوں پر رونما ہوتے ہیں۔
بیان میں مزید کہا گیا کہ دہشتگرد کسی پیشگی انتباہ کے بغیر حملہ کرسکتے ہیں، اور ان کا ہدف اکثر سیاحتی مقامات، ٹرانسپورٹ مراکز، بازار، شاپنگ مالز اور سرکاری عمارات ہوتے ہیں۔
مزید پڑھیں: بھارت میں اسرائیلی خاتون کے ساتھ اجتماعی زیادتی، تیسرا مشتبہ ملزم بھی گرفتار
محکمہ خارجہ نے خبردار کیا کہ دیہی علاقوں میں امریکی حکومت کی شہریوں کو ہنگامی خدمات فراہم کرنے کی صلاحیت محدود ہے۔ ان علاقوں میں مشرقی مہاراشٹر، شمالی تلنگانہ اور مغربی بنگال کے کچھ حصے شامل ہیں۔ ان خطرات کے پیش نظر بھارت میں تعینات امریکی سرکاری ملازمین کو ان ریاستوں کے سفر کے لیے خصوصی اجازت نامہ حاصل کرنا ہوگا۔
???? Rape, Violence, Terrorism ????
USA updates travel advisory for India and guides American women NOT TO TRAVEL ALONE in India.
— Dr Shama Junejo (@ShamaJunejo) June 21, 2025
سفری ہدایت میں واضح طور پر درج ہے کہ بھارت میں سیٹلائٹ فون یاGPS ڈیوائس رکھنا غیرقانونی ہے اور اس پر 2 لاکھ ڈالر جرمانہ یا 3 سال تک قید کی سزا ہو سکتی ہے۔ بیان میں سختی سے کہا گیا ہے کہ تنہا سفر نہ کریں، خاص طور پر اگر آپ عورت ہیں۔
حساس علاقے اور ممنوعہ سفری حدود:امریکی انتباہ میں جموں و کشمیر، بھارت پاکستان سرحدی علاقے، اور بھارت کے وسطی و مشرقی علاقوں کو خاص طور پر حساس قرار دیا گیا ہے۔ بیان میں کہا گیا کہ درج ذیل ریاستوں میں اگر امریکی ملازمین دارالحکومت کے علاوہ کسی اور علاقے کا سفر کرنا چاہیں تو انہیں پیشگی اجازت درکار ہوگی:
1. بہار
2. جھارکھنڈ
3. چھتیس گڑھ
4. مغربی بنگال
5. میگھالیہ
6. اوڈیسہ
مزید پڑھیں: بھارت میں دلت طالبہ کے ساتھ 64 مردوں کی زیادتی
اسی طرح مشرقی مہاراشٹر اور مشرقی مدھیہ پردیش میں سفر کے لیے بھی پیشگی اجازت لازمی قرار دی گئی ہے۔ بیان کے مطابق امریکی شہریوں کو بھارت نیپال سرحد زمینی راستے سے عبور کرنے سے بھی گریز کرنے کی ہدایت کی گئی ہے، کیونکہ اس میں امیگریشن سے متعلقہ گرفتاری یا جرمانے کا خطرہ ہے۔
شمال مشرقی ریاستوں، خصوصاً منی پور کا بھی خاص طور پر ذکر کیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکی محکمہ خارجہ بھارت خواتین تنہا سفر نہ کریں لیول-2 سفری ہدایت مدھیہ پردیش مشرقی مہاراشٹر منی پور
ذریعہ
ذریعہ: WE News
کلیدی لفظ: امریکی محکمہ خارجہ بھارت خواتین تنہا سفر نہ کریں مدھیہ پردیش مشرقی مہاراشٹر منی پور بھارت میں کہا گیا کے لیے گیا ہے
پڑھیں:
فرانس؛ جیفری ایپسٹین کا قریبی ساتھی بھی پراسرار حالت میں مردہ پایا گیا
بدنام زمانہ جنسی اسکینڈل کے سرغنہ جیفری ایپسٹین کی طرح اس کا مبینہ ساتھی اور فرانسیسی ماڈل اسکاؤٹ ڈینیئل سیاد اپنے گھر میں مردہ حالت میں پائے گئے۔
عالمی خبر رساں ادارے کے مطابق فرانس میں ماڈل ڈینیئل سیاد کے خلاف جنسی زیادتی، انسانی اسمگلنگ اور خواتین کو دھوکے سے جنسی استحصال کے نیٹ ورک میں شامل کرنے کے الزامات کی تحقیقات جاری تھیں تاہم ان پر ابھی تک باقاعدہ فردِ جرم عائد نہیں کی گئی تھی۔
فرانس میں مردہ پائے گئے ماڈل اسکأٹ ڈینیئل سیاد کی موت ایسے وقت میں ہوئی ہے جب متعدد خواتین کو جنسی استحصال کے نیٹ ورک میں پھانسنے اور انسانی اسمگلنگ سے متعلق سنگین الزامات کی تحقیقات جاری تھیں۔
فرانسیسی پراسیکیوٹر نے بتایا کہ 69 سالہ ڈینیئل سیاد کی لاش پیرس کے نواحی علاقے کولومب میں واقع ان کی رہائش گاہ سے برآمد ہوئی۔ موت کی وجوہات جاننے کے لیے باضابطہ تحقیقات شروع کر دی ہیں۔
لاش کو پوسٹ مارٹم کے لیے اسپتال منتقل کردیا گیا۔ فرانزک ٹیسٹس بھی کرائے جائیں گے تاکہ موت کی وجہ معلوم کی جاسکے۔
ڈینیئل سیاد پر الزام تھا کہ وہ ماڈلنگ کے شعبے سے وابستہ نوجوان خواتین کا تعارف جیفری ایپسٹین سے کراتا تھا۔
متعدد متاثرہ خواتین کا کہنا ہے کہ سیاد نے انہیں ایپسٹین سے ملوایا جس کے بعد وہ مبینہ طور پر جنسی استحصال کا شکار ہوئیں۔
سیاد کے وکیل کا کہنا ہے کہ اگر پوسٹ مارٹم سے دل کا دورہ موت کی وجہ ثابت ہوتا ہے تو اس میں کئی برسوں سے جاری قانونی دباؤ، ذہنی تناؤ اور غیر یقینی صورتحال کا بھی کردار ہو سکتا ہے۔
ایپسٹین کیس سے منسلک متعدد خواتین نے ڈینیئل سیاد کی موت پر افسوس کا اظہار کرتے ہوئے کہا کہ ان کی گواہی سے اس پورے نیٹ ورک کے بارے میں مزید اہم معلومات سامنے آ سکتی تھیں۔
سابق فرانسیسی ماڈل جولیٹ نے دعویٰ کیا کہ 2004 میں سیاد نے ان کا تعارف جیفری ایپسٹین سے کرایا تھا۔ ان کا کہنا تھا کہ سچ تک پہنچنے اور اس نیٹ ورک کے تمام کرداروں کو بے نقاب کرنے کی ایک اہم کڑی ختم ہوگئی۔
اسی طرح سابق سویڈش ماڈل ایبّا کارلسن نے بھی اس امید پر رواں برس فروری میں سیاد کے خلاف شکایت درج کرائی تھی کہ جلد گرفتاریاں ہوں گی اور انصاف ملے گا لیکن ان کی اچانک موت سے یہ امید کمزور پڑگئی ہے۔
خیال رہے کہ ماڈل سیاد کا اپنے خلاف عائد الزامات کی تردید کرتے ہوئے کہنا تھا کہ انھیں ایپسٹین کی مجرمانہ سرگرمیوں کا علم نہیں تھا اور خود بھی وہ اس کے دھوکے کا شکار ہوئے۔
ڈینیئل سیاد کے وکیل مینیا عرب ٹیگرین کا کہنا تھا کہ فرانسیسی تفتیش کاروں نے ابھی تک سیاد سے باقاعدہ پوچھ گچھ نہیں کی تھی لیکن وہ اپنی صفائی پیش کرنے کے لیے تیار تھے۔
عدالتی ریکارڈ کے مطابق امریکی عدالت کی جانب سے جاری کی گئی تقریباً دو ہزار سے زائد دستاویزات میں بھی ڈینیئل سیاد کا نام سامنے آیا تھا۔
ان دستاویزات میں مبینہ طور پر بتایا گیا کہ سیاد مختلف ممالک کے دوروں کے دوران خواتین کی تصاویر اور معلومات ایپسٹین کو بھیجتے تھے۔
2014 کی ایک ای میل جو عدالتی ریکارڈ کا حصہ بنی تھی اس میں سیاد نے اپنی سرگرمیوں کو ماہی گیری سے تشبیہ دیتے ہوئے لکھا تھا کہ بعض اوقات شکار آسانی سے مل جاتا ہے اور بعض اوقات ایک بھی مچھلی ہاتھ نہیں آتی۔
استغاثہ نے اس زبان کو خواتین کی تلاش سے تعبیر کیا جبکہ سیاد نے اس کی مختلف تشریح پیش کی تھی۔
یاد رہے کہ یہ پہلا موقع نہیں کہ جیفری ایپسٹین سے وابستہ کسی اہم شخصیت کی موت نے سوالات کو جنم دیا ہو وہ خود 2019 میں نیویارک کی جیل میں مردہ پائے گئے تھے جہاں وہ جنسی اسمگلنگ کے مقدمے کا سامنا کر رہے تھے۔
امریکی حکام نے جیفری ایپسٹین کی موت کو خودکشی قرار دیا تھا تاہم اس پر آج بھی مختلف سوالات اور سازشی نظریات زیرِ بحث رہتے ہیں۔
اسی طرح ایک اور فرانسیسی ماڈلنگ ایجنٹ اور ایپسٹین کے قریبی ساتھی ژاں لوک برونیل بھی 2022 میں پیرس کی جیل میں مردہ پائے گئے تھے۔ حکام نے ان کی موت کو بھی خودکشی قرار دیا تھا۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی