مراکش کا قدیم غلہ خانہ یا پہاڑوں میں چھپا دنیا کا پہلا بینک
اشاعت کی تاریخ: 22nd, June 2025 GMT
دنیا کے سب سے قدیم بینکوں کی تلاش میں اگر تاریخ کی پرتیں کھولی جائیں تو مراکش کے جنوب میں پہاڑوں کے دامن میں بسے خاموش غلہ خانے ’اگودار‘ سامنے آتے ہیں، جو نہ صرف اشیائے خورونوش کی حفاظت کے گواہ ہیں بلکہ انسانی تہذیب کی مالی اور سماجی حکمت کا پہلا نقش بھی۔
تاریخ دانوں کے مطابق یہ اگودار تیرھویں صدی عیسوی کے آثار ہیں، لیکن ان کے وجود کے بارے میں اندازہ ہے کہ یہ اس سے بھی کہیں قدیم ہیں۔ ان کے پتھریلے خول اور بلند پہاڑیوں میں موجودگی اس نظریے کو تقویت دیتی ہے کہ یہ ہزاروں سال پرانے ہو سکتے ہیں۔
یہ غلہ خانے امازیغ قوم کے تھے، ایک قدیم اور خوددار تہذیب جو شمالی افریقہ کے وسیع علاقوں میں، خاص طور پر مراکش، الجزائر، لیبیا، تیونس اور مصر میں آباد رہی۔ امازیغ لوگ خود کو ایمازیغن کہتے ہیں، جس کے معنی ہیں ’آزاد لوگ‘۔ ان کی بستیاں زیادہ تر پہاڑوں میں تھیں، جہاں انہوں نے چٹانوں کو تراش کر اگودار بنائے، جو نہ صرف غلہ ذخیرہ کرنے کا ذریعہ تھے بلکہ امن و امان، خودمختاری اور سماجی نظم کا مظہر بھی۔
مزید پڑھیں: دنیا میں پرندے کا سب سے بڑا مجسمہ کہاں نصب ہے؟
ہر امازیغ خاندان کا ایک مخصوص ذخیرہ خانہ ہوتا تھا، جہاں وہ کھانے پینے کا سامان، زیورات، ہتھیار، اہم کاغذات اور دیگر قیمتی اشیا محفوظ رکھتے۔ بعض اگودار اتنے کشادہ اور مضبوط ہوتے کہ جنگ کے دوران محفوظ پناہ گاہ کے طور پر بھی استعمال کیے جاتے۔ دلچسپ بات یہ کہ ان میں بلیوں کو بھی رکھا جاتا تھا تاکہ چوہوں سے سامان محفوظ رہے۔
ان غلہ خانوں کا نظم و نسق نہایت منظم تھا۔ ہر اگودار میں ایک سیکریٹری مقرر ہوتا تھا جسے لامین کہا جاتا۔ سامان کی فہرستیں لکڑی کی تختیوں پر محفوظ کی جاتیں۔ ہر قبیلہ ایک نمائندہ منتخب کرتا تھا، جس کی شمولیت سے انفلاس یعنی ایک انتظامی کمیٹی تشکیل پاتی۔ غلہ خانے کی واحد چابی امیر کے پاس ہوتی تھی، جو اس کمیٹی کی نگرانی میں سامان کی حفاظت کو یقینی بناتا۔ اس خدمت کے عوض قبیلہ امیر کو اجرت دیتا جبکہ ہر خاندان اپنے حصے کی حفاظت کا خود ذمہ دار ہوتا۔
مزید پڑھیں: محبت کا آخری عجوبہ
اگوداروں میں سب سے قدیم اور عظیم الشان غلہ خانہ اگادیر امشگگیلن کہلاتا ہے، جو 700 سال سے بھی زائد پرانا ہے۔ حالیہ مرمت کے دوران اس میں 130 سے زائد ذخیرہ خانے، ایک مسجد، ایک مرکزی چوک اور یہاں تک کہ ایک قید خانہ بھی دریافت ہوا، یہ کسی بینک، کلینڈر، اور قلعے کا مجموعہ معلوم ہوتا ہے۔
یہ اگودار نہ صرف مراکش کی تہذیبی وراثت کا حصہ ہیں بلکہ انسانی تاریخ کی ان تھکی جدوجہد کا استعارہ بھی ہیں جس نے وسائل کو محفوظ رکھنے، اعتماد قائم کرنے اور سماجی ہم آہنگی کو ممکن بنایا۔ بلاشبہ یہ مراکشی پہاڑوں میں چھپی ہوئی وہ روشن مثالیں ہیں، جنہیں دنیا کا پہلا بینکاری نظام کہا جا سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
دنیا کا پہلا بینک مراکش مراکش کا قدیم غلہ خانہ.ذریعہ: WE News
کلیدی لفظ: دنیا کا پہلا بینک مراکش مراکش کا قدیم غلہ خانہ کا پہلا
پڑھیں:
پاکستان ویسٹ انڈیز 3 ایک روزہ میچوں کی سیریز: پہلا میچ کل کھیلا جائے گا
پاکستان کرکٹ ٹیم اس وقت ویسٹ انڈیز کے دورے پر موجود ہے جہاں وہ 3 ٹی20 میچوں کی سیریز جیتنے کے بعد اب 3 ایک روزہ میچز پر مشتمل سیریز میں شرکت کرے گی۔ ون ڈے سیریز کا آغاز 8 اگست سے ہوگا، جبکہ بقیہ 2 میچز 10 اور 12 اگست کو فلوریڈا کے لاڈرہل میں واقع سینٹرل بروورڈ ریجنل پارک میں کھیلے جائیں گے۔
پاکستان نے 7ویں بار مسلسل ٹی20 سیریز جیتیسلمان آغا کی قیادت میں پاکستانی ٹیم نے ویسٹ انڈیز کے خلاف 3 میچوں کی ٹی20 سیریز 2-1 سے اپنے نام کی۔ یہ مسلسل 7واں موقع ہے جب پاکستان نے ویسٹ انڈیز کو ٹی20 سیریز میں شکست دی ہے۔
ویسٹ انڈیز نے اپنے اسکواڈ میں چند تبدیلیاں کی ہیں۔ فاسٹ باؤلر الزاری جوزف کو آرام دیا گیا ہے جبکہ آل راؤنڈر روماریو شیفرڈ ٹیم میں واپس آ گئے ہیں۔ کرکٹ ویسٹ انڈیز (CWI) کا کہنا ہے کہ بنگلہ دیش اور انگلینڈ کے دوروں پر کامیابی کے بعد مرکزی کھلاڑیوں کو برقرار رکھا گیا ہے تاکہ چوتھی مسلسل ہوم ون ڈے سیریز جیتی جا سکے۔
مزید پڑھیں: تیسرا ٹی20، پاکستان نے ویسٹ انڈیز کو 13 رنز سے شکست دیکر سیریز جیت لی
رینکنگ کی صورتحالویسٹ انڈیز اس وقت آئی سی سی مردوں کی ون ڈے رینکنگ میں 10ویں نمبر پر موجود ہے جبکہ بھارت، آسٹریلیا اور نیوزی لینڈ کے بعد پاکستان چوتھے نمبر پر ہے۔
Training in full flow ????
Pakistan squad continues to gear up for the ODIs at the Brian Lara Stadium in Trinidad ????️????????#PAKvWI | #BackTheBoysInGreen pic.twitter.com/uCT6Cb1rYD
— Pakistan Cricket (@TheRealPCB) August 7, 2025
پاکستان کا ون ڈے اسکواڈ (ممکنہ)محمد رضوان (کپتان)، بابر اعظم، شاہین شاہ آفریدی، عبداللہ شفیق، صائم ایوب، حسن نواز، حسین طلعت، فہیم اشرف، محمد نواز، محمد حارث، نسیم شاہ، حسن علی، سفیان مقیم، ابرار احمد اور سلمان آغا۔
????Squad News????
The squad is in for the three match CG United ODI series v Pakistan in Trinidad.????????
Get tickets at https://t.co/6TUKc2hD7J????️#WIvPAK #FullAhEnergy pic.twitter.com/GEU9KsAHZn
— Windies Cricket (@windiescricket) August 6, 2025
ویسٹ انڈیز کا ون ڈے اسکواڈشائی ہوپ (کپتان)، جیول اینڈریو، جیڈیا بلیڈز، کیسی کارٹی، روسٹن چیس، میتھیو فورڈ، جسٹن گریویز، عامر جنگو، شمر جوزف، برینڈن کنگ، ایون لیوس، گڈاکیش موتی، شیرفین ردرفورڈ، جیڈن سیلس اور روماریو شیفرڈ۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
3 ایک روزہ میچوں کی سیریز آئی سی سی ون ڈے رینکنگ پاکستان پاکستان کرکٹ ٹیم ویسٹ انڈیز
امریکی صدر ڈونلڈ ٹرمپ نے 7 بھارتی کمپنیوں پر پابندیاں عائد کر دیں