امریکی صدر ڈونلڈ ٹرمپ کا ایران میں نظام حکومت کی تبدیلی کا مطالبہ
اشاعت کی تاریخ: 23rd, June 2025 GMT
امریکی صدر ڈونلڈ ٹرمپ کا ایران میں نظام حکومت کی تبدیلی کا مطالبہ WhatsAppFacebookTwitter 0 23 June, 2025 سب نیوز
واشنگٹن: امریکی صدر ڈونلڈ ٹرمپ نے ایران میں نظام حکومت کی تبدیلی کا مطالبہ کر دیا۔
امریکی صدر ڈونلڈ ٹرمپ نے ٹویٹ کرتے ہوئے کہا کہ رجیم چینج کی اصطلاح کا استعمال سیاسی طور پر درست نہیں سمجھا جاتا، ایرانی حکومت ملک کو دوبارہ عظیم بنانے میں ناکام ہے تو پھر نظام کی تبدیلی کیوں نہ ہو؟
ڈونلڈ ٹرمپ کا کہنا تھا کہ ہمارے حملے ایران میں بہت درست اور ہدف پر تھے، ایران میں جوہری تنصیبات کو پہنچنے والا نقصان انتہائی شدید بتایا جا رہاہے۔
امریکی صدر کا مزید کہنا تھا کہ ہماری فوج نے شاندار مہارت کا مظاہرہ کیا، ہم نے ایک شاندار کامیابی حاصل کی۔
امریکی وزیر دفاع پیٹ ہیگستھ نے کہا ہے کہ ہم نے ایران کا ایٹمی پروگرام تباہ کردیا ہے
پینٹا گون میں فضائیہ کے سربراہ جنرل ڈین کین کے ہمراہ مشترکہ بریفنگ دیتے ہوئے ہیگستھ کا کہنا تھا کہ ایران نے حملہ کیا تو بھر پور جواب دیں گے ،ہم نے ایران کا ایٹمی پروگرام تباہ کردیا ہے۔
انہوں نے کہا کہ امریکہ بار بار ایران کو کہتا رہا ہے کہ جوہری ہتھیار حاصل نہیں کرنے دیں گے، ایران کے پاس جوہری معاہدے کے لیے 60دن تھے، اسرائیل کو ابتدا میں ایران میں بہت کامیابیاں ملیں۔
امریکی وزیر دفاع نے کہا کہ اسرائیل کو ہر اتحادی کی حمایت حاصل ہے، دنیا کو امریکی صدر کی بات سننا ہوگی، گزشتہ رات جنرل کوریلا کی سربراہی میں ’آپریشن مڈ نائٹ ہیمر‘ کیا گیا، ایران کی طاقت کو بھرپور طاقت سے کچلیں گے۔
پیٹ ہیگستھ کا مزید کہنا تھا کہ امریکی آپریشن ایران میں رجیم چینج کے لیے نہیں کیا گیا،نہ ہی امریکی آپریشن سے عام شہریوں اور آبادی کو نقصان پہنچا ہے، صدر ٹرمپ امن چاہتے ہیں ایران کو اِس راستے پر چلنا ہوگا۔
امریکی فضائیہ چیف جنرل ڈین کین
امریکی فضائیہ چیف جنرل ڈین کین نے کہا کہ ایران کی تینوں جوہری پلانٹس کو نشانہ بنایا ، ابھی تک ہمیں کوئی اطلاعات نہیں کہ انہوں نے ہماری خلاف مزاحمت کی ہے،امریکی تاریخ میں بی ٹو بمبار طیاروں کا سب سے بڑا آپریشن کیا گیا۔
ان کا کہنا تھا کہ ایرانی ریڈار امریکی جہاز کو پکڑنے میں ناکام رہے ہیں، امریکی بی ٹو بمبار طیاروں کو دوسرے طیاروں کی مدد حاصل ہے، ہم مشرق وسطیٰ میں امریکہ فوج کا بھرپور تحفظ کریں گے۔
جنرل ڈین کین نے مزید کہا کہ حملے کے دوران دور درجن ٹاماہاک میزائل نے بھی اہداف کو نشانہ بنایا، حملے کے وقت ایران کے کسی طیارے سے اڑان نے بھری، نہ ہی ایرانی دفاعی نظام ہمارے خفیہ آپریشن کو ناکام بنا سکا۔
دنیا گزشتہ 24 گھنٹوں کے مقابلے میں اب زیادہ محفوظ اور مستحکم ہے: امریکی وزیر خارجہ
امریکی وزیر خارجہ مارکو روبیو کا کہنا ہے کہ آج دنیا گزشتہ 24 گھنٹوں کے مقابلے میں زیادہ محفوظ اور مستحکم ہے۔
ایک انٹرویو میں انہوں نے کہا کہ یہ ایران کے خلاف کوئی جنگ نہیں ہے، امریکا ایران سے بات چیت کے لیے تیار ہے،بات چیت کی پیش کش ابھی بھی موجود ہے،ایران امریکی صدر کے ساتھ چالاکی نہیں کر سکتا،ایران نے جوابی کارروائی کی تو یہ اس کی سب سے بڑی غلطی ہوگی،ہم ایران میں جنگ نہیں چاہتے۔
یہ کہنا درست ہوگا کہ ایران کے پاس جوہری ہتھیار بنانے کے لیے تمام ضروری چیزیں موجود تھیں،ایران کے پاس اتنی مقدار میں انتہائی افزودہ یورینیم موجود تھا کہ وہ کم از کم نو یا دس ایٹم بم بنا سکتا تھا۔
مارکو روبیو کا مزید کہنا تھا کہ ایران کے پاس سب کچھ تیار تھا، لیکن اب ایسا نہیں رہا، چین کو چاہیے کہ وہ ایران سے آبنائے ہرمز کے معاملے پر بات کرے، ہمارے پاس اس بات کا کوئی ثبوت نہیں کہ چین کسی معاملے میں ملوث تھا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرقومی سلامتی کمیٹی کا اہم اجلاس آج، علاقائی صورتحال پر مشاورت ہوگی امریکا ممکنہ طور پریکطرفہ جنگ بندی کا اعلان کرسکتا ہے، اسرائیلی حکام کا دعویٰ آبنائے ہرمز کی بندش روکنے کے لیے امریکا نے چین سے مدد مانگ لی امریکا کے جوہری تنصیبات کو نشانہ بنانے کے بعد ایران کا اسرائیل پر شدید حملہ، 24 اسرائیلی ہلاک ہماری جنگ ایران سے نہیں، اسکے جوہری پروگرام سے ہے، نائب امریکی صدر ایران نے موساد کیلئے جاسوسی کے الزام میں ایک اور شخص کو سزائے موت دیدی آبنائے ہرمز بند کرنا ایران کی ایک اور بھیانک غلطی ہوگی، مارکو روبیوCopyright © 2025, All Rights Reserved
رابطہ کریں ہمارے بارے ہماری ٹیم.ذریعہ: Daily Sub News
کلیدی لفظ: امریکی صدر ڈونلڈ ٹرمپ ایران میں کی تبدیلی
پڑھیں:
بلوچستان کے نظام میں انصاف کی کمی، تبدیلی لانا ضروری ہے، حافظ نعیم الرحمان
کوئٹہ میں تقریب سے خطاب کرتے ہوئے حافظ نعیم الرحمان نے کہا کہ ہم ٹیکس دیتے ہیں، اور حکومت کی ذمہ داری ہے کہ ہمیں تعلیم فراہم کرے۔ اسلام ٹائمز۔ جماعت اسلامی کے مرکزی امیر حافظ نعیم الرحمان نے کہا ہے کہ جو لوگ عوام کو تقسیم کرتے ہیں، اب وقت آ گیا ہے کہ ان کے خلاف اٹھ کھڑے ہوں۔ کوئٹہ میں منعقدہ تقریب سے خطاب کرتے ہوئے حافظ نعیم الرحمان نے بلوچستان کی ترقی اور نوجوانوں کے مستقبل پر بات کی اور کہا کہ بلوچستان کو اللہ تعالیٰ نے بے شمار وسائل سے نوازا ہے، لیکن یہاں انصاف کا نظام خراب ہے، جسے تبدیل کرنے کی ضرورت ہے۔ حافظ نعیم الرحمان نے بلوچستان کے نوجوانوں کو مخاطب کرتے ہوئے کہا کہ اگر نوجوان تعلیم حاصل کریں تو وہ نہ صرف اپنے علاقے کے لیے بلکہ پورے ملک کے لیے ایک اہم اثاثہ بن سکتے ہیں۔ ان کا کہنا تھا کہ ہمیں آج بلوچستان کا روشن مستقبل نظر آ رہا ہے اور یہ تعلیم ہی ہے جو نوجوانوں کو آگے بڑھنے میں مدد دے سکتی ہے۔ انہوں نے نوجوانوں سے کہا کہ وہ اپنی تعلیم کو اپنے علاقے کی ترقی کی بنیاد بنائیں۔
امیر جماعت اسلامی نے کہا کہ بلوچستان میں موجودہ نظام میں انصاف کی کمی ہے اور اس میں تبدیلی لانا ضروری ہے۔ انہوں نے کہا کہ جب تک ہم اس نظام کو نہیں بدلیں گے، ہمیں اپنے مسائل کا حل نہیں ملے گا۔ انہوں نے مزید کہا کہ جماعت اسلامی بلوچستان کے عوام کے حقوق کے لیے آواز اٹھائے گی اور اس علاقے کی ترقی کے لیے جدوجہد کرے گی۔ انہوں نے بلوچستان میں تعلیم کے شعبے کی حالت پر تشویش کا اظہار کرتے ہوئے کہا کہ بلوچستان کے تقریباً 45 فیصد بچے اسکولوں سے باہر ہیں۔ انہوں نے حکومت کی ذمہ داری پر زور دیتے ہوئے کہا کہ حکومت کو معیاری اور مفت تعلیم فراہم کرنا چاہیے، کیونکہ تعلیم تجارت نہیں ہونی چاہیے۔ امیر جماعت اسلامی نے اعلان کیا کہ جماعت اسلامی اپنے پروگرام کے تحت بلوچستان کے نوجوانوں کے لیے مفت کورسز فراہم کرے گی تاکہ وہ تعلیمی میدان میں اپنی صلاحیتوں کو اجاگر کر سکیں۔
انہوں نے کہا کہ وفاق اور چاروں صوبوں کی حکومتیں ہر سال 2 ہزار ارب روپے سے زائد رقم تعلیم کے شعبے پر خرچ نہیں کرتی ہیں، جو کہ ملک کے مستقبل کے لیے ایک سنگین مسئلہ ہے۔ انہوں نے مزید کہا کہ ہم ٹیکس دیتے ہیں، اور حکومت کی ذمہ داری ہے کہ ہمیں تعلیم فراہم کرے۔ ان کا کہنا تھا کہ حکومت نوجوانوں کو آئی ٹی پروگرامز میں سہولتیں فراہم کرے تو اس سے پاکستان کی برآمدات میں اضافہ ہو سکتا ہے۔ انہوں نے بلوچستان کے نوجوانوں کی صلاحیتوں کو سراہا اور کہا کہ بلوچستان کے نوجوان انتہائی باصلاحیت ہیں اور وہ پورے ملک کی ترقی میں اہم کردار ادا کر سکتے ہیں۔ انہوں نے مزید کہا کہ اگرچہ ہم جتنے بھی دکھوں اور مشکلات کا سامنا کر رہے ہیں، ہم ہمیشہ پاکستان کے ساتھ کھڑے ہیں۔
انہوں نے جماعت اسلامی کی آئندہ سیاسی سرگرمیوں کا ذکر کرتے ہوئے کہا کہ 21 سے 23 ستمبر کو لاہور کے مینار پاکستان پر ایک بڑا اجتماع منعقد کیا جائے گا۔ اس اجتماع کا مقصد عوامی مسائل کو اجاگر کرنا اور جماعت اسلامی کی عوامی حمایت کو مزید مستحکم کرنا ہے۔ انہوں نے اس موقع پر کہا کہ ہماری عوام ایک ہیں، لیکن کچھ عناصر انہیں ایک دوسرے سے دور کرتے ہیں۔ انہوں نے کہا کہ 78 سال کے دوران حکمرانوں نے ملک کی ترقی کے لیے کچھ نہیں کیا۔ تاہم جماعت اسلامی کا ماننا ہے کہ نوجوانوں کی محنت اور تعلیمی ترقی کے ذریعے پاکستان کو آگے بڑھایا جا سکتا ہے۔
ایران میں جوہری معائنہ کاروں کی واپسی مفاہمت کی جیت، رافائل گروسی