ایران میں امریکی جارحیت کیخلاف امیر جماعت اسلامی کی اپیل پر ملک گیر احتجاج
اشاعت کی تاریخ: 24th, June 2025 GMT
data-id="863a0a8" data-element_type="widget" data-widget_type="theme-post-content.default">
لاہور(نمائندہ جسارت)جماعت اسلامی کے زیراہتمام ایران پرامریکی جارحیت کے خلاف پیر کو ملک بھر میں مظاہرے ہوئے ۔ ’’امریکا مردہ باد‘‘ احتجاجی مظاہرے امیر جماعت اسلامی حافظ نعیم الرحمن کی اپیل پر کیے گئے۔ اسلام آباد، لاہور، کراچی، پشاور ، کوئٹہ اور دیگر چھوٹے بڑے شہروں میں ہونے والے احتجاج میں عوام، جماعت اسلامی کے کارکنان کی بڑی تعداد
شریک تھی۔ جماعت اسلامی کی مرکزی، صوبائی ، ضلعی اور مقامی قیادت نے مظاہرین سے خطابات کیے اور ایران کے خلاف امریکی اور اسرائیلی جارحیت کی پرزور مذمت کی۔ مقررین نے حکومت پاکستان اور دیگر اسلامی ممالک کے حکمرانوں سے مطالبہ کیا کہ وہ ایران کا ساتھ دیں، غزہ میں صہیونی دہشت گردی رکوانے کے لیے عملی اقدامات اٹھائیں اور امت کے جذبات کی ترجمانی کریں۔ انہوں نے حکومت کی جانب سے ٹرمپ کی نوبل انعام برائے امن کے لیے نامزدگی کی بھی مذمت کی۔ مقررین نے اتحاد امت کی ضرورت پر زور دیا اور ایران کی بھرپور حمایت کے اعلانات کیے۔تفصیلات کے مطابق امیر جماعت اسلامی لاہور ضیاالدین انصاری ایڈووکیٹ نے لاہور پریس کلب کے سامنے ’’امریکا مردہ باد‘‘ مظاہرے کی قیادت کی، مظاہرے میں خواتین بھی شریک تھیں۔ اسلام آباد آبپارہ چوک میں ہونے والے مظاہرے سے نائب امیر جماعت اسلامی میاں اسلم، امیر جماعت اسلامی اسلام آباد نصراللہ رندھاوا نے خطاب کیا۔ مقررین نے کہا کہ امریکا نے ایران پر 14 ہزار پونڈ بارود برسا کر دنیا کے امن کو تباہ کرنے کی کوشش کی، یہ عالمی قوانین کی دھجیاں بکھیرنے کے مترادف ہے، کسی کو حق نہیں پہنچتا کہ دوسرے ملک میں جا کر بم برسائے۔ ٹرمپ انسانیت کا قاتل ہے، اس کا ایران پر حملہ جنگی جرم ہے۔ سیاسی، سفارتی حمایت کے بجائے اب امت مسلمہ کے حکمران اپنا عملی فرض ادا کریں۔پاکستانی قوم ایران کے ساتھ ہے، امریکا اور اسرائیل کو شکست ہو گی۔ مظاہرے سے صدر مرکزی تنظیم تاجران پاکستان کاشف چودھری نے بھی خطاب کیا۔جے آئی یوتھ کراچی نے کراچی پریس کلب کے سامنے مظاہرے کا اہتمام کیا جس سے نائب امیر حلقہ کراچی مسلم پرویز نے خطاب کیا۔ سیکرٹری جنرل وسطی خیبر پختونخوا صابر اعوان اور امیر ضلع بحراللہ خان نے پشاور میں مظاہرے کی قیادت کی۔ کوئٹہ میں امریکا کی مذمت میں ہونے والے مظاہرے سے ضلعی امیر مرتضیٰ خان کاکڑ نے خطاب کیا۔ڈپٹی سیکرٹری جنرل جماعت اسلامی ممتاز حسین سہتو نے خیرپور میں امریکا مخالف مظاہرے کے شرکا سے خطاب کیا جبکہ امیر جماعت اسلامی پنجاب شمالی ڈاکٹر طارق سلیم نے گجرات میں ہونے والے مظاہرہ کی قیادت کی۔ تیمرگرہ میں ہونے والے مظاہرے سے امیر خیبر پختونخوا شمالی عنایت اللہ خان جبکہ بنوں میں ہونے والے مظاہرے سے صوبائی سیکرٹری جنرل ظہور خٹک نے خطاب کیا۔ ملتان پریس کلب کے سامنے ہونے والے احتجاجی مظاہرے سے ضلعی امیر صہیب عمار صدیقی نے خطاب کیا۔ فیصل آباد کے چنیوٹ بازار میں ہونے والے ’’امریکا مردہ باد‘‘ بڑے مظاہرے سے ضلعی امیر پروفیسر محبوب الزماں بٹ نے خطاب کیا، شیخوپورہ میں امیر ضلع زاہد عمران کروٹانہ اور امیر شہر پروفیسر جاوید اقبال سندھو نے شرکا سے خطاب کیا۔ اٹک میں ہونے والے مظاہرے میں لوگوں کی بڑی تعداد شریک تھی،سیکرٹری جنرل پنجاب شمالی اقبال خان نے مظاہرہ سے خطاب کیا، گوجر خان میں مقامی رہنما جماعت اسلامی راجا جواد نے مظاہرے کی قیادت کی۔
کراچی (اسٹاف رپورٹر)امیر جماعت اسلامی حافظ نعیم الرحمن کی کال پر جماعت اسلامی سندھ کی جانب سے ایران پر امریکی حملے کے خلاف کراچی سے کشمیر تک سندھ بھر میں احتجاجی مظاہرے کیے گئے۔ احتجاجی مظاہروں میں شریک افراد نے’’جو امریکا کا یار ہے، غدار ہے، غدار ہے، امریکا کا ایک علاج الجہاد الجہاد، ایران سے ہے رشتہ کیا لاالہ اللہ‘‘ کے نعرے لگا رہے تھے۔ جماعت اسلامی سندھ کے جاری کردہ اعلامیہ کے مطابق کراچی، حیدرآباد، ، دادو، فرید آباد، میہڑ، سکھر، شکارپور،جیکب آباد، کشمور،ٹھٹھہ، بدین، ٹنڈو آدم سمیت کئی شہروں میں ہونے والے احتجاجی مظاہروں کو جماعت اسلامی کے مرکزی، صوبائی اور مقامی رہنماؤں سمیت مذہبی جماعتوں کے رہنماؤں اور سول سوسائٹی کے نمائندوں نے خطاب کیا۔ جماعت اسلامی پاکستان کے مرکزی ڈپٹی جنرل سیکرٹری ممتاز حسین سہتو نے سیٹھارجہ میں منعقدہ احتجاجی مظاہرے سے خطاب کرتے ہوئے کہا کہ آج امت مسلمہ کے ایمان کے امتحان کا وقت ہے کیونکہ یہ جنگ اسرائیل اور ایران کی نہیں بلکہ کفر اور اسلام کی جنگ ہے، پوری پاکستانی قوم اس جنگ میں ایران کے ساتھ کھڑی ہے۔ سکھر پریس کلب پر منعقدہ احتجاجی مظاہرے سے خطاب کرتے ہوئے جماعت اسلامی سندھ کے ڈپٹی جنرل سیکرٹری مولانا حزب اللہ جکھرو اور امان اللہ تنیو نے کہا کہ ایران پر امریکی حملہ اقوام متحدہ کے چارٹر اور بین الاقوامی قانون کی خلاف ورزی ہے۔ ٹرمپ اور نیتن یاہو جنگی جرائم اور غزہ کے مظلوم فلسطینی عوام کی نسل کشی میں ملوث ہیں ان کے خلاف عالمی عدالت میں کارروائی ہونی چاہیے۔ وزیر اعظم شہباز شریف کی جانب سے عالمی دہشت گرد ٹرمپ کو نوبل امن انعام کے لیے نامزد کرنا غزہ کے 70 ہزار شہدا کے خون سے غداری ہے۔ لاڑکانہ میں جناح باغ سے پریس کلب تک احتجاجی ریلی کو ضلعی امیر ایڈووکیٹ نادرعلی کوسو، مقامی امیر رمیز راجا شیخ اور غلام عباس ڈھانی نے خطاب کرتے ہوئے کہا کہ اس وقت پوری امت کو متحد ہو کر سامراجی قوتوں کا مقابلہ کرنا چاہیے اگر آج ہم متحد نہ ہوئے تو کل ہماری باری بھی آسکتی ہے۔ ٹھٹھہ پریس کلب پر احتجاجی مظاہرے سے ضلعی امیر ایڈووکیٹ عبدالمجید سموں، مقامی کونسلر محرم علی خاصخیلی نے خطاب کیا۔ دادو میں ضلعی رہنما محمد موسیٰ ببر کی قیادت میں احتجاجی مظاہرہ کیا گیا، کندھ کوٹ پریس کلب پر منعقدہ مظاہرے سے حفیظ اللہ گولو، مولانا رفیع الدین چنا نے خطاب کیا جبکہ بدین پریس کلب کے سامنے احتجاجی مظاہرے سے ضلعی امیر سید علی مردان شاہ، فتح خان کھوسو اور دیگر رہنماؤں نے خطاب کرتے ہوئے کہا کہ اسرائیل کی جانب سے عالمی قوانین کی حالیہ خلاف ورزی، انسانی حقوق کی پامالی، اور ایران پر جارحیت میںبے گناہ مسلمانوں کی شہادت کی سخت الفاظ میں مذمت کرتے ہیں۔ یہ عمل علاقائی امن کے لیے سنگین خطرہ ہے، اسرائیل اور امریکا طاقت کے زور پر بین الاقوامی معاہدوں کو پامال کر رہے ہیں۔ جیکب آباد میں مقامی دفتر سے ڈی سی آفس تک احتجاجی مظاہرہ کیا گیا جس کو قائم مقام امیر محمد حنیف کھوسو اور ہدایت اللہ رند نے خطاب کیا،ٹنڈوالہیار میں منعقدہ احتجاجی مظاہرے سے ضلعی امیر آصف یاسین،عاشق خانزاد اور رائو جاوید کی قیادت میں احتجاجی مظاہرہ کیا گیا،شکارپور میںگھنٹہ گھر چوک پر منعقدہ احتجاجی مظاہرے سے مقامی امیر مولانا صدرالدین مہر، اصغر پہوڑ ودیگر نے خطاب کیا۔ ٹنڈوآدم پریس کلب پر منعقدہ احتجاجی مظاہرے سے مشتاق احمد عادل، عبدالغفورانصاری نے خطاب کیا جبکہ میرپورخاص، کشموربھی احتجاجی مظاہرے کیے گئے۔
.ذریعہ: Jasarat News
کلیدی لفظ: احتجاجی مظاہرے سے ضلعی امیر منعقدہ احتجاجی مظاہرے سے میں ہونے والے مظاہرے سے امیر جماعت اسلامی پریس کلب کے سامنے خطاب کرتے ہوئے سیکرٹری جنرل کی قیادت کی پریس کلب پر نے خطاب کیا کی جانب سے مظاہرہ کی اور ایران مظاہرے کی ایران پر کہا کہ ا کے خلاف کے لیے
پڑھیں:
امریکی جارحیت ،جماعت اسلامی کا آج یوم احتجاج کا اعلان
ایران پر حملے سے امریکا ،اسرائیل کی پشت پناہی کے بعد اب کھل کر سامنے آگیا
پور ے ملک میں امریکہ مردہ آباد نعرے کے تحت احتجاج کیا جائے، حافظ نعیم الرحمان
جماعت اسلامی نے امریکہ کی طرف سے ایران پرہونے والی جارحیت کے خلاف ملک بھر میں آج (پیر کو) یوم احتجاج منانے کا اعلان کردیا۔امیر جماعت اسلامی حافظ نعیم الرحمٰن نے ایران پر امریکا کے حملے کی شدید الفاظ میں مذمت کرتے ہوئے کہا کہ اسرائیل کی پشت پناہی کے بعد اب واشنگٹن کھل کر سامنے آگیا ہے ۔اسلام آباد سے جاری ایک بیان میں امیر جماعت اسلامی نے کہا کہ امریکی جارحیت دنیا کا امن تباہ کرنے کے مترادف ہے ۔ امریکہ اور اسرائیل کی کارروائیوں کے خلاف مسلم امہ کومتحد ہوناہوگا۔حافظ نعیم الرحمٰن نے تمام ذمہ داران کو ہدایت کی ہے کہ پیر کو پور ے ملک میں امریکہ مردہ آباد نعرے کے تحت احتجاج کیا جائے ۔ انہوں نے کہا کہ اگر امریکہ نے یہ جنگ فوری طورپر بند نہ کی تو آنے والے دنوں میں ملک گیر احتجاجی تحریک کو مزید منظم کیا جائے گا۔دریں اثنا اسلام آباد میں یوتھ ڈیجیٹل سمٹ سے خطاب میں حافظ نعیم کا کہنا تھا کہ کل ٹرمپ نے بیان دیا کہ ہم دو ہفتے انتظار کریں گے پھر کوئی ایکشن لیں گے مگر ٹرمپ نے پہلے ہی دن اپنے وعدے کو توڑ دیا۔انہوں نے کہا کہ امریکہ اخلاقی طور پر کسی بھی چیز کو خاطر میں نہیں لا رہا صرف طاقت سے بات کر رہا ہے ، امریکہ کا زوال شروع ہو چکا، دنیا بھر کے با ضمیر انسانوں کا ظالموں کے خلاف اتحاد ہونا چاہیے ، پچھلے پونے دو برس سے اسرائیل فلسطین میں مسلمانوں کا قتل عام کر رہا ہے ۔
خیبرپختونخوا کا ٹوٹل بجٹ شرینی کی طرح آپس میں بانٹنے میں ہی پورا آتا ہے، عظمی بخاری کی تنقید