پاک فوج نے ملک میں امن اور معاشی استحکام میں کلیدی کردار ادا کیا، گورنر پنجاب
اشاعت کی تاریخ: 24th, June 2025 GMT
گورنر پنجاب سردار سلیم حیدر خان—فائل فوٹو
گورنر پنجاب سردار سلیم حیدر کا کہنا ہے کہ پاک فوج نے ملک میں امن اور معاشی استحکام لانے میں کلیدی کردار ادا کیا۔
گورنر پنجاب سے راولپنڈی اور اسلام آباد سے تعلق رکھنے والے پیپلز پارٹی کے عہدے داران اور ٹکٹ ہولڈرز نے ملاقات کی۔
اس موقع پر گفتگو کرتے ہوئے سردار سلیم حیدر نے کہا کہ پیپلز پارٹی واحد سیاسی جماعت ہے جس کے لیڈر نے سفارتی سطح پر پاکستان کی جنگ جیتی۔
گورنر پنجاب سردار سلیم حیدر خان کا کہنا ہے کہ نوجوان ملک کا مستقبل ہیں، تعلیمی معیار اور ماحول پر سمجھوتا نہیں کیا جا سکتا۔
گورنر پنجاب نے کہا کہ اب سیاسی جماعتیں بھی ملکی ترقی اور سیاسی استحکام کے لیے اپنا حصہ ڈالیں۔
ان کا کہنا تھا کہ وہ انجوائے کرنے کے لیے نہیں بلکہ پیپلز پارٹی کو متحرک کرنے کے لیے گورنر بنے ہیں، وہ ہر گلی محلے میں جا کر اپنے لیڈر بلاول بھٹو کا پیغام پہنچائیں گے۔
انہوں نے کہا کہ بلاول بھٹو واحد پاکستانی لیڈر ہیں، جنہوں نے دنیا بھر میں مودی کو للکارا، وہ وقت دور نہیں جب بلاول بھٹو عوامی مینڈیٹ سے وزیراعظم بنیں گے۔
ان کا مزید کہنا تھا کہ نوجوان، تاجر برادری، طلبا اور سیاسی رہنماؤں کا پیپلز پارٹی میں شمولیت کا سلسلہ جاری ہے۔
.
ذریعہ
ذریعہ: Jang News
کلیدی لفظ: سردار سلیم حیدر گورنر پنجاب پیپلز پارٹی
پڑھیں:
پنجاب کے وزیر تعلیم رانا سکندر حیات نے ٹیچر بننے کا اعلان کردیا
لاہور (ڈیلی پاکستان آن لائن ) پنجاب کے وزیر تعلیم رانا سکندر حیات نے ٹیچر بننے کا اعلان کردیا۔
تفصیلات کے مطابق رانا سکندر حیات نے ستمبر کے پہلے ہفتے سے انگلش اور کیمسٹری سمیت دیگر مضامین کی تدریس کا اعلان کیا۔انہوں نے کہا کہ لاہور میں ستمبر کے پہلے ہفتے سے کلاس کو پڑھاناشروع کروں گا، انگلش اور کیمسٹری میرے پسندیدہ مضمون ہیں لہٰذا ان ہی مضامین سے شروع کروں گا۔
وزیر تعلیم نے کہنا ہےکہ پرائمری اسکولوں میں انگلش اور ہائی اسکولوں میں کیمسٹری سے آغاز کروں گا جب کہ انگلش اور کیمسٹری کے علاؤہ دیگرمضامین کی بھی تدریس کروں گا۔انہوں نے مزید کہا کہ ہر ہفتے کسی ایک اسکول میں بغیر پیشگی اطلاع پڑھانے جاؤں گا، اساتذہ کی عزت کرتا ہوں، استاد بن کر فخر محسوس کروں گا۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
ان کا کہنا تھا کہ اس اقدام سے تعلیمی معیار کو جانچ کر تدریسی کمزوریاں دور کرنے میں مدد ملے گی۔
مزید :
بھارت سے جنگ اور افغانستان میں کارروائی خارج ازامکان نہیں، وزیردفاع