صوبائی وزیر و چیرمین خواجہ سلمان رفیق کی زیر صدارت کابینہ کمیٹی برائے امن و امان کا اجلاس
اشاعت کی تاریخ: 24th, June 2025 GMT
ملتان (اُردو پوائنٹ اخبارتازہ ترین - اے پی پی۔ 24 جون2025ء) ملتان میں صوبائی وزیر و چیرمین خواجہ سلمان رفیق کی زیر صدارت کابینہ کمیٹی برائے امن و امان کا اجلاس منعقد ہوا۔ منگل کو وزیراعلی پنجاب کی ہدایت پر منعقدہ اجلاس میں صوبائی وزیر قانون ملک صہیب احمد بھرتھ ، وزیر زراعت سید عاشق حسین کرمانی، سیکرٹری داخلہ ڈاکٹر احمد جاوید قاضی سمیت ایڈیشنل آئی جی پنجاب چوہدری سلطان، ایڈیشنل آئی جی سپیشل برانچ راؤ عبدالکریم، ایڈیشنل آئی جی ساؤتھ پنجاب محمد کامران خان، ڈی آئی جی سی ٹی ڈی عثمان گوندل نے بھی شرکت کی۔
اجلاس میں محرم الحرام کے جلوس اور مجالس کے انتظامات کا جائزہ لیا گیا۔کمشنر ملتان عامر کریم اور آر پی او کیپٹن سہیل چوہدری نے انتظامات بارے بریفننگ دی۔(جاری ہے)
شرکاء کو بتایا گیا کہ ملتان ڈویژن میں تمام 909 جلوس اور 3182 مجالس کے سکیورٹی انتظامات مکمل کر لئے گئے۔علاوہ ازیں 83 علماء و ذاکرین کی ضلع بندی اور 62 کی زباں بندی کے احکامات بھی جاری کئے گئے ہیں۔
امن و امان کو کنٹرول کرنے کےلئے ملتان میں 170 افراد کو فورتھ شیڈول میں شامل کیا گیا ہے۔اجلاس میں بتایا گیا کہ پولیس کی مدد کیلئے آرمی کی 4 اور رینجرز کی 6 کمپنیاں تعینات ہونگی۔اس موقع پر صوبائی وزیر خواجہ سلمان رفیق کا کہنا تھا کہ محرم الحرام کو پُرامن بنانے کیلئے ہم سب کو اپنا کردار ادا کرنا ہے۔صوبائی وزیر قانون ملک صہیب احمد بھرتھ نے کہا کہ محرم الحرام میں امن و امان کی صورتحال مکمل کنٹرول میں ہے، اس حوالے سے موثر اقدامات کیے گئے ہیں ۔ خانیوال، لودھراں اور وہاڑی کے ڈپٹی کمشنرز اور ڈی پی اوز بھی بریفنگ میں موجود تھے۔.ذریعہ: UrduPoint
کلیدی لفظ: تلاش کیجئے
پڑھیں:
وزیراعظم آزاد کشمیر کی زیر صدارت پارلیمانی پارٹی کا اجلاس
اس موقع پر گفتگو کرتے ہوئے چوہدری انوارالحق نے کہا کہ بیس کیمپ کے طور پر ہماری حکومت کی اولین ترجیح مسئلہ کشمیر ہے، حکومت نے اس سلسلے میں سپیکر قانون ساز اسمبلی کی سربراہی میں کشمیر کمیٹی قائم کر رکھی ہے جو فعال کردار ادا کر رہی ہے۔ اسلام ٹائمز۔ وزیراعظم آزاد جموں و کشمیر چوہدری انوارالحق کی زیرصدارت پارلیمانی پارٹی کا اجلاس منعقد ہوا، اجلاس میں مقبوضہ کشمیر کی موجودہ صورتحال، خطہ کی مجموعی سیاسی صورتحال اور جاری ترقیاتی منصوبوں پر تفصیلی تبادلہ خیال کیا گیا۔ پارلیمانی پارٹی نے متفقہ طور پر وزیراعظم چوہدری انوارالحق کی قیادت پر مکمل اعتماد کا اظہار کیا۔ اس موقع پر گفتگو کرتے ہوئے وزیراعظم آزاد کشمیر چوہدری انوارالحق نے کہا کہ بیس کیمپ کے طور پر ہماری حکومت کی اولین ترجیح مسئلہ کشمیر ہے، حکومت نے اس سلسلے میں سپیکر قانون ساز اسمبلی کی سربراہی میں کشمیر کمیٹی قائم کر رکھی ہے جو فعال کردار ادا کر رہی ہے۔ انہوں نے کہا کہ حکومت کسی کو قانون ہاتھ میں لینے کی اجازت نہیں دے گی، شہریوں کی جان و مال کے تحفظ اور آزادانہ نقل و حمل کے ان کے بنیادی حق کو یقینی بنایا جائے گا۔ انہوں نے کہا کہ اس حوالے سے کسی قسم کے جبر یا دھونس کو کسی صورت برداشت نہیں کیا جائے گا، آئین و قانون سے ماورا کوئی بات قبول نہیں کی جائے گی۔ آزاد جموں و کشمیر میں ترقیاتی عمل پوری رفتار سے جاری رہے گا، انشاءاللہ آزاد کشمیر کو حقیقی معنوں میں فلاحی ریاست بنایا جائے گا۔ پیپلز پارٹی آزاد کشمیر کے صدر چوہدری محمد یٰسین، موسٹ سینئر وزیر کرنل(ر) وقار احمد نور، ڈپٹی سپیکر چوہدری ریاض گجر اور راجہ فیصل ممتاز راٹھور نے اجلاس میں شرکت کی۔ وزراء حکومت سردار محمد حسین، نثار انصر ابدالی، چوہدری یاسر سلطان، چوہدری رشید، سردار عامر الطاف سمیت چوہدری ارشد، چوہدری اظہر صادق، سردار جاوید ایوب، میاں عبدالوحید، چوہدری قاسم مجید، جاوید اقبال بڈھانوی، دیوان علی چغتائی، ملک ظفر، راجہ صدیق، عاصم شریف بٹ، احمد رضا قادری، اکمل سرگالہ، تقدیس گیلانی سمیت مشیر حکومت نبیلہ ایوب نے بھی اجلاس میں شرکت کی۔
محکمہ موسمیات کی کراچی میں ہلکی بارش کی پیشگوئی