کے ایم سی کا 55 ارب روپے کا بجٹ برائے 26-2025 منظور، ترقیاتی منصوبوں کے لیے کتنی رقم مختص؟
اشاعت کی تاریخ: 24th, June 2025 GMT
کراچی میٹروپولیٹن کارپوریشن (کے ایم سی) کے مالی سال 26-2025 کے لیے 55 ارب 28 کروڑ 36لاکھ اور 6 ہزارروپے کے بجٹ کی منظوری دے دی گئی۔
میئر کراچی بیرسٹر مرتضیٰ وہاب نے سٹی کونسل کے اجلاس میں کے ایم سی کا مالی سال 26-2025 کا (سرپلس) بجٹ منظوری کے لیے پیش کیا جس میں 146.2 ملین روپے اضافی دکھائے گئے ہیں۔
یہ بھی پڑھیں: کے ایم سی میں 950 گھوسٹ اور 200 ملازمین کا 2 مقامات پر نوکری کا انکشاف
بجٹ تجاویز پیش کرتے ہوئے میئر کراچی نے کہا کہ چییئرمین پیپلز پارٹی بلاول بھٹو زرداری نے مجھے جو ذمے داری سونپی تھی میں نے اس کو پورا کیا اور پارٹی کی خواہش کے مطابق شہر کے مسائل حل کیے جسے شہریوں نے بھی سراہا۔
میئر کراچی کا کہنا تھا کہ بلدیہ کی تاریخ میں پہلی بار سیلری سسٹم کو ایپ پر منتقل کیا گیا ہے۔ انہوں نے دعویٰ کیا کہ ماضی کے میئر اور ڈپٹی میئر نے جو جعلی بھرتیاں کیں وہ بھی ختم کردی گئیں۔
مزید پڑھیے: میونسپل ٹیکس کا نفاذ شہری حکومت کا حق ہے، میئر کراچی مرتضیٰ وہاب
مرتضیٰ وہاب نے کہا کہ ادارے کا مکمل آڈٹ کرکے شفافیت لائی گئی ہے۔ ان کا کہنا تھا کہ میونسپل ٹیکس میں پہلے جو رقم آتی تھی وہ کم تھی اور ماضی میں بلدیہ عظمیٰ کا ٹیکس ریکوری سسٹم انتہائی کمزور تھا لیکن اب ہر فیس، ٹیکس اور ادائیگی کو ڈیجیٹل کر رہے ہیں اور بلدیاتی ملازمین کو تنخواہوں اور پینشن کی ادائیگی بروقت ہوا کرے گی۔
ترقیاتی منصوبےمئیر کراچی نے بتایا کہ مالی سال 2025-26 کے بجٹ میں ترقیاتی منصوبوں کی مد میں 20 ارب روپے رکھے گئے ہیں۔
گزشتہ کارکردگی بتاتے ہوئے انہوں نے کہا کہ ایمپریس مارکیٹ میٹ سیکشن اپ گریڈ، 129 اسٹالز تعمیر کیے گئے۔ انہوں نے کہا کہ ایمپریس مارکیٹ میں 300 گاڑیوں کی گنجائش والا پارکنگ ایریا قائم کیا گیا، 14 اسپتالوں و ڈسپنسریوں کے ذریعے شہریوں کو طبی سہولیات فراہم کی گئیں اور یوسی گرانٹ 5 لاکھ سے بڑھا کر 12 لاکھ کردی گئی۔
میئر مرتضیٰ وہاب کے مطابق کونسل اجلاس میں شرکت پر 2 ہزار روپے فی ممبر ٹی اے ڈی اے منظور کیا گیا ہے۔
مزید پڑھیں: اہل کراچی جلد خوشخبری سنیں گے، میئرکراچی مرتضیٰ وہاب
اپوزیشن لیڈر کے ایم سی سیف الدین ایڈووکیٹ نے اجلاس میں اظہارخیال کرتے ہوئے کہا ہے کہ میئر مرتضیٰ وہاب کا یہ 5واں بجٹ ہے، سابق ڈسٹرکٹ ناظم نعمت اللہ خان مرحوم کے دور میں ہر کونسل ممبر کو ٹی اے ڈی اے کی مد میں 10 ہزار روپے ملتے تھے لیکن اب کونسل کے ممبر کو 2 ہزار روپے ملیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلدیہ عظمیٰ کراچی بجٹ کے ایم سی بجٹ میئر کراچی مرتضیٰ وہاب.
ذریعہ
ذریعہ: WE News
کلیدی لفظ: بلدیہ عظمی کراچی بجٹ کے ایم سی بجٹ میئر کراچی مرتضی وہاب میئر کراچی کے ایم سی نے کہا کہ کے لیے
پڑھیں:
مالی سال 26-2025 کے اختتام پر کلیمز جمع کرانے کی آخری تاریخ 12 جون مقرر
اکاؤنٹنٹ جنرل پاکستان ریونیو (اے جی پی آر) اسلام آباد نے مالی سال 26-2025 کے اختتام کے سلسلے میں ادائیگیوں، بلوں اور کلیمز کی وصولی کے لیے اہم ڈیڈ لائنز مقرر کردی ہیں۔
اے جی پی آر کی جانب سے جاری نوٹیفکیشن کے مطابق تمام ڈرائنگ اینڈ ڈسبرسنگ آفیسرز (ڈی ڈی اوز) کو ہدایت کی گئی ہے کہ حالیہ خریداریوں اور حاصل کی گئی خدمات کے تمام کلیمز 12 جون 2026 تک لازمی طور پر جمع کرائے جائیں۔
نوٹیفکیشن میں کہا گیا ہے کہ 12 جون 2026 تک جاری کیے گئے ٹوکنز کے تحت تمام غیر منظور شدہ بلوں اور دعوؤں کو دوبارہ جمع کرانے کی آخری تاریخ 15 جون 2026 مقرر کی گئی ہے۔
اسی طرح اے جی پی آر اسلام آباد اور اس کے ماتحت دفاتر کے زیر انتظام اسائنمنٹ اکاؤنٹس کے لیے ریلیز جمع کرانے کی آخری تاریخ 19 جون 2026 ہوگی۔
اے جی پی آر نے واضح کیا ہے کہ 12 جون 2026 کے بعد اعزازیہ (ہونوریرئم) سے متعلق کوئی کلیم وصول نہیں کیا جائے گا۔
مزید برآں آف سائیکل ادائیگیوں کے حوالے سے کمپیوٹرائزڈ تبدیل شدہ اسٹیٹمنٹس صرف 11 جون 2026 تک وصول کی جائیں گی، جبکہ ان پر کارروائی عارضی طور پر 16 جون 2026 تک مکمل کر لی جائے گی۔
نوٹیفکیشن میں تمام ڈی ڈی اوز اور متعلقہ دفاتر کو تاکید کی گئی ہے کہ ادائیگیوں اور مالی معاملات میں کسی قسم کی تاخیر سے بچنے کے لیے تمام کیسز مقررہ مدت کے اندر جمع کرائے جائیں۔
اے جی پی آر نے یہ بھی آگاہ کیا ہے کہ موجودہ مالی سال سے متعلق تنخواہوں کے چیکس مالی سال کے اختتام پر زائد المعیاد (اسٹیل) تصور ہوں گے اور 30 جون 2026 کے بعد ان کے متبادل چیکس جاری نہیں کیے جائیں گے۔
ادارے نے تمام متعلقہ سرکاری دفاتر اور مالیاتی حکام پر زور دیا ہے کہ بلوں، ادائیگیوں اور کلیمز سے متعلق تمام مقررہ ڈیڈ لائنز پر سختی سے عمل درآمد یقینی بنایا جائے تاکہ مالی سال 26-2025 کے حسابات بروقت اور مؤثر انداز میں مکمل کیے جا سکیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آخری تاریخ مقرر کلیمز مالی سال کا اختتام وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ