سیکرٹری خارجہ سے جمہوریہ کوریا کے سبکدوش ہونے والے سفیر کی الوداعی ملاقات
اشاعت کی تاریخ: 25th, June 2025 GMT
اسلام آباد (اُردو پوائنٹ اخبارتازہ ترین - اے پی پی۔ 25 جون2025ء) سیکرٹری خارجہ آمنہ بلوچ سے جمہوریہ کوریا کے سبکدوش ہونے والے سفیر پارک کیجون نے بدھ کو یہاں دفتر خارجہ میں الوداعی ملاقات کی۔ ترجمان دفتر خارجہ کے مطابق ایڈیشنل سیکرٹری (ایشیا و بحرالکاہل) عمران احمد صدیقی کی طرف سے سفیر کے اعزاز میں الوداعی ظہرانہ بھی دیا گیا۔
(جاری ہے)
سیکرٹری خارجہ نے دوطرفہ تعلقات کو مضبوط بنانے میں سفیر پارک کیجون کی کوششوں کو سراہا اور پاک کوریا تعلقات میں مسلسل پیشرفت کی امید کا اظہار کیا۔ ایڈیشنل سیکرٹری عمران احمد صدیقی نے بھی سفیر کے تعاون کو سراہتے ہوئے اس اعتماد کا اظہار کیا کہ جمہوریہ کوریا کے آنے والے سفیر پاک کوریا تعلقات کی مثبت رفتار کو آگے بڑھائیں گے۔
.ذریعہ: UrduPoint
کلیدی لفظ: تلاش کیجئے
پڑھیں:
کندھکوٹ،2 ٹرالروں میں تصادم ،ایک ڈرائیور جاں بحق
data-id="863a0a8" data-element_type="widget" data-widget_type="theme-post-content.default">
کندھکوٹ(نمائندہ جسارت)کندھکوٹ انڈس ہائی وے پر کار کو بچاتے ہوئے دو ٹرالر آپس میں ٹکرا گئے اس دوران دونوں ٹرالروں میں آگ لگ گئی ایک ڈرائیور جاں بحق اور ایک زخمی ہو گیا، ٹرالروں میں موجود سامان جل گیا۔ تفصیلات کے مطابق کندھکوٹ انڈس ہائی وے کوہ نور فلور مل کے قریب کار کو بچاتے ہوئے دو ٹرالر آپس میں ٹکرا گئے جس کے نتیجے میں دونوں ٹرالروں میں آگ لگ گئی ٹرالروں میں موجود تمام سامان جل کر راکھ ہو گیا اطلاع پر ریسکیو 1122 اور حدود تھانہ کی پولیس جائے وقوع پر پہنچ گئی جہاں آگ میں جھلس کر جاں بحق ہونے والے ڈرائیور کی لاش اور زخمی کلینر کو باہر نکالا گیا جنہیں کندھکوٹ کے سول اسپتال لایا گیا حادثے کا شکار ہونے والے ٹرالر کے کلینر گل خان نے بتایا کہ ہم کراچی سے گجرانوالہ جا رہے تھے جاںبحق ہونے والے کا نام ولی خان ہے جو پشاور کا رہائشی ہے۔ ریسکیو آپریشن کے بعد آگ پر قابو پالیا گیا۔ زخمی سلمان کو تشویشناک حالت میں رحیم یار خان منتقل کر دیا گیا۔ متوفی کی نعش ضروری قانونی کاغذی کارروائی کے بعد ورثا کے حوالے کر دی گئی۔ آخری اطلاع آنے تک واقعے کا مقدمہ درج نہیں ہو سکا۔
پاکستان کی سفارتکاری نئے اعتماد اور استحکام کے دور میں داخل ہو چکی ہے: خواجہ آصف