انٹرڈویژن ویمنز والی بال چمپئن شپ کراچی نے جیت لی
اشاعت کی تاریخ: 26th, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی /نواب شاہ(اسپورٹس ڈیسک) دفاعی چیمپئن کراچی نے آل سندھ انٹر ڈویژن ویمنز والی بال چیمپئن شپ جیت لی۔فائنل میں حیدرآباد ڈویژن کو شکست کا سا منا کرنا پڑا،شہید بے نظیرآباد نے تیسری پوزیشن حاصل کی۔سیکریٹری اسپورٹس عبدالعلیم لاشاری نے مہمان خصوصی کی حیثیت سے انعامات تقسیم کئے جبکہ ایڈیشنل ڈی سی بے نظیر آباد حسان ظفراعزازی مہمان تھے۔صوبائی وزیر کھیل سردار محمد بخش خان مہر اور صوبائی سیکریٹری اسپورٹس عبدالعلیم لاشاری کے احکامات کی روشنی میں ڈسٹرکٹ اسپورٹس آفس شہید بے نظیر آبادمحکمہ اسپورٹس گورنمنٹ آف سندھ کے زیر انتظام چیمپئن شپ بلاول اسپورٹس کمپلیکس کے جمنازیم میں کھیلی گئی جس میں سندھ کے تمام ڈویژنز کی ٹیموں نے شرکت کی۔مہمان خصوصی کا کہنا تھا کہ بے نظیر آباد کی تاریخ میں اس سے قبل اتنا شاندار اسپورٹس ایونٹ منعقد نہیں ہوا،اس قدر شاندار ایونٹ کے انعقادپر میں ڈی ایس او عبدالرحیم راجپوت اور ان کی پوری ٹیم کو مبارکباد پیش کرتا ہوں،محکمہ کھیل اور ہماری کوشش رہی ہے کہ سندھ میں کھیلوں کے زیادہ سے زیادہ ایونٹس منعقد کروائیں تاکہ کھلاڑیوں کو مواقع ملیں،نیشنل گیمز کے لئے کھلاڑیوں سے امید ہے کہ وہ میڈلز لائیں گے۔قبل ازیں آرگنائزنگ سیکریٹری ڈسٹرکٹ اسپورٹس آفیسر شہید بے نظیر آباد اور ڈویژنل کو آرڈی نیٹر عبدالرحیم راجپوت نے ایونٹ کی رپورٹ پیش کی اور بتایا کہ ایونٹ کے لئے بہترین انتظامات کئے گئے ہیں،ٹیموں کو شاندار رہائش فراہم کی گئی ہے،ہماری کوشش تھی کہ تمام کھلاڑی یہاں سے خوشگوار یادیں لے کر جائیں ، ٹیموں کو پہلی بار مکمل کٹ آرگنائزنگ کمیٹی کی جانب سے فراہم کی گئی،اس چیمپئن شپ کے لئے مکمل ٹیکنیکل سپورٹ فراہم کرنے پر میں سندھ والی بال ایسوسی ایشن کا بھی مشکور ہوں۔اس موقع پرپاکستان والی بال فیڈریشن کے سیکریٹری شاہ نعیم ظفر،سندھ والی بال ایسوسی ایشن کے سیکریٹری شاہد مسعود،اسپورٹس کو آرڈی نیٹر ڈسٹرکٹ اسپورٹس کمیٹی ارشد علی قریشی،اسپورٹس آرگنائزر ملک زبیر،عابد مغل،،سندھ اولمپک ایسوسی ایشن کے ایسوسی ایٹ سیکریٹری پرویز شیخ،ڈی ایس او میر پور خاص واشدیو مالھی،ڈی ایس او بدین انور علی بھٹی،علی نواز خالد،ڈائرکٹر اسپورٹس سر سید یونیورسٹی نعمان الدین اور دیگر بھی موجود تھے۔فائنل میں کراچی نے حیدرآباد کو3-0سے زیر کیا،سیٹ اسکور 25-9، 25-8 اور25-6رہا۔اس سے قبل تیسری پوزیشن کے میچ میں شہید بے نظیر آباد نے سکھر ڈویژن کو 25-4،25-4اور25-5سے شکست دے کر تیسری پوزیشن حاصل کی تھی۔
.ذریعہ: Jasarat News
کلیدی لفظ: شہید بے نظیر اسپورٹس ا والی بال
پڑھیں:
بے نظیر ہیو من ریسورس، ڈھائی کروڑ روپے کے ٹھیکوں پر افسران کی کمائی
کرائے کی عمارت پر مرمت اور فرنیچر کی خریداری کیلیے بندربانٹ ہوئی
کمیشن کے ذریعے کمائی سی ایم آئی ٹی اور اینٹی کرپشن کو شکایات موصول
شہید بینظیر بھٹو ہیومن ریسورس ریسرچ بورڈ کے افسران کا کارنامہ، کرائے کی عمارت پر مرمت اور فرنیچر کی خریداری میں ڈھائی کروڑ روپے خرچ کر دیئے، ٹھیکے افسران کے قریبی رشتے داروں کو دینے کا انکشاف، چائے کا سیٹ 4 لاکھ 77 ہزار روپے میں خرید لیا، اینٹی کرپشن اور سی ایم آئی ٹی کو شکایات موصول۔ جرات کی رپورٹ کے مطابق شہید بینظیر بھٹو ہیومن ریسورس اینڈ ریسرچ بورڈ کا دفتر ایک نیم سرکاری ادارے کی عمارت میں قائم ہے، بورڈ ادارے کو کرائے کی مد میں ماہانہ ایک کروڑ 50 لاکھ روپے ادا کرتا ہے۔ بورڈ کی انتظامیہ نے عمارت کی مرمت پر ایک کروڑ 56 لاکھ روپے خرچ کئے ہیں، فرنیچر کی خریداری پر 53 لاکھ 96 ہزار روپے خرچ کرنے کا دعوی کیا گیا ہے، اسپلٹ اے سی کی خریداری پر 20 لاکھ 39 ہزار روپے خرچ کئے گئے ہیں، مشینری کی خریداری پر ایک لاکھ 80 ہزار روپے خرچ ہو گئے، ایم آئی ایس سیکشن کے لئے ایک لیپ ٹاپ کی خریداری پر 4 لاکھ 24 ہزار خرچ کئے گئے، دلچسپ بات یہ ہے کہ چائے کے سیٹ کی خریداری پر 4 لاکھ 77 ہزار روپے خرچ کرنے کا دعوی کیا گیا ہے، مجموعی طور پر 2 کروڑ 41 لاکھ 68 ہزار روپے خرچ کئے گئے ہیں۔ میسرز آرش ایسوسی ایٹس کو 53 لاکھ 28 ہزار، میسرز ایف ایم کنسلٹنٹ کو 18 لاکھ، حفصہ ٹریڈرز کو 86 لاکھ 44 ہزار، مبارک انٹر پرائیز کو 30 لاکھ، میسرز پراپرٹی سالویشن کو 11 لاکھ اور میسرز شعیب ٹریڈرز کو 41 لاکھ روپے ٹھیکے جاری کئے گئے، ذرائع کے مطابق عمارت کی مرمت پر صرف 50 لاکھ خرچ کر کے باقی رقم ہڑپ کر لی گئی ہے۔ ذرائع کا کہنا ہے کہ حفصہ ٹریڈرز کے مالک علی رضا شیخ ہیں جو کہ بورڈ کے اسسٹنٹ رضوان شیخ کے قریبی رشتیدار ہیں اور بورڈ کے اعلی حکام کو مبینہ طور پر بھاری کمیشن دے کر ٹھیکے وصول کرتے ہیں، بورڈ میں تقریبن ڈھائی کروڑ کے کام کو تقسیم کر کے سپرا قوائد کی خلاف ورزی کی گئی ہے تاکہ کسی بھی ایک کمپنی کو اوپن ٹینڈر کے ذریعے ٹھیکہ جاری نہ ہو سکے، ملی بھگت میں رضوان شیخ، فیض اللہ سومرو سمیت دیگر افسران ملوث ہیں۔ شھید بینظیر بھٹو ہیومن ریسورس ریسرچ بورڈ میں مرمت اور سامان کی خریداری میں مبینہ طور پر کرپشن کی شکایات چیئرمین اینٹی کرپشن ذوالفقار علی شاہ اور سی ایم آئی ٹی کی سربراہ کو کی گئی ہیں۔
مسعود پزشکیان کی پاکستان آمد، ملاقاتوں کا شیڈول منظر عام پر آگیا