کراچی، ویٹا چورنگی پر دلخراش حادثے کی سی سی ٹی وی فوٹیج ایکسپریس نیوز نے حاصل کر لی
اشاعت کی تاریخ: 26th, June 2025 GMT
کراچی:
کورنگی کے علاقے ویٹا چورنگی کے قریب 23 جون کو پیش آنے والے ٹریفک حادثے کی سی سی ٹی وی فوٹیج ایکسپریس نیوز نے حاصل کر لی، جس میں ایک معمر شہری کو واٹر ٹینکر کی ٹکر سے جاں بحق ہوتے دیکھا جا سکتا ہے۔
فوٹیج میں 60 سالہ محمد ہاشم کو سڑک کنارے کھڑا ہو کر گاڑی کا انتظار کرتے ہوئے دیکھا جا سکتا ہے، جب کہ ایک واٹر ٹینکر کو ریورس میں آتے ہوئے واضح طور پر دیکھا جا سکتا ہے۔
"https://cdn.
ویڈیو میں دکھایا گیا ہے کہ واٹر ٹینکر پہلے محمد ہاشم کو ٹکر مارتا ہے، جس سے وہ زمین پر گر جاتے ہیں، تاہم ڈرائیور ٹینکر کو نہیں روکتا اور اسی دوران ٹائروں تلے روند کر انہیں کچل دیتا ہے۔
حادثے کے فوری بعد ڈرائیور موقع سے فرار ہو جاتا ہے، جب کہ متاثرہ شہری موقع پر ہی جاں بحق ہو جاتا ہے۔
پولیس کے مطابق واقعے کا مقدمہ درج کیا گیا تھا اور فرار ہونے والے ڈرائیور کو گرفتار بھی کر لیا گیا ہے۔ مزید قانونی کارروائی جاری ہے۔
ذریعہ
ذریعہ: Express News
پڑھیں:
خانیوال پل حادثے کی انکوائری مکمل‘پاکستان ریلویز نے دو افسران کو ملازمت سے فارغ کر دیا
اسلام آباد (اُردو پوائنٹ اخبارتازہ ترین - آن لائن۔ 02 جون2026ء) پاکستان ریلویز نے خانیوال پل حادثے کی انکوائری مکمل ہونے کے بعد ذمہ دار افسران کے خلاف سخت کارروائی کرتے ہوئے دو افسران کو ملازمت سے فارغ کر دیا ہے۔ریلوے حکام کے مطابق سابق ڈویژنل انجینئر(ڈی ای این)ملتان عابد رزاق کو ملازمت سے برطرف کر دیا گیا ہے جبکہ سابق اسسٹنٹ انجینئر (اے ای این)خانیوال راجا یوسف کو بھی سروس سے برخاست کر دیا گیا ہے۔یاد رہے کہ خانیوال پل حادثے میں ایک شخص جاں بحق جبکہ متعدد افراد زخمی ہوئے تھے۔ واقعے کے بعد وفاقی وزیر ریلوے محمد حنیف عباسی نے ذمہ داروں کے خلاف سخت کارروائی کا اعلان کرتے ہوئے واضح کیا تھا کہ عوامی جانوں کے نقصان پر کسی قسم کی رعایت نہیں برتی جائے گی۔وزیر ریلوے کی ہدایت پر حادثے کی جامع انکوائری شروع کی گئی تھی۔(جاری ہے)
انکوائری رپورٹ میں متعلقہ افسران کی غفلت اور ذمہ داری کا تعین کیا گیا جس کی روشنی میں محکمانہ کارروائی عمل میں لائی گئی۔
ریلوے حکام کے مطابق وفاقی وزیر ریلوے اپنے زیرو ٹالرنس مقف پر قائم رہے اور حادثے کا کیس منطقی انجام تک پہنچایا گیا۔ وزارت ریلوے کا کہنا ہے کہ احتساب کا عمل جاری رہے گا اور غفلت، لاپروائی یا نااہلی پر کسی قسم کا سمجھوتہ نہیں کیا جائے گا۔وزیر ریلوے محمد حنیف عباسی نے اس عزم کا اعادہ کیا کہ مسافروں کے جان و مال کے تحفظ کو ہر صورت یقینی بنایا جائے گا اور ذمہ دار عناصر کے خلاف بلاامتیاز کارروائی جاری رہے گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ