بھارتی اور انگلش بورڈز کا اپنی لیگز بچانے کیلئے سعودیہ کو بڑا دھوکا
اشاعت کی تاریخ: 26th, June 2025 GMT
بھارتی کرکٹ بورڈ (بی سی سی آئی) اور انگلینڈ اینڈ ویلز کرکٹ بورڈ (ای سی بی) نے سعودی عرب کی ٹی20 لیگ کو شروع ہونے سے قبل ہی بڑا دھوکا دیدیا۔
برطانوی اخبار دی گارڈین نے اپنی رپورٹ میں انکشاف کیا ہے کہ سعودی عرب کا اپنی ٹی20 لیگ کیلئے 400 ملین امریکی ڈالر (تقریباً 1 ارب 13 کروڑ 47 لاکھ سے زائد پاکستانی روپوں) میں کروانے کا منصوبہ بنایا تھا، اسے بڑا دھچکا لگا ہے کیونکہ بھارتی کرکٹ بورڈ (بی سی سی آئی) اور انگلینڈ اینڈ ویلز کرکٹ بورڈ (ای سی بی) نے اپنی لیگز بچانے کیلئے اسکی حمایت سے پیچھے ہٹ گئی ہیں۔
رپورٹس میں کہا گیا ہے کہ دونوں بورڈز نئی لیگ کی مخالفت کرنے پر متحد ہوگئے ہیں اور اتفاق کیا ہے کہ وہ اپنے کھلاڑیوں کو "نو آبجیکشن سرٹیفکیٹ" جاری نہیں کریں گے اور انٹرنیشنل کرکٹ کونسل (آئی سی سی) میں لابنگ کے ذریعے لیگ میں کھلاڑیوں جانے سے روکنے کی منصوبہ بندی کی جائے گی۔
مزید پڑھیں: کرکٹ کا گرینڈ سلیم؛ سعودی عرب کے انتہائی مہنگی لیگ کے خفیہ منصوبے کا انکشاف
ادھر کرکٹ آسٹریلیا لیگ میں سعودی سرمایہ کاروں کے ساتھ شراکت داری کا خواہاں تھا۔
رپورٹ میں بتایا گیا کہ مجوزہ کرکٹ لیگ میں 8 ٹیمیں ہوں گی اور اس کو ٹینس کے ماڈل اور گرینڈ سلیمز کے طرز پر رکھنے کی تجویزہے اور حصہ لینے والی ٹیمیں سال بھر 4 مختلف مقامات پر میچز کھیلیں گے اور اسی طرح ٹیموں کا بھی انتخاب کیا جائے گا۔
مزید پڑھیں: سعودی عرب میں آئی پی ایل سے بھی بڑی لیگ کرانے پر غور
کرکٹ آسٹریلیا کا بنیادی مقصد نجی سرمایہ کار کے ذریعے کیش فلو سے منافع کمانا ہے کیونکہ بگ بیش لیگ (بی بی ایل) میں شریک فرنچائزز گورننگ باڈی اور ریاستوں کی ملکیت ہیں۔
مزید پڑھیں: 29 سالہ ائیرہوسٹس سے تعلقات؛ 17 سالہ فٹبالر نے خبروں پر خاموشی توڑ دی
دوسری جانب انڈین پریمئیر لیگ (آئی پی ایل) 12 بلین امریکی ڈالر جبکہ انگلش بورڈ کی لیگ دی ہنڈریڈ اپنی ٹیموں کے 49 فیصد حصص فروخت کرکے اپنے خزانے بھرنے کا تیار ہیں۔
مزید پڑھیں: "دنیا کی مہنگی ترین کرکٹ لیگ نہیں کروا رہے"
قبل ازیں 3 سال قبل کرکٹ جنوبی افریقا نے اپنی ایس اے ٹی20 لیگ کی فرنچائزز کو بھارتی مالکان کے بیچ کر 136 ملین ڈالر سے زائد کی رقم اکٹھا کی تھی۔
رپورٹ میں مزید کہا گیا ہے کہ انٹرنیشنل کرکٹ کونسل (آئی سی سی) کے سربراہ اسوقت جے شاہ ہیں، جو بھارتی بورڈ کے سابق سیکریڑی ہیں، انکا بھی بورڈ کی خواہشات کے خلاف جانے کوئی امکان نہیں ہے۔
.ذریعہ: Express News
کلیدی لفظ: مزید پڑھیں کرکٹ بورڈ
پڑھیں:
ایشیا کپ 2025: بھارتی براڈکاسٹر کے آفیشل پوسٹر میں پاکستان کو نظر انداز کر دیا گیا
data-id="863a0a8" data-element_type="widget" data-widget_type="theme-post-content.default">
ایشیا کپ 2025 کے غیر یقینی مستقبل کے سائے میں بھارتی براڈکاسٹر سونی اسپورٹس کی جانب سے جاری کیے گئے پروموشنل مواد نے نیا تنازع چھیڑ دیا ہے، جس میں پاکستان کو نظر انداز کیے جانے پر سوشل میڈیا پر شدید ردعمل سامنے آیا ہے۔
سماجی رابطے کی ویب سائٹ ایکس پر شیئر کردہ آفیشل پوسٹر میں صرف بھارت، سری لنکا اور بنگلادیش کے کپتانوں کی تصاویر شامل کی گئی ہیں، جبکہ پاکستان کے کسی کھلاڑی یا کپتان کو نمائندگی کے لیے شامل نہیں کیا گیا، جس پر کرکٹ مداحوں نے غم و غصے کا اظہار کیا ہے۔
یہ اقدام ایک ایسے وقت میں سامنے آیا ہے جب یہ اطلاعات زیر گردش ہیں کہ پاک-بھارت سرحدی کشیدگی کے باوجود بھارتی ٹیم ایشیا کپ میں شرکت کرے گی، اور کرکٹ شائقین ایک بار پھر روایتی حریفوں کے درمیان سنسنی خیز مقابلہ دیکھنے کے منتظر ہیں۔
دلچسپ امر یہ ہے کہ ایشیا کپ 2025 کی میزبانی اگرچہ متحدہ عرب امارات کو دی گئی ہے، تاہم ٹورنامنٹ کے حقوق بھارت کے پاس ہوں گے۔ اسی تناظر میں سونی اسپورٹس نے پوسٹر جاری کیا، مگر پاکستان کی عدم موجودگی نے کرکٹ فینز کو ناراض کر دیا ہے، جنہوں نے اس عمل کو کھیل کی روح کے منافی قرار دیا ہے۔
یاد رہے کہ ایشیا کپ 2025 ستمبر میں منعقد ہونا متوقع ہے، تاہم تاحال ایشین کرکٹ کونسل کی جانب سے حتمی شیڈول جاری نہیں کیا گیا، اس کے باوجود براڈکاسٹر کی جانب سے پروموشنل مواد جاری ہونے سے یہ اشارہ ضرور ملا ہے کہ ایونٹ وقت پر منعقد ہوگا۔ مزید برآں، رواں برس ایشیا کپ ٹی20 فارمیٹ میں کھیلا جائے گا، جس کا مقصد 2026 میں شیڈول ٹی20 ورلڈکپ کی تیاریوں کو حتمی شکل دینا ہے۔
کرکٹ ماہرین کا ماننا ہے کہ بھارتی براڈکاسٹر کی جانب سے ایسے حساس اقدامات غیر ضروری تنازعات کو جنم دیتے ہیں اور اس سے کھیل کی بین الاقوامی روح کو نقصان پہنچتا ہے۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی