وزیراعلیٰ مریم نواز کا بارش کے دوران لاہور کے مختلف علاقوں کا دورہ
اشاعت کی تاریخ: 26th, June 2025 GMT
وزیراعلیٰ پنجاب مریم نواز شریف نے جمعرات کے روز برستی بارش کے دوران لاہور کے مختلف علاقوں کا اچانک دورہ کیا۔
یہ بھی پڑھیں:پنجاب میں پبلک پرائیویٹ شراکت سے 29 نئی سڑکیں، تعمیرات کا نیا ماڈل متعارف
انہوں نے قذافی اسٹیڈیم، ظہور الٰہی روڈ، جیل روڈ، گلبرگ اور دیگر مقامات پر بارش کے پانی کی نکاسی اور دیگر صورتحال کا تفصیلی جائزہ لیا۔
وزیراعلی مریم نواز شریف کا بارش کے دوران قذافی اسٹیڈیم ، ظہور الٰہی روڈ،جیل روڈ اور دیگر علاقوں کا دورہ
وزیراعلی مریم نواز شریف کا بارش کے پانی کی بروقت نکاسی پر اظہارِ اطمینان
قذافی اسٹیڈیم کے علاقے میں آٹھ ماہ میں پانی کی نکاسی کا پائیدار سسٹم قابل تحسین ہے ۔ مریم نواز… pic.
— Marriyum Aurangzeb (@Marriyum_A) June 26, 2025
وزیراعلیٰ نے قذافی اسٹیڈیم کے اطراف قائم نکاسی آب کے نظام پر اظہار اطمینان کرتے ہوئے کہا کہ 8 ماہ میں مکمل کیا گیا یہ سسٹم پائیدار اور قابلِ تحسین ہے۔
انہوں نے کہا کہ اللہ تعالیٰ کے فضل و کرم سے بارش کے پانی کا نکاس بروقت ہو رہا ہے، جو متعلقہ اداروں کی محنت کا نتیجہ ہے۔
مریم نواز نے گلبرگ کے مختلف بلاکس کا معائنہ بھی کیا، جہاں انہوں نے ایل ڈی اے کے تحت جاری سسٹین ایبل ڈویلپمنٹ پراجیکٹ کا جائزہ لیا۔
اس دوران انہوں نے سڑکوں پر نصب خوبصورت ٹف ٹائلز، پیور سسٹمز اور بیوٹیفیکیشن کے دیگر اقدامات کا مشاہدہ کیا۔
وزیراعلیٰ نے گلبرگ میں رہائشی و کمرشل علاقوں سے تجاوزات کے خاتمے، گرین بیلٹس کی ترتیب نو اور یونیفارم ڈویلپمنٹ پر اطمینان کا اظہار کیا۔
انہوں نے فیشن ایونیو، ظہور الٰہی روڈ، کالج روڈ، سرسید روڈ سمیت دیگر کمرشل کوریڈورز پر جاری بیوٹیفیکیشن منصوبوں کا بھی جائزہ لیا اور حکام کو معیار کو برقرار رکھنے کی ہدایت کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بارش قذافی اسٹیڈیم گلبرگ لاہور مریم نواز
ذریعہ
ذریعہ: WE News
کلیدی لفظ: قذافی اسٹیڈیم گلبرگ لاہور مریم نواز قذافی اسٹیڈیم مریم نواز انہوں نے بارش کے
پڑھیں:
کراچی، شہر کے مختلف علاقوں میں پولیس مقابلے، 5 ڈاکو زخمی حالت میں گرفتار
کراچی:شہر قائد کے مختلف علاقوں میں پولیس نے مبینہ مقابلوں کے دوران چار ملزمان کو زخمی حالت میں گرفتار کر لیا جبکہ ایک فرار ہونے والے مبینہ ڈاکو کو شہریوں نے پکڑ کر تشدد کے بعد پولیس کے حوالے کر دیا۔
پولیس اور چھیپا حکام کے مطابق اورنگی ٹاؤن تھانے کی حدود میں سیکٹر 8، اللہ والا کالج کے قریب مبینہ پولیس مقابلے میں ایک مبینہ ڈاکو زخمی حالت میں گرفتار کیا گیا۔
زخمی ملزم کو عباسی شہید اسپتال منتقل کیا گیا جہاں اس کی شناخت سبیل کے نام سے ہوئی۔ ملزم کے قبضے سے اسلحہ اور دیگر سامان بھی برآمد کیا گیا۔
ادھر بوٹ بیسن تھانے کی حدود میں کلفٹن، عبداللہ شاہ غازی مزار پل کے قریب مبینہ مقابلے کے دوران ایک مبینہ ڈاکو پولیس کی فائرنگ سے زخمی ہو گیا، جس کی شناخت مانی کے نام سے ہوئی۔
اسے جناح اسپتال منتقل کر دیا گیا۔ اس دوران فرار ہونے کی کوشش کرنے والے دوسرے مبینہ ملزم کو شہریوں نے پکڑ کر تشدد کا نشانہ بنایا بعد ازاں اسے پولیس کے حوالے کر دیا گیا۔ زخمی ملزم کی شناخت سکندر کے نام سے کی گئی۔
دوسری جانب شرافی گوٹھ پولیس نے کورنگی سنگر چورنگی کے قریب راڈو بیکری کے علاقے میں مبینہ مقابلے کے بعد ایک مبینہ ڈاکو اویس کو زخمی حالت میں گرفتار کیا۔ ملزم کو جناح اسپتال منتقل کیا گیا جبکہ اس کے قبضے سے اسلحہ اور دیگر سامان بھی برآمد ہوا۔
اسی طرح قائدآباد تھانے کی حدود میں لانڈھی شیر پاؤ کالونی، مولیٰ مدد قبرستان کے قریب مبینہ پولیس مقابلے میں ایک اور مبینہ ڈاکو زخمی حالت میں گرفتار کیا گیا۔
چھیپا حکام کے مطابق زخمی ملزم کو جناح اسپتال منتقل کیا گیا جہاں اس کی شناخت وارث خان کے نام سے ہوئی۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم