آپریشن کا مقصد جنگ ختم کرنا تھا، ایران کی ایٹمی تنصیبات کو مکمل تباہ کردیا: پیٹ ہیگسیتھ
اشاعت کی تاریخ: 26th, June 2025 GMT
واشنگٹن: امریکی وزیر دفاع پیٹ ہیگسیتھ نے کہا ہے کہ فوجی آپریشن کا مقصد خطے میں جاری جنگ ختم کرنا تھا، فوجی آپریشن کے سبب اسرائیل ایران میں جنگ بندی ہوئی ۔
امریکی وزیر دفاع پیٹ ہیگسیتھ نے چیئرمین جوائنٹ چیفس آف اسٹاف جنرل ڈین کین کے ہمراہ نیوز بریفنگ کے دوران کہا کہ امریکی صدر ڈونلڈ ٹرمپ نے تاریخ کے سب سے مشکل فوجی آپریشن کاحکم دیا، فوج نے مہارت سے مشن کو مکمل کیا، اس بارے میں بعض امریکی چینلز بےبنیاد خبریں چلارہے ہیں۔
انہوں نے کہا کہ انٹرنیشنل اٹامک انرجی کمیشن( آئی اےای اے ) نےبھی کہا کہ امریکی حملوں میں ایرانی جوہری تنصیبات کو شدید نقصان ہوا جس کا اعتراف ترجمان ایرانی خارجہ نے بھی کیا۔
وزیر دفاع نےکہا کہ ایران میں جوہری تنصیبات پر کامیاب حملے کیےگئے، ایران کے خلاف ہمارا فوجی آپریشن انتہائی کامیاب رہا۔
پیٹ ہیگسیتھ نے کہا کہ ایرانی ایٹمی پروگرام کو وہ نقصان پہنچایا جس کا دیگر صدور خواب دیکھتے رہے، ایران کی ایٹمی تنصیبات مکمل تباہ ہوگئیں، آئی اے ای اے نے بھی تصدیق کی ایرانی جوہری پروگرام کئی سال پیچھے چلاگیا۔
امریکی چیئرمین جوائنٹ چیفس آف سٹاف جنرل ڈین کین نے نیوز بریفنگ میں کہا کہ قطر میں امریکی اڈے پر حملے کی خبر ہمیں پہلے ہی مل گئی تھی، ایران کا بڑا حملہ ناکام بنایا، ایرانی حملے پر دفاع ہماری صلاحیتوں کو ثابت کرتا ہے۔
جنرل ڈین کین نے کہا کہ آپریشن مڈنائٹ ہیمر میں شامل فوجیوں کا شکریہ ادا کرتے ہیں جنہوں نے ایران کا بڑا حملہ ناکام بنایا، ایرانی حملے پر دفاع ہماری صلاحیتوں کو ثابت کرتا ہے، جنرل ڈین کین نےمیڈیا بریفنگ کےدوران ایرانی تنصیبات پرحملوں کی ویڈیوبھی دکھائیں۔
ذریعہ: Daily Mumtaz
کلیدی لفظ: جنرل ڈین کین فوجی ا پریشن پیٹ ہیگسیتھ کہا کہ ا نے کہا
پڑھیں:
ایران کی اہم تنصیبات تباہ، امریکی انٹیلی جنس اداروں کا دعویٰ
data-id="863a0a8" data-element_type="widget" data-widget_type="theme-post-content.default">
واشنگٹن:امریکی صدر ڈونلڈ ٹرمپ کی قیادت میں حالیہ ایران اورامریکا تنازع میں ایک نیا موڑ اُس وقت آیا جب امریکی انٹیلی جنس کے اعلیٰ حکام نے دعویٰ کیا کہ امریکی فضائی حملوں کے نتیجے میں ایران کے ایٹمی پروگرام کو شدید نقصان پہنچا ہے اور متعدد کلیدی ایٹمی تنصیبات مکمل طور پر تباہ ہو گئی ہیں۔
غیر ملکی میڈیا رپورٹس کےمطابق سی آئی اے کے ڈائریکٹر جان ریٹکلف اور نیشنل انٹیلی جنس ڈائریکٹر ٹلسی گیبرڈ نے نئی انٹیلی جنس رپورٹس کا حوالہ دیتے ہوئے کہا کہ ایرانی ایٹمی تنصیبات کی بحالی میں سالوں کا وقت لگے گا۔
ڈائریکٹر نیشنل انٹیلی جنس گیبرڈ نے کہا کہ “نئی امریکی انٹیلی جنس اس بات کی تصدیق کرتی ہے کہ ایران کی جوہری تنصیبات تباہ ہو چکی ہیں، جیسا کہ صدر ٹرمپ متعدد بار کہہ چکے ہیں۔
سی آئی اے کے سربراہ جان ریٹکلف نے کہا کہ ایک قابلِ اعتماد اور تجربہ کار ذریعہ اس امر کی تصدیق کرتا ہے کہ امریکی حملوں سے ایران کی ایٹمی تنصیبات کو شدید نقصان پہنچا ہے اور انہیں از سرِ نو تعمیر کرنا ہوگا۔
ریٹکلف نے یہ بھی واضح کیا کہ انٹیلی جنس معلومات کی مزید جمع آوری جاری ہے، اور اس وقت حاصل شدہ شواہد “انتہائی مستند” ذرائع سے حاصل کیے گئے ہیں۔
خیال رہےکہ حالیہ دنوں میں ایک ابتدائی رپورٹ سامنے آئی تھی جس میں ڈیفنس انٹیلی جنس ایجنسی (DIA) نے امریکی حملوں کو “محدود اثرات کا حامل” قرار دیا تھا۔ تاہم، ریٹکلف، گیبرڈ اور امریکی انتظامیہ کے دیگر اعلیٰ حکام نے اس رپورٹ کو ابتدائی، غیرحتمی اور “کم اعتماد پر مبنی” قرار دیا ہے۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی