ایران حملے کو ناکام بناکر پیش کیا گیا؛ امریکی وزیر دفاع نیوز چینلز پر برس پڑے
اشاعت کی تاریخ: 26th, June 2025 GMT
امریکی وزیر دفاع پیٹ ہیگستھ نے ایران پر حملے سے متعلق رپورٹنگ کو من گھڑت قرار دیتے ہوئے نیوز چینلز کو کڑی تنقید کا نشانہ بنایا ہے۔
عالمی خبر رساں ادارے کے مطابق پینٹاگون میں پریس کانفرنس کرتے ہوئے امریکی وزیر دفاع نے کہا کہ کچھ امریکی نیوز چینلز ایران پر حملے سے متعلق بے سروپا سوالات اُٹھا رہے ہیں۔
وزیر دفاع نے کسی بھی چینل کا نام لیے بغیر جذباتی انداز میں کہا کہ دراصل تنقید کرنے والے چینلز کو صدر ٹرمپ کی کامیابی ہضم نہیں ہورہے ہیں اور یہ چینلز گھما پھرا کر رپورٹنگ کرکے لوگوں کا ذہن خراب کرتے ہیں۔
امریکی وزیر دفاع پیٹ ہیگسیث نے کافی جذباتی انداز میں میڈیا پر تنقید کی اور کہا کہ میڈیا کے صدر کے دعوؤں پر شواہد کا مطالبہ کرکے ان کی کامیابیوں کو کمزور کرنے کی کوشش کر رہے ہیں۔
انھوں نے الزام لگایا کہ کچھ میڈیا نے نیٹو اتحادیوں کی جانب سے 2035 تک دفاعی بجٹ کو 5 فیصد تک بڑھانے کے عزم کی مناسب کوریج نہیں کی حالانکہ یہ خبر عالمی سطح پر نمایاں طور پر نشر ہوئی تھی۔
وزیر دفاع نے نیوز چینلز کو خبردار کیا کہ ان حالات میں صدر ٹرمپ اور ان کی کارکردگی پر بے جا تنقید کرکے آپ دراصل امریکی فوج کے آپریشن کو کمتر بنا رہے ہیں۔
پیٹ ہیگستھ نے مزید کہا کہ صدر ٹرمپ نے انتہائی پچیدہ اور مشکل آپریشن میں ایران کی جوہری صلاحیت کو تباہ کیا اور اسے ناقابل تلافی نقصان پہنچایا گیا جس کا اعتراف اسرائیلی خفیہ ایجنسی نے بھی کیا۔
امریکی وزیر دفاع نے مزید کہا کہ عالمی نیوککلیئے ایجنسی کے سربراہ نے بھی اقرار کیا کہ ایرانی جوہری مراکز کو کافی نقصان پہنچا ہے۔
وزیردفاع پیٹ ہیگستھ نے ای سی آئی اے کی رپورٹ کا حوالہ بھی دیا جس میں کہا گیا تھا کہ ایران کی ایٹمی تنصیبات کو پہنچنے والا شدید نقصان کی مرمت اور بحالی میں برسوں لگ جائیں گے۔
امریکی وزیر دفاع نے ایران کے ایٹمی تنصیبات کے سربراہ کے اُس بیان کو بھی داہریا جس میں اعتراف کیا گیا تھا کہ ایران نے بحالی کا کام شروع کردیا ہے۔
.
ذریعہ: Express News
کلیدی لفظ: امریکی وزیر دفاع وزیر دفاع نے نیوز چینلز کہا کہ
پڑھیں:
آج 27ویں آئینی ترمیم سینیٹ سے منظور ہو جائے گی: وزیر دفاع خواجہ آصف
اسلام آباد(ڈیلی پاکستان آن لائن)وزیر دفاع خواجہ محمد آصف کا کہنا ہے کہ آج 27ویں آئینی ترمیم سینیٹ سے منظور ہو جائے گی۔
روزنامہ جنگ کے مطابق پارلیمنٹ ہاؤس میں گفتگو کرتے ہوئے خواجہ آصف نے کہا کہ ووٹ ڈالنے کے لیے کسی بھی رکن کا پارلیمان میں حاضر ہونا ضروری ہے۔ انہوں نے کہا کہ ترمیم کے حوالے سے ہمارے پاس ووٹ پورے ہیں۔
اس سے قبل نائب وزیراعظم اسحاق ڈار سے صحافیوں نے سوال کیا کہ کیا سینیٹ میں نمبر پورے ہیں؟ جس پر اسحاق ڈار نے کہا کہ جی انشاء اللّٰہ۔
صحافیوں نے پھر سوال کیا کہ کیا سینیٹر جان بلیدی صاحب مان گئے ہیں؟
ڈپلومیٹک پاسپورٹ کیس؛ سردار تنویر الیاس کے وارنٹ گرفتاری جاری
اسحاق ڈار نے کہا کہ جب ووٹنگ ہوگی تو پتہ چل جائے گا۔
واضح رہے کہ قانون و انصاف کی مشترکہ پارلیمانی کمیٹی نے گزشتہ روز بنیادی مسودے کی منظوری دی تھی۔
مزید :
جماعت اسلامی کا شدید احتجاج، بنگلادیش میں موسیقی کی تعلیم کا منصوبہ منسوخ