آئی سی سی کی ڈی آر ایس سمیت اہم قوانین میں تبدیلی
اشاعت کی تاریخ: 26th, June 2025 GMT
انٹرنیشنل کرکٹ کونسل (آئی سی سی) کی جانب سے کھیل کو بیٹر اور بولر کے درمیان مقابلے کا رکھنے کے لیے قوانین میں تبدیلی کا سلسلہ جاری ہے۔
کچھ روز کونسل کی جانب سے ون ڈے فارمیٹ میں نئی گیندوں کے حوالے سے قانون میں تبدیلی کی گئی تھی۔ جس کے بعد ایک بار پھر کچھ قوانین میں تبدیلیوں کا اطلاق کردیا گیا ہے۔
ٹیسٹ کرکٹ میں اسٹاپ کلاک متعارف
وائٹ بال فارمیٹ میں اسٹاپ کلاک متعارف کرانے کے ایک برس بعد آئی سی سی نے ٹیسٹ کرکٹ میں بھی یہ قانون متعارف کرانے کا فیصلہ کر لیا ہے کیوں کہ اس فارمیٹ میں بھی سلو اوور ریٹ کے مسائل کا سامنا رہتا ہے۔
قانون کے مطابق بولنگ سائیڈ کو اوور ختم ہونے کے 60 سیکنڈ کے اندر دوسرا اوور شروع کرانا ہوگا۔ ایسا نہ ہونے کی صورت میں امپائرز دو بار خبردار کریں گے اور تیسری بار میں پانچ رنز کی پینلٹی عائد کر دیں گے۔ ہر 80 اوورز کے بعد وارننگز ختم کردی جائیں گی۔
اس قانون کا ورلڈ ٹیسٹ چیمپئن شپ سائیکل 27-2025 میں اطلاق ہو چکا ہے۔
گیند پر قصداً تھوک کا استعمال
جہاں کھیل میں گیند پر تھوک کے استعمال پر پابندی عائد ہے وہیں آئی سی سی کا کہنا ہے کہ اگر امپائرز کو گیند پر تھوک لگائے جانے کے متعلق معلوم ہو تو گیند کا تبدیل یا جانا لازمی نہیں ہوگا۔
قانون میں یہ تبدیلی ٹیموں کو زبردستی گیند پر تھوک لگا کر تبدیل کرنے سے روکنے کے لیے کی گئی ہے۔
’آؤٹ‘ فیصلے کے بعد سیکنڈری ریویو کا ڈی آر ایس پروٹول
اگر کسی بلے باز کو کیچ پر آؤٹ قرار دیا گیا ہے اور وہ بلے باز ریویو لے لیتا ہے اور ریویو میں یہ بات سامنے آتی ہے کہ بال بلے کے بجائے پیڈ پر لگ کر گئی ہے تو کیچ پر ناٹ آؤٹ قرار دیے جانے کے بعد ٹی وی امپائر بال ٹریکنگ کے ذریعے ایل بی ڈبلیو کا فیصلہ کرتے ہیں۔ اب تک ایسے ریویو میں اگر کیچ کے فیصلے ناٹ آؤٹ قرار دیا جاتا تھا تو دوسرے ڈس مسل کا ڈیفالٹ فیصلہ بھی ناٹ آؤٹ ہوتا تھا، یعنی اگر ٹریکنگ میں امپائرز کال آجائے تو فیصلہ ناٹ آؤٹ ہی رہتا تھا۔
لیکن اب قانون میں تبدیلی کے بعد کیچ پر ناٹ آؤٹ قرار دیے جانے کے بعد بھی اگر ایل بی ڈبلیو میں امپائرز کال آئے گا تو بیٹر کو آؤٹ قرار دیا جائے گا۔
.
ذریعہ
ذریعہ: Express News
کلیدی لفظ: میں تبدیلی ناٹ ا ؤٹ گیند پر کے بعد
پڑھیں:
میرپور آزاد کشمیر ، مری ، کھاریاں سمیت ملک کے کئی علاقوں میں تیز ہواؤں کیساتھ بارش
سٹی 42: میرپور آزاد کشمیر ، مری ، کھاریاں سمیت ملک کے کئی علاقوں میں تیز ہواؤں کیساتھ بارش ہورہی ہے ۔
میرپور آزاد کشمیر و گردونواح میں تیز ہواؤں کے ساتھ بارش ہورہی ہے ۔ بارش کے باعث شدید گرمی کا زور ٹوٹ گیا، موسم خوشگوار ہو گیا۔درجہ حرارت میں نمایاں کمی، شہریوں نے سکھ کا سانس لے لیا
منگلا، چیچیاں، جاتلاں، اسلام گڑھ، چکسواری اور ڈڈیال میں بھی بارش ہے ۔ تیز ہواؤں کے باعث مختلف علاقوں میں بجلی کی آنکھ مچولی بھی جاری ہے ۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
مری میں کالی گھٹائیں برس پڑیں، بارش سے موسم مزید خوشگوار ہو گیا۔بارش اور ٹھنڈی ہواؤں نے مری کے حسن کو چار چاند لگا دیئے۔
گرم علاقوں سے آئے سیاح خوشگوار موسم سے بھرپور لطف اندوز ہونے لگے۔ بارش کے بعد سیاحتی مقامات پر رونقیں بڑھ گئیں۔
کھاریاں میں گرج چمک اور تیز ہوا کیساتھ بارش ہے ۔ بجلی بند موسم خوشگوار ہو گیا۔
بارش سے گرمی کی شدت کم ہو گئی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ