کرکٹ میں نئے قوانین متعارف، آئی سی سی نے پلیئنگ کنڈیشنز میں کیا تبدیلیاں کی ہیں؟
اشاعت کی تاریخ: 26th, June 2025 GMT
انٹرنیشنل کرکٹ کونسل (آئی سی سی) نے کرکٹ کے تمام فارمیٹس کے لیے پلیئنگ کنڈیشنز میں اہم تبدیلیوں کا اعلان کر دیا ہے، جو جولائی سے نافذ العمل ہوں گی۔ وائٹ بال کرکٹ کے بعد اب ٹیسٹ کرکٹ میں بھی ان قوانین کا اطلاق کیا جا رہا ہے۔
اسٹاپ کلاک کا نفاذسلو اوور ریٹ پر قابو پانے کے لیے اب ٹیسٹ کرکٹ میں بھی اسٹاپ کلاک متعارف کرا دیا گیا ہے۔ فیلڈنگ ٹیم کو ہر اوور کے بعد ایک منٹ کے اندر اگلا اوور شروع کرنا ہوگا، اگر ٹیم مقررہ وقت میں اوور شروع کرنے میں ناکام رہی تو امپائر پہلی دو خلاف ورزیوں پر وارننگ دے گا، جبکہ تیسری بار پانچ رنز کی پنالٹی عائد کی جائے گی، یہ قانون پہلے ہی آئی سی سی ورلڈ ٹیسٹ چیمپئن شپ کے نئے سائیکل پر لاگو ہو چکا ہے۔
گیند پر تھوک کے استعمال کا نیا ضابطہگیند پر تھوک لگانے کی صورت میں گیند فوراً تبدیل نہیں کی جائے گی،تاہم اگر تھوک کے استعمال سے گیند کی حالت میں واضح تبدیلی آئی تو امپائر بیٹنگ سائیڈ کو 5 رنز دے سکتا ہے۔
جان بوجھ کر شارٹ رن پر سخت کارروائینئے قانون کے تحت اگر کوئی بیٹر جان بوجھ کر شارٹ رن لیتا ہے تو بیٹنگ ٹیم کو پانچ رنز کی سزا دی جائے گی، اور اس کے ساتھ ساتھ بولنگ سائیڈ یہ فیصلہ کرے گی کہ اگلی گیند پر اسٹرائیک پر کون سا بیٹر رہے گا، امپائر اس بارے میں فیلڈنگ کپتان سے مشورہ لے گا۔
فیئرنس آف کیچ کے ریویو میں تبدیلیآئی سی سی نے کیچ ریویو کے نظام میں بھی اہم تبدیلی کی ہے، اگر امپائر کو کیچ پر شک ہو تو تھرڈ امپائر نہ صرف نو-بال بلکہ کیچ کی درستگی کو بھی چیک کرے گا، نئے قانون کے مطابق اگر نو-بال پر کیچ درست ہو تو بیٹنگ سائیڈ کو صرف ایک رن ملے گا، اور اگر کیچ غلط ہو تو جتنے رنز مکمل ہوئے ہوں، وہ تسلیم کیے جائیں گے۔
یہ تبدیلیاں کھیل میں شفافیت، انصاف اور رفتار کو بہتر بنانے کے لیے کی گئی ہیں، اور جولائی 2 سے ان پر مکمل عمل درآمد کیا جائے گا۔ شائقین، کھلاڑی، اور کوچز ان نئے قوانین پر خاص توجہ رکھیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آئی سی سی ایل بی ڈبلیو تبدیلیاں کرکٹ نئے قوانین نوبال.ذریعہ: WE News
کلیدی لفظ: ایل بی ڈبلیو تبدیلیاں کرکٹ نئے قوانین نوبال کے لیے
پڑھیں:
اوپن اے آئی کی ویڈیو میکر ایپ ’سورا‘ اینڈرائیڈ صارفین کے لیے متعارف
معروف آرٹیفیشل انٹیلیجنس کمپنی اوپن اے آئی نے اپنی ویڈیو میکر ایپلی کیشن ’سورا‘ اینڈرائیڈ صارفین کے لیے متعارف کرا دی۔
ٹیکنالوجی ویب سائٹ کے مطابق یہ ایپ بالکل ٹک ٹاک کی طرز پر کام کرتی ہے اور صارفین کو صرف تحریری ہدایات دے کر ویڈیو بنانے کی سہولت فراہم کرتی ہے۔
مثال کے طور پر اگر کوئی صارف یہ لکھے کہ وہ ٹوکیو کی سڑک پر سگنلز کی روشنیوں میں چل رہا ہے، تو یہ ایپ اسی منظر کو ویڈیو کی شکل میں پیش کر دے گی۔
ابتدائی طور پر یہ ایپ صرف آئی او ایس صارفین کے لیے دستیاب تھی، جہاں اسے صرف پانچ دن میں 10 لاکھ سے زائد بار ڈاؤنلوڈ کیا گیا, تاہم اب یہ اینڈرائیڈ پر بھی متعارف کروا دی گئی ہے، جو اس وقت چند ممالک میں دستیاب ہے جن میں امریکا، کینیڈا، جاپان، جنوبی کوریا، تائیوان، تھائی لینڈ اور ویتنام شامل ہیں۔
نئے اینڈرائیڈ ورژن میں مفت صارفین 15 سیکنڈ تک کی ویڈیوز بنا سکتے ہیں، جب کہ پرو سبسکرائبرز 25 سیکنڈ تک کی ویڈیوز تیار کر سکتے ہیں, اس ایپ میں ویڈیوز کو عمودی (Vertical)، مربع (Square) اور افقی (Landscape) فارمیٹ میں بنایا جا سکتا ہے، جس سے انہیں سوشل میڈیا پر شیئر کرنا مزید آسان ہو جاتا ہے۔
فی الحال اینڈرائیڈ ورژن ابھی بھی محدود ممالک میں دعوتی بنیادوں پر دستیاب ہے، یعنی ہر صارف اسے فوری طور پر استعمال نہیں کر سکتا، تاہم مستقبل میں یہ تمام ممالک کے صارفین کے لیے دستیاب کر دیا جائے گا۔
پنجاب اسمبلی: اسموگ اور موسمی بیماریوں کے تدارک سے متعلق قرارداد منظور