سلور میڈل کی حامل پاکستان والی بال ٹیم کا وطن واپسی پر شاندار استقبال
اشاعت کی تاریخ: 27th, June 2025 GMT
لاہور:
ایشین والی بال نیشنز کپ میں سلور میڈل جیتنے والی پاکستان ٹیم وطن واپس پہنچ گئی۔
لاہور ایئرپورٹ پر قومی ٹیم کا شاندار استقبال کیا گیا، سلور میڈل جیتنے والے کھلاڑیوں کو پھولوں کے ہار پہنائے گئے۔
بحرین میں کھیلے گئے ایشین والی بال نیشنز کپ کے فائنل میں پاکستانی ٹیم کو بحرین نے ہرایا تھا۔
اس موقع پر ٹیم مینیجر امداد اللہ میمن کا کہنا تھا کہ قومی ٹیم نے شاندار کھیل پیش کیا اور فائنل تک رسائی حاصل کی، ہماری ٹیم کے بعض کھلاڑی انجری مسائل کا شکار ہونے کی وجہ سے فائنل نہ جیت سکے۔
کپتان اور کھلاڑیوں کا کہنا تھا کہ سیمی فائنل میں دفاعی چیمپیئن قطر کو ہرانا ہماری بڑی کامیابی تھی، سلور میڈل آنے سے ملک میں والی بال کے کھیل کو مزید فروغ حاصل ہوگا۔
.ذریعہ: Express News
پڑھیں:
’پاکستان جیسا پیار کہیں نہیں ملا‘، بابا گورونانک کی تقریبات میں شرکت کے بعد سکھ یاتریوں کی واپسی شروع
شکر گڑھ کرتارپور میں بابا گورو نانک کے جنم دن کی 3 روزہ تقریبات کرتارپور راہداری کھلنے اور ملکی سلامتی کی دعاؤں کے ساتھ اختتام پذیر ہوگئیں۔ اور یاتریوں کی واپسی کا سلسلہ شروع ہوگیا۔
مزید پڑھیں: بابا گورونانک کا 556ویں جنم دن، ننکانہ صاحب کے تعلیمی اداروں میں 3 روزہ تعطیل
براستہ واہگہ بارڈر آئے بھارتی سکھ یاتری پاکستان سے ملنے والے پیار سے نہال، جبکہ بذریعہ راہداری کرتارپور یاترا کے خواہشمند ہزاروں بھارتی یاتری مودی سرکار کی ہٹ دھرمی کے باعث دربار کے درشن دیدار سے محروم رہے۔ 2 ہزار بھارتی یاتری حسین یادیں لیے گوردوارہ روہڑی صاحب ایمن آباد روانہ ہو گئے۔
گوردوارہ کرتارپور صاحب میں بابا گورو نانک کی جنم دن کی تقریبات کی اختتامی دعا میں پاکستان سمیت دنیا بھر سے 5 ہزار یاتری شریک ہوئے مگر بھارت نے آج بھی کرتارپور راہداری نہ کھولی۔
یاتریوں نے اس موقع پر بھارتی سرکار سے کرتارپور راہداری کھولنے کا مطالبہ کیا جبکہ بہترین انتظامات پر حکومت پاکستان کا شکریہ ادا کیا۔
اس موقع پر سکھ یاتریوں نے کہاکہ ہم نے پوری دنیا گھومی مگر پاکستان جیسا پیار کہیں نہیں ملا۔
دربار انتظامیہ کا کہنا ہے کہ 2 ہزار بھارتی یاتری آج دوپہر گوردوارہ روہڑی ایمن آباد روانہ ہوں گے، جہاں سے شام کو گوردوارہ ڈیرہ صاحب لاہور جائیں گے۔
مزید پڑھیں: ہندو برادری کے افراد کو داخلے سے روکنے کی بات درست نہیں، پاکستان نے بھارتی پروپیگنڈا مسترد کردیا
اس کے بعد 2 روز لاہور کی سیر اور شاپنگ کے بعد بھارتی یاتری 13 نومبر کو براستہ واہگہ واپس بھارت لوٹ جائیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بابا گورونانک جنم دن تقریبات سکھ یاتری کرتار پور راہداری واپسی شروع وی نیوز
پاکستان اور ترکیے کی وزارت داخلہ کا انسداد دہشت گردی سمیت مختلف شعبوں میں تعاون بڑھانے کا فیصلہ