ویسٹ انڈیز کے اسٹار کرکٹر پر 11 خواتین سے جنسی زیادتی کا الزام
اشاعت کی تاریخ: 27th, June 2025 GMT
ویسٹ انڈیز کرکٹ ٹیم کے ایک اسٹار پر 11 خواتین نے جنسی زیادتی اور ہراسانی جیسے سنگین الزامات عائد کیے ہیں۔
اسٹار کرکٹر پر الزامات کیا ہیں؟ویسٹ انڈیز کی معروف اسپورٹس ویب سائٹ اسپورٹس میکس ٹی وی کی رپورٹ کے مطابق، گیانا سے تعلق رکھنے والے اور ویسٹ انڈیز کی قومی کرکٹ ٹیم کے موجودہ رکن کے خلاف 11 خواتین نے الزامات عائد کیے ہیں کہ اس نے انہیں جنسی زیادتی کا نشانہ بنایا۔
رپورٹ میں دعویٰ کیا گیا ہے کہ متاثرین میں ایک کم عمر لڑکی بھی شامل ہے۔ تاہم ابھی تک کوئی باضابطہ قانونی کارروائی یا مقدمہ درج نہیں کیا گیا ہے۔
یہ بھی پڑھیے کرکٹر بابراعظم پرمبینہ جنسی زیادتی کا مقدمہ، جج نے نیا حکم جاری کردیا
الزامات عائد کرنے والی زیادہ تر خواتین کے مطابق، انہیں جنسی تعلق پر مجبور کیا گیا یا انہیں جنسی طور پر ہراساں کیا گیا۔
مبینہ پردہ پوشی کی کوششیںرپورٹ میں یہ بھی انکشاف کیا گیا ہے کہ کرکٹر کے خلاف الزامات پر پردہ ڈالنے اور اس معاملے کو دبانے کی کوششیں بھی کی گئیں۔
ویسٹ انڈیز کرکٹ بورڈ کی خاموشیاسپورٹس میکس ٹی وی نے جب اس معاملے پر ویسٹ انڈیز کرکٹ بورڈ سے رابطہ کیا تو بورڈ کے صدر کیشور شالو کا کہنا تھا کہ ویسٹ انڈیز کرکٹ بورڈ کو اس معاملے کی تفصیلات کا علم نہیں، لہٰذا وہ اس پر فی الحال کوئی تبصرہ نہیں کر سکتے۔
یہ بھی پڑھیے سری لنکن کرکٹر ’دانشکا گونا تھیلاکا‘ ریپ الزامات سے بری
یہ کرکٹر کون ہے؟ گیانا کے معروف وکیل نائجل ہیوز نے شناخت ظاہر کرنے سے انکار کیا تاہم یہ اشارہ دیا کہ یہ کھلاڑی جنوری 2024 میں آسٹریلیا کے خلاف تاریخی ٹیسٹ فتح کے بعد گیانا واپس آیا تو یہاں اسے ہیرو کا درجہ دیا گیا تھا۔
ابتدائی رپورٹاس معاملے کی ابتدائی رپورٹ گیانا کے ایک مقامی اخبار میں شائع ہوئی۔ وکیل کا کہنا تھا ’میں نے کم از کم 11 خواتین سے ذاتی طور پر یہ واقعات سنے ہیں، جن میں ایک نوعمر لڑکی بھی شامل ہے۔ ان سب نے کرکٹر کی جانب سے جنسی زیادتی یا ناجائز حرکات کا الزام لگایا ہے۔‘
Guys! This incredibly concerning and disconcerting.
— T (@teecha_) June 26, 2025
کوئی گرفتاری یا ایف آئی آر تاحال نہیںوکیل نائجل ہیوز کا کہنا ہے کہ ابھی تک کسی بھی متاثرہ فریق کی جانب سے پولیس میں شکایت درج نہیں کرائی گئی۔ تاہم ان دنوں میں اس حوالے سے تحقیقات یا سوالات دوبارہ شروع ہونے کے اشارے ملے ہیں۔
تجزیہ کار فکرمند ہیں کہ اگر الزامات میں صداقت ہے تو یہ واقعہ ویسٹ انڈیز کرکٹ کے لیے ایک سنگین اخلاقی بحران بن سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جنسی زیادتی ویسٹ انڈیز کرکٹ ٹیمذریعہ: WE News
کلیدی لفظ: جنسی زیادتی ویسٹ انڈیز کرکٹ ٹیم ویسٹ انڈیز کرکٹ جنسی زیادتی اس معاملے کیا گیا
پڑھیں:
پیٹ کمنز کو نامناسب اشارہ کرنے پر ویسٹ انڈیز کے فاسٹ بولر کو جرمانہ
بارباڈوس: ویسٹ انڈیز کے فاسٹ بولر جیدن سیلز کو آسٹریلیا کے خلاف بارباڈوس ٹیسٹ کے پہلے دن آسٹریلوی کپتان پیٹ کمنز کو آؤٹ کرنے کے بعد غیر مناسب جشن منانے پر 15 فیصد میچ فیس کا جرمانہ اور ایک ڈی میرٹ پوائنٹ دیا گیا ہے۔
پیٹ کمنز 28 رنز بنا کر 18 گیندوں پر 55ویں اوور میں مڈ آف پر کیچ ہوئے جس کے بعد جیدن سیلز نے ان کی طرف دیکھتے ہوئے ڈریسنگ روم کی سمت اشارہ کیا جسے امپائرز نے نازیبا تصور کیا۔
آئی سی سی کے ضابطہ اخلاق کے آرٹیکل 2.5 کے مطابق کھلاڑی کسی بیٹر کو آؤٹ کرنے کے بعد ایسے الفاظ، حرکات یا اشارے نہیں کر سکتا جو توہین آمیز ہوں یا جارحانہ ردِعمل کو ابھارنے کا سبب بنیں۔
یہ جیدن سیلز کی دو سالہ مدت میں دوسری خلاف ورزی ہے اور اب ان کے کھاتے میں دو ڈی میرٹ پوائنٹس ہو چکے ہیں۔
میچ کے بعد گفتگو کرتے ہوئے سیلز نے کہا کہ اُن کے اس عمل کا کوئی خاص مطلب نہیں تھا، پیٹ کمنز نے انہیں کچھ اچھے شاٹس مارے تھے تو وہ صرف اُسے ڈریسنگ روم دکھا رہے تھے لیکن اس میں کچھ خاص بات نہیں تھی۔
جیدن سیلز نے آسٹریلیا کی پہلی اننگز میں 60 رنز دیکر 5 وکٹیں حاصل کیں۔ آسٹریلیا کو 180 رنز پر آؤٹ کرنے کے بعد ویسٹ انڈیز نے پہلے دن کا اختتام 57 رنز پر 4 کھلاڑی آؤٹ پر کیا۔ دوسرے دن ویسٹ انڈیز کی پوری ٹیم 190 رنز پر آؤٹ ہو گئی۔
یہ میچ کینسنگٹن اوول میں کھیلا جا رہا ہے، جہاں ٹی وی امپائر ایڈریان ہولڈ اسٹاک کے کئی فیصلے ویسٹ انڈیز کے خلاف گئے جس پر میزبان ٹیم نے تحفظات کا اظہار کیا ہے۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی