پاکستان کسٹمز انفورسمنٹ کی انسداد اسمگلنگ مہم کے تحت کارروائی
اشاعت کی تاریخ: 28th, June 2025 GMT
پاکستان کسٹمز انفورسمنٹ نے خفیہ اطلاع پر گلبہار میں قائم گودام پر چھاپہ مار کاروائی میں اسمگل شدہ اشیاء برآمد کرلیں۔
کارروائی میں گودام سے ڈیڑھ ٹن ایرانی خشک دودھ، 1 ہزار کلو چھالیہ، 800 کلو کپڑا، ٹائلز کے 200 باکس برآمد ہوئے۔
کسٹمز کے ترجمان عرفان علی کے مطابق برآمد ہونے والی اسمگل شدہ اشیاء کی مالیت 75 لاکھ روپے ہے۔
ترجمان کے مطابق مقدمہ درج کرکے اشیاء کو ضبط کرلیا گیا ہے۔ ضبط شدہ اشیاء کو اے ایس او کسٹمز کے گودام میں منتقل کردیا گیا ہے۔
.
ذریعہ: Express News
پڑھیں:
پولیس کی مبینہ سرپرستی میں اسمگل شدہ پیٹرول اور ڈیزل سرعام فروخت
سائٹ سپر ہائی وے میںغیر قانونی تیل فروخت کرنے والے عناصر سے 80 ہزار سے 1 لاکھ روپے ہفتہ وصول کیا جانے لگا
پولیس کا طے شدہ ہفتہ تمام ڈپو سے عمران نامی شخص وصول کرکے پہنچاتا ہے،علاقہ مکینوں کا پولیس اہلکاروں کیخلاف کارروائی کا مطالبہ
( رپورٹ: افتخار چوہدری )ضلع شرقی کے علاقے سائٹ سپر ہائی وے پولیس کی مبینہ سرپرستی میں اسمگل شدہ ایرانی ڈیزل غیرقانونی طریقے سے سرعام فروخت ہونے لگا، گنجان آباد علاقوں میں قائم ائل ڈپو بڑے حادثے کا سبب بن سکتے ہیں، پولیس کی جانب سے غیر قانونی تیل فروخت کرنے والے عناصر سے 80 ہزار سے 1 لاکھ روپے ہفتہ وصول کیا جانے لگا۔ روزنامہ جرآت کی رپورٹ کے مطابق سائٹ سپر ہائی وے پولیس اسٹیشن کی چوکی نیو سبزی منڈی پولیس چوکی کی حدود میں 7 مختلف مقامات پر ایرانی تیل کے غیرقانونی ڈپو قائم کئے گئے ہیں، ذرائع کے مطابق پولیس کا طے شدہ ہفتہ تمام ڈپو سے عمران نامی شخص وصول کرکے پولیس کو پہنچاتا ہے، ایرانی تیل سستا ملنے کے باعث تمام مال بردار اور مسافر گاڑیوں کے لیے ان ڈپو سے تیل خریداجاتا ہے، وزارت داخلہ کی پابندی کے باوجود ڈیزل اور پٹرول غیر محفوظ طریقے سے چھوٹی ٹینکیوں میں بھر کرشہر کے مختلف رہائشی علاقوں کی دوکانوں پر بوتلوں کے ذریعے فروخت کیا جا رہا ہے، جو کے انتہائی خطرناک عمل ہے، کھلے تیل کی وجہ سے متعدد بار شہر کے مختلف علاقوں میں بڑے پیمانے پر حادثات رونما ہوچکے ہیں، انتظامیہ کی غفلت کے باعث شہر کی گنجان آباد علاقوں میں ڈیزل اور پیٹرول فٹ پاتھ پر کھلے عام فروخت ہو رہا ہے، جبکہ ایرانی ڈیزل کی فروخت پر پابندی کے باوجود پولیس کاروائی کرنے کے بجائے ہفتہ مقرر کر کے حصہ وصول کر رہی ہے۔اس سے پہلے بھی ایرانی ڈیزل کی غیر قانونی فروخت کے الزام میں سائٹ سپر ہائی وے پولیس کی سبزی منڈی چوکی انچارج کو معطل کر دیا گیا تھا۔علاقہ مکینوں نے وزیر داخلہ سے ملوث پولیس اہلکاروں پر کاروأئی کا مطالبہ کیا ہے ۔
مصنوعی میٹھے سے یادداشت اور توجہ کو لاحق پوشیدہ خطرات