محسن نقوی کا نادرا میگا سینٹر کا اچانک دورہ، سہولیات پر اطمینان کا اظہار
اشاعت کی تاریخ: 28th, June 2025 GMT
وفاقی وزیر داخلہ محسن نقوی نے اسلام آباد کے تجارتی مرکز بلیو ایریا میں قائم نادرا 24/7 میگا سینٹر کا غیر اعلانیہ دورہ کیا، جہاں انہوں نے شہریوں کو فراہم کی جانے والی سہولیات کا تفصیلی جائزہ لیا۔ اس موقع پر وزیر داخلہ نے مختلف کاؤنٹرز اور ویٹنگ ایریاز کا معائنہ کیا اور وہاں موجود افراد سے براہ راست گفتگو کی۔
یہ بھی پڑھیں:
محسن نقوی نے شناختی کارڈز اور دیگر اہم دستاویزات کے حصول کے لیے آئے شہریوں کے مسائل سنے۔ بیشتر شہریوں نے نادرا کی سروسز پر اطمینان کا اظہار کیا اور کہا کہ اب انہیں طویل انتظار کا سامنا نہیں کرنا پڑتا، جبکہ عملے کا رویہ بھی خوش اخلاق اور معاون ہے۔ ایک شہری نے ریمارکس دیے کہ آپ کے آنے سے یہاں کے حالات بہتر ہوئے ہیں، عملہ تعاون کر رہا ہے۔
وفاقی وزیر داخلہ محسن نقوی کا نادرا میگا سنٹر بلیو ایریا کا اچانک دورہhttps://t.
— PTV News (@PTVNewsOfficial) June 28, 2025
وزیر داخلہ نے شہریوں کی مثبت رائے پر نادرا کے شفٹ انچارج اور عملے کی کارکردگی کو سراہا اور انہیں مزید بہتری کے لیے محنت جاری رکھنے کی ہدایت کی۔ انہوں نے چیئرمین نادرا لیفٹیننٹ جنرل محمد منیر افسر اور ان کی ٹیم کی کاوشوں کی بھی تعریف کی۔
مزید پڑھیں:
دورے کے دوران محسن نقوی نے نادرا میں نصب جدید خودکار مشین کا معائنہ بھی کیا اور شناختی کارڈ نمبر اور فنگر پرنٹس کے ذریعے نظام کی کارکردگی کا خود مشاہدہ کیا۔ انہوں نے اطمینان کا اظہار کرتے ہوئے کہا کہ یہ خوشی کی بات ہے کہ شہریوں کو یہاں بغیر انتظار کے سہولت میسر آ رہی ہے، جو ایک مثبت پیش رفت ہے۔
وزیر داخلہ نے موقع پر موجود افسران کو ہدایت کی کہ شناختی کارڈز سے متعلق شہریوں کے تمام مسائل فوری طور پر حل کیے جائیں۔ انہوں نے واضح کیا کہ حکومت شہریوں کی سہولت کے لیے ہر ممکن اقدامات کر رہی ہے اور یہ سلسلہ مستقبل میں بھی جاری رہے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام اباد بلیو ایریا تجارتی مرکز چیئرمین نادرا شناختی کارڈز محسن نقوی محمد منیر افسر وزیر داخلہذریعہ: WE News
کلیدی لفظ: اسلام اباد بلیو ایریا تجارتی مرکز چیئرمین نادرا شناختی کارڈز محسن نقوی محمد منیر افسر وزیر داخلہ وزیر داخلہ محسن نقوی انہوں نے کے لیے
پڑھیں:
غیر قانونی امیگریشن ہرگز برداشت نہیں کی جائے گی، وزیرداخلہ
ملک کی بدنامی کا باعث بننے والے کسی مسافر کو سفر کی اجازت ہرگز نہیں دی جائے گی
ایف آئی اے یا کسی بھی ادارے کے ملوث اہلکاروں کیخلاف سخت ایکشن لیا جائے گا
وفاقی وزیرداخلہ محسن نقوی کا کہنا ہے کہ غیر قانونی امیگریشن ہرگز برداشت نہیں کی جائے گی۔تفصیلات کے مطابق وفاقی وزیرداخلہ محسن نقوی نے لاہور ائیر پورٹ کا دورہ کیا جہاں وفاقی وزیر اوورسیز پاکستانیز چودھری سالک حسین بھی ان کے ہمراہ تھے، وفاقی وزیرداخلہ نے ائیر پورٹ پر امیگریشن پراسیس کا مشاہدہ کیا، انہوں نے امیگریشن کاؤنٹرز پر رش دیکھ کرناراضگی کا اظہار کیا اور امیگریشن پراسیس جلد نمٹانے کی ہدایت جاری کی۔بتایا گیا ہے کہ دونوں وزراء نے بیرون ممالک جانے والے مسافروں سے امیگریشن پراسیس سے متعلق گفتگو کی، اس دوران وفاقی وزیر سالک حسین نے سفری دستاویزات پر پروٹیکٹر سٹیکرز چیک کیے، وفاقی وزیر اوورسیز پاکستانی چودھری سالک حسین نے کہا کہ مسافروں کی متعلقہ ملازمت کی مستند دستاویزات کی تصدیق ہر صورت کی جائے۔ اس موقع پر وزیر داخلہ محسن نقوی نے کہا کہ ضروری دستاویزات کے بغیر کسی بھی مسافر کو سفر کی اجازت ہرگز نہ دی جائے، غیر قانونی امیگریشن ہرگز برداشت نہیں کی جائے گی، ملک کی بدنامی کا باعث بننے والے کسی مسافر کو سفر کی اجازت ہرگز نہیں دی جائے گی، ایف آئی اے یا کسی بھی ادارے کے ملوث اہلکاروں کے خلاف سخت ایکشن لیا جائے گا۔
PCB کا تین ملکی ٹورنامنٹ کے شیڈول میں ردوبدل کا اعلان