سری لنکا سے ٹیسٹ سیریز میں شکست پر بنگلا دیشی کپتان مستعفی
اشاعت کی تاریخ: 28th, June 2025 GMT
ڈھاکا: بنگلہ دیش کرکٹ ٹیم کے ٹیسٹ کپتان نجم الحسن شانتو نے سری لنکا کے خلاف ٹیسٹ سیریز میں شکست کے بعد ٹیسٹ فارمیٹ کی قیادت چھوڑنے کا اعلان کردیا۔
نجم الحسن شانتو نے یہ اعلان میچ کے بعد پریس کانفرنس میں کیا جہاں بنگلہ دیش کو اننگز اور 78 رنز سے شکست کا سامنا کرنا پڑا۔
نجم الحسن شانتو نے کہا کہ میں ٹیسٹ فارمیٹ میں مزید کپتانی جاری نہیں رکھنا چاہتا۔ یہ کوئی ذاتی فیصلہ نہیں بلکہ ٹیم کے مفاد میں ہے۔
انہوں نے مزید کہا کہ تین الگ الگ فارمیٹس میں تین کپتان رکھنا ٹیم کے لیے سودمند نہیں ہوگا، میں کچھ عرصے سے ڈریسنگ روم کا حصہ ہوں اور سمجھتا ہوں کہ تین فارمیٹس میں تین کپتان رکھنا سمجھداری نہیں، یہ فیصلہ میں نے کچھ دن پہلے بورڈ کو بتا دیا تھا۔
انہوں نے واضح کیا کہ ان کے فیصلے کے پیچھے کوئی جذباتی ردعمل یا ذاتی مایوسی نہیں، میں چاہتا ہوں کہ لوگ اسے جذباتی فیصلہ نہ سمجھیں۔ یہ مکمل طور پر ٹیم کے فائدے کے لیے کیا گیا ہے۔
نجم الحسن شانتو نے نومبر 2023 میں نیوزی لینڈ کے خلاف ہوم سیریز سے بنگلہ دیش کی ٹیسٹ قیادت سنبھالی تھی۔ ان کی قیادت میں ٹیم نے 14 ٹیسٹ میچز کھیلے جن میں سے 4 میں کامیابی حاصل کی، 9 میں شکست ہوئی، جب کہ ایک میچ ڈرا ہوا۔
ان کی کپتانی میں یادگار کامیابیاں اگست 2024 میں پاکستان کے خلاف دو مسلسل ٹیسٹ جیت کر حاصل کی گئیں۔ بیٹنگ کے میدان میں بھی شانتو کا ریکارڈ بہتر رہا، بطور کپتان ان کا بیٹنگ اوسط 36.
یاد رہے کہ رواں ماہ کے آغاز میں نجم الحسن شانتو کو ون ڈے ٹیم کی قیادت سے بھی ہٹا کر ان کی جگہ مہدی حسن کو کپتان مقرر کیا گیا تھا۔
Post Views: 6ذریعہ: Daily Mumtaz
کلیدی لفظ: نجم الحسن شانتو نے بنگلہ دیش ٹیم کے
پڑھیں:
بھارت نے سپر اوور میں سری لنکا کو شکست دے دی
بھارت اور سری لنکا کے درمیان کھیلے گئے ٹی ٹوئنٹی انٹرنیشنل میچ میں دونوں ٹیموں نے 202-202 رنز بنائے، جس کے نتیجے میں میچ برابر رہا۔ تاہم، سپر اوور میں بھارتی بولرز کی شاندار کارکردگی کی بدولت بھارت نے سری لنکا کو 5 رنز سے شکست دے دی۔بھارت نے ٹاس جیت کر پہلے بیٹنگ کا فیصلہ کیا اور مقررہ 20 اوورز میں 5 وکٹوں کے نقصان پر 202 رنز بنائے۔ ابھیشک شرما نے شاندار اننگز کھیلی، 8 چوکوں اور 2 چھکوں کی مدد سے 61 رنز کی ناقابل شکست اننگز کھیلی۔ شوبھمن گل نے صرف 4 رنز بنائے، جبکہ سوریا کمار یادیو 12 رنز پر آؤٹ ہوئے۔ مڈل آرڈر میں تلک ورما نے 49 رنز اور سنجو سیمسن نے 39 رنز کی عمدہ اننگز کھیلیں۔ ہر دیک پانڈیا 2 رنز بنا سکے، جبکہ اکسر پٹیل 21 رنز پر ناٹ آؤٹ رہے۔
سری لنکن بولنگ لائن نے اچھی کارکردگی دکھائی، جہاں مہیش تھکشے، آسیتھا مینڈس، وانندو ہسارنگا، داسن شیلکی اور چریتھ اسالانکا نے ایک ایک وکٹ حاصل کی۔
جواب میں سری لنکا کو جیت کے لیے 203 رنز کا ہدف دیا گیا، لیکن لنکن بلے بازوں نے بھی کمال کا مقابلہ کیا اور 20 اوورز میں 5 وکٹوں کے نقصان پر 202 رنز بنائے، جس سے میچ ٹائی ہو گیا۔ اوپنر پتھم نسانکا نے شاندار سنچری اسکور کی، 7 چوکوں اور 6 چھکوں کی مدد سے 107 رنز کی ناقابل شکست اننگز کھیلی۔ کپتان کشال مینڈس صفر پر آؤٹ ہوئے، جبکہ کمینڈو پریرا نے 58 رنز بنائے۔ چریتھ اسالانکا 5 اور کامینڈو مینڈس 3 رنز بنا سکے۔
بھارتی بولنگ میں ہر دیک پانڈیا، ارش دیپ سنگھ، ہرشیت رنا، کلدیپ یادو اور ورون چکرورتی نے ایک ایک وکٹ حاصل کی۔
سپر اوور میں بھارت نے پہلے بیٹنگ کی اور ایک چھکا لگا کر 8 رنز بنائے۔ سری لنکا کی جانب سے ہدف کا تعاقب کرتے ہوئے صرف 3 رنز بن سکےاس فتح سے بھارت نے سیریز میں برتری حاصل کر لی ہے۔
Post Views: 1
ڈیپ سیک کا سیاست سے دور رہ کر کام کرنے والا ورژن متعارف