ایوان کا نظم و ضبط مقدم ہے، اسپیکر پنجاب اسمبلی کی دوٹوک رولنگ جاری
اشاعت کی تاریخ: 28th, June 2025 GMT
اسپیکر پنجاب اسمبلی ملک محمد احمد خان نے ایوان کے حالیہ بجٹ اجلاس میں اپوزیشن کی جانب سے ہنگامہ آرائی، نعرے بازی، دستاویزات پھاڑنے، اور مائیک توڑنے کے واقعات پر دوٹوک اور مفصل رولنگ جاری کرتے ہوئے کہا ہے کہ ایوان کو یرغمال بنانے کی اجازت ہرگز نہیں دی جائے گی۔
یہ بھی پڑھیں:اسپیکر پنجاب اسمبلی کا پی ٹی آئی کے معطل کیے گئے 26 ارکان کیخلاف ریفرنس الیکشن کمیشن کو بھیجنے کا اعلان
اسپیکر نے کہا کہ احتجاج ہر رکن کا آئینی حق ہے، تاہم یہ ایوان کے تقدس اور قواعد و ضوابط کے تابع ہونا چاہیے۔
انہوں نے رولز 210 اور 223 کے تحت ایسے غیر پارلیمانی اور پرتشدد طرز عمل کے خلاف کارروائی کا عندیہ دیتے ہوئے واضح کیا کہ جو رکن ایوان کے نظم و ضبط کو برباد کرے گا، اُس کے خلاف کارروائی کی جائے گی۔
اسپیکر نے کہا کہ ایوان میں آزادی اظہار مشروط ہے، آئین کے آرٹیکل 19 اور اسمبلی قواعد کے تحت اس کی حدود متعین ہیں۔ انہوں نے افسوس کا اظہار کرتے ہوئے کہا کہ اپوزیشن کو کھلی آزادی دی گئی، لیکن برداشت کا ناجائز فائدہ اٹھایا گیا۔
بجٹ اجلاس میں ہونے والے مالی نقصان کا تخمینہ 30 لاکھ روپے لگایا گیا ہے، اور متعلقہ ارکان سے ریکوری کا عندیہ بھی دیا گیا ہے۔
اسپیکر نے کہا کہ ایوان میں ایک رکن نے وزیر خزانہ کی جانب بجٹ بک پھینکی، جس پر ویڈیو شواہد کی روشنی میں کارروائی کی جائے گی۔
یہ بھی پڑھیں:مریم نواز کیخلاف احتجاج پر اپوزیشن کے 26 ارکان 15 اجلاس کے لیے معطل
انہوں نے کہا کہ فرانس، نیوزی لینڈ جیسے جمہوری ممالک میں بھی ایسی حرکات پر فوری کارروائی کی جاتی ہے، اور ایوان کی عزت و حرمت سب پر مقدم ہے۔
اسپیکر نے آئندہ ہر غیر آئینی حرکت پر سخت قدم اٹھانے کا اعلان بھی کیا۔
اس رولنگ کے مطابق تمام ارکان پر قانون یکساں لاگو ہو گا اور کسی سیاسی وابستگی کی بنیاد پر کوئی امتیاز نہیں برتا جائے گا۔
اسپیکر نے کہا کہ اظہار رائے کی آزادی دیگر بنیادی حقوق سے بالاتر نہیں ہے اور فیض آباد دھرنا کیس سمیت دیگر عدالتی نظائر کی روشنی میں غیر قانونی احتجاج ناقابل برداشت ہے۔
انہوں نے کہا کہ کوئی رکن دوسرے کے بولنے کے حق پر حملہ نہیں کر سکتا، ایوان کے نظم کا تحفظ ہر صورت لازم ہے۔
اسپیکر نے کہا کہ قوانین پر عملدرآمد ہی جمہوریت کی بنیاد ہے، اور ایوان کو ہنگامہ گاہ بنانا عوام کے اعتماد سے غداری کے مترادف ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپیکر پنجاب اسمبلی اسپیکر رولنگ جمہوریت.
ذریعہ
ذریعہ: WE News
کلیدی لفظ: اسپیکر پنجاب اسمبلی اسپیکر رولنگ جمہوریت اسپیکر پنجاب اسمبلی اسپیکر نے کہا کہ انہوں نے ایوان کے
پڑھیں:
شنگھائی تعاون تنظیم میں ایران کا دوٹوک مؤقف، یکطرفہ طاقت کے استعمال پر سخت تنقید کردی
چولپون آتا (کرغزستان): ایران نے شنگھائی تعاون تنظیم کے وزرائے خارجہ اجلاس میں یکطرفہ پالیسیوں، بین الاقوامی معاہدوں کی خلاف ورزی اور طاقت کے غیر قانونی استعمال پر تشویش کا اظہار کرتے ہوئے کثیرالجہتی تعاون کو موجودہ عالمی حالات میں ناگزیر قرار دیا ہے۔
ایرانی وزارت خارجہ کے ترجمان اسماعیل بقائی نے کرغزستان کے سیاحتی شہر چولپون آتا میں جاری اجلاس کے موقع پر سوشل میڈیا پلیٹ فارم ایکس پر اپنے بیان میں کہا کہ ایران شنگھائی تعاون تنظیم اور اس جیسے دیگر کثیرالجہتی فورمز کو انتہائی اہمیت دیتا ہے۔
انہوں نے کہا کہ دنیا میں بڑھتی ہوئی یکطرفہ پالیسیاں، ریاستوں کے درمیان طے پانے والے معاہدوں کی خلاف ورزیاں اور طاقت کا غیر قانونی استعمال بین الاقوامی قانون، اقوام متحدہ کے منشور اور عالمی قانونی نظام کی بنیادوں کو کمزور کر رہے ہیں۔
اگرچہ اسماعیل بقائی نے کسی ملک کا نام نہیں لیا، تاہم انہوں نے ماضی میں بھی اسی نوعیت کے بیانات میں امریکا کی خارجہ پالیسی اور اس کے اقدامات پر تنقید کی ہے۔
ایران 2023 میں شنگھائی تعاون تنظیم کا باقاعدہ رکن بنا تھا۔ یہ تنظیم چین اور روس کی قیادت میں قائم ایک اہم یوریشیائی سیاسی، اقتصادی اور سکیورٹی فورم ہے، جس میں پاکستان، بھارت، ایران اور دیگر رکن ممالک شامل ہیں۔
وزرائے خارجہ کا یہ اجلاس تنظیم کے آئندہ سربراہی اجلاس کی تیاریوں کا حصہ ہے۔ توقع کی جا رہی ہے کہ آئندہ سربراہ اجلاس میں علاقائی سلامتی، تجارتی روابط، اقتصادی تعاون اور رکن ممالک کے درمیان شراکت داری کے فروغ جیسے اہم موضوعات پر غور کیا جائے گا۔
We are in Cholpon-Ata, Kyrgyzstan, to participate in the meeting of the Council of Foreign Ministers of the Shanghai Cooperation Organization (SCO) Member States.
Iran attaches great importance to the SCO and similar multilateral arrangement, which represent a vital force for… pic.twitter.com/CCGd7mxcL8
تجزیہ کاروں کے مطابق موجودہ عالمی کشیدگی کے تناظر میں شنگھائی تعاون تنظیم کے پلیٹ فارم پر ہونے والی یہ ملاقاتیں خطے میں سفارتی تعاون اور مشترکہ حکمت عملی کے لیے اہم سمجھی جا رہی ہیں۔
پاکستان نے ورلڈ کپ 2028 کیلیے براہ راست کوالیفائی کر لیا