قومی اسمبلی میں اچکزئی کی جانب سے اسپیکر پر حملے کی منصوبہ بندی کا انکشاف
اشاعت کی تاریخ: 11th, November 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد:۔ قومی اسمبلی میں نامزد اپوزیشن لیڈر محمود خان اچکزئی کی جانب سے اسپیکر قومی اسمبلی سردار ایاز صادق پر حملے کی منصوبہ بندی کا انکشاف ہوا ہے۔
ذرائع کے مطابق قومی اسمبلی میں آج ایک متنازع واقعہ پیش آیا جب اپوزیشن رکن محمود خان اچکزئی نے اسپیکر سردار ایاز صادق کو دوران اجلاس زبردستی کرسی سے اتارنے کا مطالبہ کیا۔
ذرائع کے مطابق اچکزئی نے اپوزیشن لابی میں کہا کہ اگر ہمیں اپنا حق لینا ہے تو یہ سب کرنا پڑے گا۔ اس منصوبے کی سخت مخالفت کئی اہم رہنماو ¿ں نے کی جن میں بیرسٹر گوہر، علی محمد خان، عامر ڈوگر شامل ہیں۔
ارکان کا کہنا تھا کہ اسپیکر کی کرسی پر حملہ پارلیمان اور جمہوریت پر حملہ ہوگا اور اس سے خود اپوزیشن کے لیے پارلیمنٹ کے دروازے بند ہو جائیں گے۔ مخالفت کے بعد محمود خان اچکزئی خاموش ہوگئے۔
اس موقع پر اسپیکر قومی اسمبلی سردار ایاز صادق نے اس واقعہ پر ردعمل دیتے ہوئے کہا یہ اوچھی حرکتیں کرکے اپنا اصل چہرہ دکھا رہے ہیں۔ میں نے ہمیشہ جمہوری انداز میں ایوان کو چلایا اور آئین و قانون کی پاسداری کی ہے۔ ایسی کسی بھی حرکت کا بھرپور جواب دیا جائے گا۔
اسپیکر ایاز صادق نے یہ بھی استفسار کیا کہ اگر اچکزئی کو اپوزیشن لیڈر نہیں بنایا گیا تو کیا وہ یہ سب کریں گے؟ یہ واقعہ قومی اسمبلی میں جاری کشیدگی اور اپوزیشن حکومت تعلقات میں بڑھتی ہوئی تناو ¿ کی واضح عکاسی کرتا ہے۔
ذریعہ: Jasarat News
کلیدی لفظ: قومی اسمبلی میں ایاز صادق
پڑھیں:
چوہدری بلال فاروق تارڑ ضمنی انتخاب میں بلا مقابلہ رکن قومی اسمبلی منتخب، سعودی عرب میں مقیم پاکستانیوں کی جانب سے مبارکبادوں کا سلسلہ
چوہدری بلال فاروق تارڑ ضمنی انتخاب میں بلا مقابلہ رکن قومی اسمبلی منتخب، سعودی عرب میں مقیم پاکستانیوں کی جانب سے مبارکبادوں کا سلسلہ WhatsAppFacebookTwitter 0 10 November, 2025 سب نیوز
جدہ (خالد نواز چیمہ سے) — ضلع گوجرانوالہ کے حلقہ این اے-66 وزیرآباد سے وفاقی وزیر اطلاعات و نشریات چوہدری عطا اللہ تارڑ کے بھائی اور پاکستان مسلم لیگ (ن) کے نامزد امیدوار چوہدری بلال فاروق تارڑ بلا مقابلہ رکن قومی اسمبلی منتخب ہو گئے ہیں۔ ان کی کامیابی پر سعودی عرب میں مقیم پاکستانی کمیونٹی کی جانب سے مبارکبادوں کا تانتا بندھ گیا ہے۔
سعودی عرب میں مقیم ممتاز اوورسیز پاکستانی رہنماؤں، بزنس کمیونٹی اور مسلم لیگ (ن) کے عہدیداران نے ٹیلی فون کے ذریعے چوہدری بلال فاروق تارڑ سے رابطہ کر کے انہیں بلا مقابلہ کامیابی پر دل کی گہرائیوں سے مبارکباد پیش کی۔
مبارکباد پیش کرنے والوں میں اوورسیز پاکستانیز گلوبل فاؤنڈیشن سعودی عرب کے صدر خالد نواز چیمہ جٹ، جٹ انٹرنیشنل کے نوید چیمہ، پاکستان بزنس فورم سعودی عرب کے چیئرمین چوہدری محمد افضل جٹ، اور مسلم لیگ (ن) سعودی عرب کے چیئرمین چوہدری محمد اکرم گجر کے علاوہ دیگر درجنوں سماجی و کاروباری شخصیات شامل تھیں۔
مبارک باد پیش کرنے والوں نے چوہدری بلال فاروق تارڑ کو ایک نوجوان، تعلیم یافتہ اور وژن رکھنے والا سیاسی رہنما قرار دیتے ہوئے کہا کہ ان کی کامیابی ضلع وزیرآباد کے عوام کے لیے نیک شگون ثابت ہوگی۔ انہوں نے امید ظاہر کی کہ چوہدری بلال فاروق تارڑ عوامی مسائل کے حل، ترقیاتی منصوبوں کے آغاز اور علاقے کے تعلیمی و معاشی استحکام کے لیے بھرپور کردار ادا کریں گے۔
خالد نواز چیمہ نے کہا کہ مسلم لیگ (ن) کی قیادت نوجوانوں کو سیاسی قیادت میں آگے لا رہی ہے، اور چوہدری بلال فاروق تارڑ اسی وژن کی ایک روشن مثال ہیں۔ انہوں نے کہا کہ ہمیں یقین ہے کہ وہ قومی اسمبلی میں اوورسیز پاکستانیوں کے مسائل اور ان کے حقوق کے تحفظ کے لیے مؤثر آواز اٹھائیں گے۔
چوہدری محمد افضل جٹ نے اپنے پیغام میں کہا کہ بلال فاروق تارڑ کی کامیابی وزیرآباد کے عوام کے اعتماد کی علامت ہے، جبکہ چوہدری محمد اکرم گجر نے کہا کہ ان کی کامیابی مسلم لیگ (ن) کی عوامی مقبولیت کا ثبوت ہے۔
نوید چیمہ نے اس موقع پر کہا کہ بلال فاروق تارڑ جیسے متحرک رہنما ملک کے سیاسی و ترقیاتی منظرنامے میں مثبت تبدیلی لانے کی صلاحیت رکھتے ہیں۔
سعودی عرب میں مقیم پاکستانی کمیونٹی نے متفقہ طور پر اس امید کا اظہار کیا کہ چوہدری بلال فاروق تارڑ وزیرآباد کو ایک مثالی ضلع بنائیں گے اور علاقے کی ترقی کے لیے عملی اقدامات اٹھائیں گے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبراسلام آباد ہائی کورٹ میں آئینی عدالت کی ممکنہ تشکیل کے لیے تیاریاں تیز کیش لیس معیشت سے گورننس میں بہتری اور کرپشن میں کمی آئے گی، وزیراعظم نمبرز پورے ہوگئے ہیں، اب ایمل ولی کیا کریں گے؟خاتون صحافی کے سوال پر اعظم نذیر تارڑ نے کیا جواب دیا؟ بین الپارلیمانی سپیکرز کانفرنس میں شرکت کیلئے غیر ملکی وفود اسلام آباد پہنچ گئے ستائیسویں آئینی ترمیم پر سینیئرز وکلا اور ریٹائرڈ ججز کا چیف جسٹس پاکستان کو خط، اہم مطالبہ کر دیا ’ہم تو ویسے بھی بیچارے ایسے ہی ہیں یہاں‘، آئینی عدالت سے متعلق جسٹس منصور علی شاہ کے دلچسپ ریمارکس ستائیسویں ترمیم پاس ہوگئی، 28 ویں ترمیم کی تیاری کریں، فیصل واوڈاCopyright © 2025, All Rights Reserved
رابطہ کریں ہماری ٹیم
میڈی کیم ٹرافی انڈر-19 انٹر زونل کرکٹ ٹورنامنٹ کا فائنل آج ہوگا