شفالی کی موت مشتبہ قرار، تفتیش کا آغاز، لاش پوسٹ مارٹم کیلئے بھیج دی گئی
اشاعت کی تاریخ: 28th, June 2025 GMT
اپنے کیریئر کے آغاز میں ہی بالی ووڈ ری مکس ’کانٹا لگا‘ سے شہرت کی بلندیوں کو چھونے والی ماڈل شفالی جری والا کی اچانک موت نے سب کو صدمے و تشویش میں مبتلا کر دیا۔
بھارتی میڈیا رپورٹس کے مطابق ممبئی پولیس کا کہنا ہے کہ ماڈل و اداکارہ کی لاش کو پوسٹ مارٹم کے لیے بھیج دیا ہے جبکہ فرانزک ٹیم ان کی رہائش گاہ کی تلاشی لے رہی ہے۔
ابتدائی طور پر کہا جا رہا تھا کہ اداکارہ کی موت حرکت قلب بند ہونے سے ہوئی تاہم مختلف ذرائع کا یہ بھی کہنا ہے کہ ممبئی پولیس اداکارہ کی موت کو مشتبہ قرار دے رہی ہے۔
پولیس کے مطابق انہوں نے ابتدائی تحقیقات کا آغاز کر دیا، اس سلسلے میں اداکارہ کے گھر کی تلاشی، باورچی اور گھریلو ملازمہ سے تفتیش کی جا رہی ہے تاکہ ان کی موت کی اصل وجہ معلوم ہوسکے۔
واضح رہے کہ شفالی جری والا گزشتہ روز 42 برس کی عمر میں چل بسیں۔
کانٹا لگا گرل کے نام سے مشہور اداکارہ نے سلمان خان کی ہٹ فلم ’مجھ سے شادی کروگی‘ میں مختصر کردار ادا کیا تھا، بعدازاں وہ مختلف ریئلٹی شوز میں نظر آئیں جن میں بگ باس 13 اور نچ بلیے شامل ہے۔
نچ بلیے میں انہوں نے اپنے شوہر اداکار پراگ تیاغی کے ہمراہ شرکت کرکے مقبولیت حاصل کی جبکہ بگ باس سیزن 13 میں شفالی اور سدھارتھ شکلا ایک دوسرے کے مدمقابل دکھائی دیے۔
Post Views: 6.ذریعہ: Daily Mumtaz
کلیدی لفظ: کی موت
پڑھیں:
چین کی ایک اور کامیابی، کیریئر راکٹ کامیابی سے خلا میں بھیج دیا
چین نے لیجیان-1 وائی 9 کیریئر راکٹ کامیابی سے خلائی مدار میں لانچ کر دیا ہے۔
چین کے سرکاری خبر رساں ادارے شِنہوا کے مطابق چین نے اپنے خلائی پروگرام میں ایک اور اہم پیشرفت کرتے ہوئے اتوار کے روز لیجیان-1 وائی 9 کیریئر راکٹ کامیابی سے لانچ کیا۔
یہ بھی پڑھیں: چینی خلابازوں کی واپسی مؤخر، خلائی ملبے کے ممکنہ ٹکراؤ کا شبہ
یہ راکٹ شمال مغربی چین کے جیوکوان سیٹلائٹ لانچ سینٹر کے قریب ڈونگ فینگ کمرشل اسپیس انوویشن پائلٹ زون سے بیجنگ کے مقامی وقت کے مطابق صبح 11 بج کر 32 منٹ پر روانہ ہوا۔
لیجیان-1 وائی 9 راکٹ 2 ٹیکنیکل تجرباتی سیٹلائٹس لے کر خلا میں بھیجا گیا تھا، جنہیں اس نے کامیابی کے ساتھ اپنے مقررہ مدار میں پہنچا دیا۔ یہ لانچ چین کے بڑھتے ہوئے تجارتی خلائی پروگرام کا حصہ ہے، جس کا مقصد ملک میں تیار کردہ جدید راکٹ ٹیکنالوجی کے ذریعے خلا میں سیٹلائٹس بھیجنے کے اخراجات کم کرنا اور مقامی سطح پر خلائی صنعت کو فروغ دینا ہے۔
یہ مشن مکمل طور پر کامیاب رہا اور اس نے چین کی نجی خلائی کمپنیوں کی بڑھتی ہوئی صلاحیتوں کو بھی نمایاں کیا۔ ڈونگ فینگ کمرشل اسپیس انوویشن زون سے کیا گیا یہ لانچ اس بات کی علامت ہے کہ چین سرکاری اداروں کے ساتھ ساتھ نجی شعبے کو بھی خلائی دوڑ میں شراکت دار بنا رہا ہے۔
یہ بھی پڑھیں: چین کی خلائی کامیابی، تجارتی راکٹ کامیابی سے مدار میں پہنچا دیا
تصاویر میں دیکھا گیا کہ لیجیان-1 وائی 9 راکٹ دھوئیں کے بادلوں میں لپٹا آسمان کی جانب بلند ہوا اور چند منٹ بعد دو تجرباتی سیٹلائٹس کو کامیابی سے مدار میں چھوڑ دیا۔ یہ سیٹلائٹس مختلف سائنسی اور تکنیکی تجربات کے لیے استعمال کیے جائیں گے جو مستقبل میں چین کے خلائی مشنوں کے لیے راہ ہموار کریں گے۔
یہ لانچ چین کے لیے ایک اور سنگِ میل ثابت ہوا ہے، جو گزشتہ چند برسوں میں دنیا کے سب سے متحرک خلائی ممالک میں شمار ہونے لگا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news چین خلا ڈونگ فینگ کمرشل اسپیس انوویشن زون راکٹ لیجیان-1 وائی 9
اسد قیصر، شبلی فراز، عمر ایوب سمیت پی ٹی آئی رہنماﺅں کے وارنٹ گرفتاری