کیا صدر ٹرمپ کا بیٹا صدارتی انتخابات لڑسکتا ہے؟ ایرک ٹرمپ نے بتا دیا
اشاعت کی تاریخ: 28th, June 2025 GMT
امریکی صدر ڈونلڈ ٹرمپ کے بیٹے ایرک ٹرمپ نے عندیہ دیا ہے کہ ان کے والد کی دوسری مدتِ صدارت ختم ہونے پر وہ یا خاندان کے دیگر افراد صدر منتخب ہونے کے لیے میدان میں آسکتے ہیں۔
ایرک ٹرمپ، جو ٹرمپ آرگنائزیشن کے شریک ایگزیکٹو نائب صدر بھی ہیں، نے کہا کہ اگر وہ امریکا کے صدر بننے کا فیصلہ کریں تو ‘راستہ آسان’ ہے۔
یہ بھی پڑھیے: صدر ٹرمپ کی کمپنی کا سونے کا موبائل فون لانچ کرنے کا اعلان، منصوبے پر تحفظات کیا ہیں؟
ایک انٹرویو میں انہوں نے کہا کہ اصل سوال یہ ہے کیا آپ چاہتے ہیں کہ آپ کے خاندان کے دیگر ارکان بھی اس میں شامل ہوں؟ اگر جواب ہاں ہوتا، تو میرا خیال ہے کہ سیاسی راستہ آسان ہوتا، یعنی، میں یہ کر سکتا ہوں اور ہمارے خاندان کے دیگر ارکان بھی یہ کر سکتے ہیں۔
ایرک ٹرمپ نے زیادہ تر سیاست سے دور رہ کر خاندان کے کاروبار پر توجہ دی ہے تاہم انہوں نے ماضی میں کہا ہے کہ وہ ‘نصف سیاستدانوں سے بالکل متاثر نہیں’ ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.ذریعہ: WE News
کلیدی لفظ: ایرک ٹرمپ خاندان کے
پڑھیں:
نواز شریف کی زیرِ صدارت مری میں خصوصی اجلاس
پاکستان مسلم لیگ ن کے صدر میاں محمد نواز شریف کی زیرِ صدارت مری میں خصوصی اجلاس ہوا جس میں ضمنی انتخابات کے بارے میں تبادلہ خیال کیا گیا۔
مری میں ہوئے اجلاس میں وزیراعظم شہباز شریف، نائب وزیر اعظم اسحاق ڈار اور وزیراعلیٰ پنجاب مریم نواز بھی شریک ہوئیں۔
اجلاس میں سینیٹر پرویز رشید، احسن اقبال، خواجہ آصف، خواجہ سعد رفیق، رانا ثناء اللّٰہ، اعظم نذیر تارڑ، امیر مقام، مرتضیٰ جاوید عباسی، کیپٹن ریٹائرڈ محمد صفدر، انوشے رحمان، ڈاکٹر توقیر شاہ، راشد نصراللّٰہ اور دیگر رہنما بھی شرکاء میں شامل تھے۔
ن لیگی رہنماؤں کے درمیان ہوئی ملاقات میں ضمنی انتخابات میں ٹکٹوں کی تقسیم سے متعلق مشاورت کی گئی۔
واضح رہے کہ قومی اسمبلی کے 7 حلقوں ،پنجاب اسمبلی کی 5 اور سینیٹ کی دو نشستوں پر ضمنی انتخاب ہونا ہیں۔
کیا آپ بھی سوشل میڈیا پر بغیر تصدیق کے پوسٹ شیئر کرتے ہیں؟ امام کعبہ نے خبردار کر دیا