پنجاب میں موسلادھار بارش اور آندھی سے حادثات، 12 افراد جاں بحق
اشاعت کی تاریخ: 28th, June 2025 GMT
پنجاب بھر میں موسلادھار بارش اور آندھی کے باعث مختلف حادثات رونما ہوئے، جن میں کئی افراد جاں بحق اور متعدد زخمی ہوگئے۔ پی ڈی ایم اے کے مطابق، زیادہ تر اموات چھتوں اور دیواروں کے گرنے کے سبب ہوئیں۔
لاہور سمیت پنجاب کے مختلف علاقوں میں موسلادھار بارش اور آندھی کے باعث مختلف حادثات میں 7 بچوں سمیت 12 افراد جاں بحق اور 39 زخمی ہوگئے ہیں۔
پنجاب ڈیزاسٹر مینجمنٹ اتھارٹی (پی ڈی ایم اے) نے 25 سے 27 جون تک بارشوں کے دوران 25 حادثات کی رپورٹ جاری کی ہے، جس میں چھتیں اور دیواریں گرنے کی وجہ سے زیادہ اموات ہوئیں۔
پی ڈی ایم اے کے ترجمان کے مطابق موسمی شدت کے باعث ہونے والے ان حادثات میں سب سے زیادہ نقصان چھتوں اور دیواروں کے گرنے سے ہوا، جس سے متعدد افراد جان کی بازی ہار گئے۔
وزیراعلیٰ پنجاب کی ہدایت پر جاں بحق افراد کے اہلخانہ کو مالی معاونت فراہم کی جائے گی۔
حکام نے شہریوں سے اپیل کی ہے کہ وہ خراب موسم میں سفر سے گریز کریں اور محفوظ مقام پر رہ کر اپنی حفاظت کو یقینی بنائیں۔
ذریعہ: Daily Mumtaz
پڑھیں:
مختلف شہروں میں موسلادھار بارش، مزید بادل برسنے کی پیشگوئی، الرٹ جاری
لاہور ( اُردو پوائنٹ اخبارتازہ ترین۔ 26 جون 2025ء ) اسلام آباد اور صوبہ پنجاب کے دارالحکومت لاہور سمیت مختلف شہروں میں موسلادھار بارش سے موسم خوشگوار ہوگیا۔ تفصیلات کے مطابق اسلام آباد، راولپنڈی میں شدید بارش ہوئی، گوجرانوالہ، گجرات، سیالکوٹ، میانوالی، فیصل آباد، سانگلہ ہل، پاکپتن، ٹوبہ ٹیک سنگھ، حجرہ شاہ مقیم، خوشاب، جوہرآباد اور گردونواح میں بھی بارش سے موسم خوشگوار ہوگیا، تاہم بارش کے باعث نشیبی علاقے زیرآب آگئے۔ بتایا گیا ہے کہ مری اور آزاد کشمیر میں بھی بادل برسے، مالم جبہ، کالام اور دیگر شہروں میں بارش ہوئی، ایبٹ آباد میں بارش کے باعث ندی دوڑ میں طغیانی آگئی، بالائی علاقوں میں لینڈ سلائیڈنگ سے مرکزی شاہراہ بند ہوگئی، متعدد سیاح پھنس گئے۔(جاری ہے)
ادھر محکمہ موسمیات نے اسلام آباد سمیت ملک کے مختلف حصوں میں مزید بارشوں کی پیشگوئی کی ہے، آج اسلام آباد، کشمیر، خیبرپختونخواہ، بالائی اور وسطی پنجاب میں اکثرمقامات پر تیز ہواؤں اور گرج چمک کے ساتھ بارش اور چند مقا مات پر شدید موسلادھار بارش کا امکان ہے، جنوبی پنجاب، جنوب مشرقی سندھ اور شمال مشرقی و جنوبی بلوچستان میں تیز ہواؤں اور گرج چمک کے ساتھ چند مقاما ت پر بارش کی توقع ہے۔
ڈی جی پی ڈی ایم اے عرفان علی نے صوبہ بھر کے ڈپٹی کمشنرز کو الرٹ رہنے کی ہدایت کی ہے، انہوں نے کہا ہے کہ پنجاب کے مختلف اضلاع میں بارشیں ہوں گی، لاہور، فیصل آباد اور راولپنڈی سمیت پنجاب کے مختلف اضلاع میں بارش ہوگی، ہنگامی صورتحال سے نمٹنے کے لیے متعلقہ محکمے تیار رہیں، صوبائی کنٹرول روم، ڈسٹرکٹ ایمرجنسی آپریشن سنٹرز کو بھی الرٹ کر دیا گیا ہے۔ ڈی جی کا کہنا ہے کہ پی ڈی ایم اے کنٹرول روم میں صورتحال کی مانیٹرنگ جاری ہے، 1122 سمیت دیگر ریسکیو ادارے مشینری سمیت عملے کو الرٹ رکھیں اور نشیبی علاقوں سے پانی کی نکاسی کو جلد از جلد ممکن بنائیں، بارشوں کا یہ سپیل یکم جولائی تک جاری رہنے کی پیشگوئی ہے، شہری احتیاط کریں، بجلی کے کھمبوں اور لٹکتی تاروں سے دور رہیں، شہر ی کچے مکانات اور بوسیدہ عمارتوں سے دور رہیں، بچوں کونشیبی علاقوں میں جمع پانی کے قریب نہ جانے دیں، شہری مدد کیلئے پی ڈی ایم اے کی ہیلپ لائن 1129 پر کال کر سکتے ہیں۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی