پنجاب بھر میں بارش اور آندھی سے 8 افراد جاں بحق، 27 زخمی
اشاعت کی تاریخ: 29th, June 2025 GMT
سٹی 42: پنجاب بھر میں ہونے والی شدید بارشوں اور آندھیوں کے باعث 8 افراد جاں بحق اور 27 زخمی ہو گئے۔
ریسکیو 1122 کے ترجمان کے مطابق گوجرانوالہ، پھمے سوراں، نوشہرہ ورکاں میں آسمانی بجلی گرنے سے ایک شخص جاں بحق ہوا جبکہ بالے والی گاؤں نندی پور میں کرنٹ لگنے سے ایک اور شخص کی موت ہوئی۔
شیخوپورہ کے خان پور گاؤں میں دیوار گرنے سے 2 افراد جاں بحق ہوئے، لاہور میں بھی بارش کے باعث مختلف حادثات پیش آئے اور داروغہ والا میں گھر کی چھت گرنے سے 2 افراد جاں بحق ہوئے جبکہ ایک شخص زخمی ہوا۔
انڈیا کی فلم لاہور میں چل گئی کیونکہ یہ فلم پنجابی زبان کی ہے۔
اس کے علاوہ لاہور میں دیوار گرنے کے 2 مختلف واقعات میں 2 افراد جاں بحق اور 3 زخمی ہوئے، ریسکیو 1122 کے مطابق ان حادثات میں زخمیوں کو فوری طور پر ہسپتال منتقل کیا گیا جبکہ جاں بحق افراد کی لاشوں کو قانونی کارروائی کے بعد ان کے ورثاء کے حوالے کر دیا گیا۔
ترجمان کے مطابق 26 جون سے اب تک بارش اور آندھی سے متعلقہ ایمرجنسیز میں 94 افراد زخمی اور 24 افراد جاں بحق ہو چکے ہیں، ترجمان نے عوام سے اپیل کی ہے کہ وہ ایسی صورتحال میں محفوظ مقامات پر رہیں اور ہنگامی صورتحال میں ریسکیو 1122 کو فوری اطلاع دیں۔
قوتِ خرید 58 فیصد کم ہوگئی، سابق بینکر شبلی فراز کی سینئیربینکر وزیرخزانہ پر تنقید
.
ذریعہ
ذریعہ: City 42
کلیدی لفظ: افراد جاں بحق
پڑھیں:
کراچی میں گیس سلینڈر دھماکے سے تباہی، 1 جاں بحق
شہر قائد کے علاقے صفورا چورنگی سندھ گرین ہوٹل واٹر ہائیڈرنٹ کے قریب واقع ٹائر پنکچر اورگیس ویلڈنگ کی مشترکہ دکان میں دھماکے کے نتیجے میں ایک شخص جاں بحق اور5 افراد زخمی ہو گئے۔
تفصیلات کے مطابق ملیر کینٹ تھانے کے علاقے صفورا چورنگی سندھ گرین ہوٹل واٹرہائیڈرنٹ کے قریب واقع ٹائر پنکچر اورگیس ویلڈنگ کی مشترکہ دکان میں دھماکےمیں 6 افراد جھلس کر زخمی ہو گئے جنہیں فوری طور پرجناح اسپتال منتقل کیا گیا۔
اسپتال منتقلی کے بعد جھلس کر زخمی ہونے والا ایک شخص دوران علاج دم توڑ گیا، جس کی شناخت 35 سالہ وقاص کے نام سے ہوئی۔
حادثے میں زخمی ہونے والے دیگر افراد میں 10 سالہ سکندر، 40 سالہ اویس اور 30 سالہ عبدالحنان اورعابد شامل ہیں جبکہ ایک زخمی کی شناخت تاحال نہیں ہوسکی۔
ایس ایچ او ملیر کینٹ آغا عبدالرشید کے مطابق دھماکے میں جاں بحق ہونے والا وقاص پنکچرکی دکان کا مالک تھا۔ انہوں نے مزید بتایا کہ پنکچر کی دکان سے متصل گاڑیوں کے سینسر گیس ویلڈنگ کے ذریعے مرمت کاکام بھی ہوتا تھا جہاں ایک چھوٹا سلنڈر موجود تھا جوروز داردھماکے سے پھٹ گیا جس کے نتیجے میں ایک شخص جاں بحق اور 5 افراد زخمی ہوئے جنہیں فوری طورپراسپتال منتقل کردیا گیا۔
عینی شاہدین کے مطابق دھماکہ اتنا شدید تھا کہ دکان مکمل طور پرتباہ ہوگئی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ