کراچی میں بارشیں، انتظامیہ مفلوج،8افراد جاں بحق
اشاعت کی تاریخ: 30th, June 2025 GMT
لیاری موسیٰ لین میں عمارت کی چھت گرنے سے باپ ، بیٹی جاں بحق
معمولی بارشوں میں جگہ جگہ ٹریفک جام کے مناظر ، انتظامیہ غائب
کراچی میں ہونے والی بارش میں 2دنوں کے دوران مختلف حادثات میں 8افراد جاں بحق اور 7زخمی ہوگئے ۔ ریسکیو ذرائع کے مطابق لیاری موسیٰ لین میں عمارت کی چھت گرنے سے باپ اور بیٹی جاں بحق جبکہ خاتون اور بچوں سمیت 5 افراد زخمی ہوئے ۔ منظور کالونی گلی نمبر 1میں گھر کی چھت گرنے سے 1بچہ جاں بحق جبکہ باپ اور ایک بیٹا زخمی ہوگئے ۔ریسکیو ذرائع کے مطابق نیو کراچی سیکٹر 11جے میں گھر میں کرنٹ لگنے سے 40 سالہ گلفام جاں بحق ہوگیا جبکہ گولیمار فردوس کالونی میں دکان میں کرنٹ سے 22 سالہ میر جان جاں بحق ہوا۔سائٹ ایریا لیبر اسکوائر کمپنی میں کرنٹ لگنے سے 22سالہ کامران زخمی ہوا جبکہ سرجانی خدا کی بستی میں گھر میں کرنٹ لگنے سے 21 سالہ احمد جاں بحق ہوا۔ریسکیو ذرائع کے مطابق کورنگی بلال کالونی میں کرنٹ لگنے سے 17سالہ مدثر جاں بحق ہوگیا۔واضح رہے کہ بارشوں کے دوران جگہ جگہ پانی جمع ہونے سے ٹریفک کے نظام میں واضح خلل پیدا ہو گیا۔ معمولی بارشوں میں جگہ جگہ ٹریفک جام کے مناظر دیکھنے کو ملے۔ اس دوران انتظامیہ کا نام ونشان نظر نہیں آیا۔
.ذریعہ: Juraat
کلیدی لفظ: میں کرنٹ لگنے سے
پڑھیں:
کراچی میں موسم کی خرابی کے سبب پروازیں تاخیر کا شکار
کراچی میں موسم کی خرابی اور انتظامی مسائل کے سبب پروازیں تاخیر کا شکار ہوگئیں۔
فلائٹ شیڈول کے مطابق کراچی اور اسلام آباد کے درمیان آج آپریٹ ہونے والی 5 پروازوں میں 1 سے 9 گھنٹے کی تاخیر ہے جبکہ سکھر سے کراچی پی کے 636 اور کراچی سے تربت کی قومی ایئر لائن کی دو پروازیں پی کے 501 اور 502 بھی منسوخ کر دی گئیں۔
اسلام اباد سے کراچی روانہ ہونے والی نجی ملکی ایئرلائن کی پروازوں میں 6 تا 7 گھنٹے تاخیر ہے جبکہ پی آئی اے کی کراچی و اسلام آباد کی پروازیں پی کے 300 اور 301 میں ڈیڑھ گھنٹے کی تاخیر ہے۔
کراچی لاہور کے درمیان نجی ایئر لائن کی 4 پروازوں میں ایک سے 4 گھنٹے تاخیر ہے۔
دوسری جانب، ترجمان محکمہ موسمیات کے مطابق شہر میں آج مطلع ابرآلود رہنے کے ساتھ بوندا باندی اور ہلکی بارش ہو سکتی ہے۔
شہر میں شمال مشرق سے 22 کلو میٹر فی گھنٹہ کی رفتار سے ہوائیں چل رہی ہیں جبکہ موجودہ درجہ حرارت 31 ڈگری سینٹی گریڈ اور ہوا میں نمی کا تناسب 69 فیصد ہے۔
آج صبح کم سے کم درجہ حرارت 27 ڈگری سینٹی گریڈ ریکارڈ ہوا جبکہ زیادہ سے زیادہ درجہ حرارت 32 سے 34 ڈگری سینٹی گریڈ کے درمیان رہنے کا امکان ہے۔
کراچی، قائد آباد میں پولیس مقابلہ، ڈاکو زخمی حالت میں گرفتار، ایک فرار