ایران نے ترقی یافتہ اسلامی تہذیب کی بنیاد رکھ دی، حزب الله
اشاعت کی تاریخ: 30th, June 2025 GMT
اپنے ایک خطاب میں شیخ علی قماطی کا کہنا تھا کہ ہم لبنان کی خاطر یہ تلخ حالات سہہ رہے ہیں لیکن کچھ لوگ اس کی قدر نہیں کرتے اور اشتعال انگیز حرکتیں کرتے رہتے ہیں۔ اسلام ٹائمز۔ لبنان کی مقاومتی تحریک "حزب الله" کی پولیٹیکل کونسل کے ڈپٹی ڈائریکٹر "شیخ علی قماطی" نے کہا کہ آج ایمان و عقیدے پر مبنی طاقت سے لبریز خون نے تلوار فتح حاصل کی۔ انہوں نے ان خیالات کا اظہار بعلبک میں اسلامی جمہوریہ ایران کے ساتھ یکجہتی کے لئے منعقدہ تقریب سے خطاب میں کیا۔ اس موقع پر انہوں نے ہر قسم کے بحران میں شہید "سید حسن نصر الله" کے کردار و استقامت کا ذکر کیا۔ انہوں نے کہا کہ اسلامی جمہوریہ ایران نے رہبر معظم انقلاب "سید علی خامنہ ای" کی قیادت میں ترقی یافتہ اسلامی تہذیب کی ایک مثال قائم کی ہے۔ انہوں نے کہا کہ ایران نے علم، ترقی اور آزادی کے ذریعے ظلم و استعمار کا مقابلہ کیا۔ ایران نے مایوسی پھیلانے والوں اور غداروں کے باوجود کامیابی حاصل کی ہے۔ انہوں نے مزید کہا کہ "ڈونلڈ ٹرامپ" اور اس کے حواری حقائق کو مسخ کرنے کے ساتھ ساتھ ایران کی بہادر قیادت کی توہین کرنے کی کوشش کر رہے ہیں تاہم وہ ان کے مقام و مرتبے کو کوئی نقصان نہیں پہنچا سکتے۔
شیخ علی قماطی نے لبنان میں بعض سیاسی پارٹیوں کے کردار پر تنقید کی۔ اس ضمن میں انہوں نے کہا کہ ہم نے سیاسی انتخابات میں مثبت طور پر حصہ لیا لیکن حکومت نے لبنانی عوام سے جھوٹے اور گمراہ کن وعدے کئے۔ انہوں نے کہا کہ آج اس بات کی ضرورت ہے کہ مقاومت کے ہتھیاروں پر بات کرنے کی بجائے ہمارے علاقوں پر حملے بند کئے جائیں اور قیدیوں کو رہا کیا جائے۔ آخر میں انہوں نے کہا کہ استقامتی محاذ، لبنان کی حفاظت کی اپنی ذمہ داری سے کبھی پیچھے نہیں ہٹے گا۔ ہم لبنان کی خاطر یہ تلخ حالات سہہ رہے ہیں لیکن کچھ لوگ اس کی قدر نہیں کرتے اور اشتعال انگیز حرکتیں کرتے رہتے ہیں۔ شہید سید حسن نصر اللہ نے بھی ملک کی خاطر اکثر ایسی حرکتیں برداشت کیں۔ بہرحال سب جان لیں کہ ہم اپنی زمین پر کسی قبضے کو قبول نہیں کریں گے، اپنی عزت و وقار پر کوئی سمجھوتہ نہیں کریں گے اور استقامتی فرنٹ کو کمزور ہونے نہیں دیں گے۔
ذریعہ: Islam Times
کلیدی لفظ: انہوں نے کہا کہ لبنان کی ایران نے
پڑھیں:
تعزیت نامہ
اسلام ٹائمز: مرحومہ مکرمہ، جناب مرجعِ عظیم الشان کی شریکِ حیات تھیں، ایک باوقار، پارسائی و حیا کی پیکر، صابرہ و محتسبہ ماں اور باوفا زوجہ کی حیثیت سے اپنی پوری زندگی میں دینِ خدا، خدمتِ خلق اور تربیتِ نسلِ صالحہ کے لیے وقف رہیں۔ انہوں نے زہد و قناعت اور سادگی کے ساتھ اپنے شوہرِ گرامی کے مشنِ ولایت و مرجعیت میں عملی معاونت کی اور اپنی اولاد کو پاکیزہ تربیت و رزقِ حلال عطا کیا۔ بسم اللہ الرحمن الرحیم
إِنَّا لِلّٰہِ وَإِنَّا إِلَيْهِ رَاجِعُونَ
انتہائی دلی رنج اور غم کے ساتھ ہم مرجعِ عالی مقام، آیت اللہ العظمٰی سید علی حسینی سیستانی دام ظلّه الوارف کی خدمتِ اقدس میں اور آپ کے جلیل القدر فرزندانِ برومند حضرت آیت اللہ سید محمد رضا اور سید محمد باقر دامت برکاتهما سمیت تمام خانوادۂ مکرم کو تعزیت و تسلیت پیش کرتے ہیں۔ مرحومہ مکرمہ، جناب مرجعِ عظیم الشان کی شریکِ حیات تھیں، ایک باوقار، پارسائی و حیا کی پیکر، صابرہ و محتسبہ ماں اور باوفا زوجہ کی حیثیت سے اپنی پوری زندگی میں دینِ خدا، خدمتِ خلق اور تربیتِ نسلِ صالحہ کے لیے وقف رہیں۔ انہوں نے زہد و قناعت اور سادگی کے ساتھ اپنے شوہرِ گرامی کے مشنِ ولایت و مرجعیت میں عملی معاونت کی اور اپنی اولاد کو پاکیزہ تربیت و رزقِ حلال عطا کیا۔
وہ اپنے ربِّ رحیم کے حضور اور اجدادِ طاہرین علیہم السلام کی بارگاہ میں جا ملی ہیں۔ دعا ہے کہ خداوند متعال اُنہیں جوارِ معصومین علیہم السلام میں بلند مقامات سے نوازے اور ان کی حیات کو خصوصاً خواتینِ مکتب اور ازواجِ علماء و طلاب کے لیے ہمیشہ ایک مثالی نمونہ قرار دے۔ ہم دعا گو ہیں کہ پروردگارِ عالم آپ سب اہلِ خانہ کو اس عظیم صدمے پر صبرِ جمیل اور اجرِ عظیم مرحمت فرمائے۔
ولا حول ولا قوّة إلّا باللّٰہ العلي العظيم
المخلص فی العزاء
سید محمد باقر الحسینی
صدر انجمنِ امامیہ بلتستان
و نائب امام جمعہ و جماعت جامع مسجد سکردو، بلتستان
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بسم الله الرحمن الرحيم
إِنَّا لِلَّهِ وَإِنَّا إِلَيْهِ رَاجِعُونَ
ببالغ الحزن والأسى نتقدّم إلى مقام المرجع الديني الأعلى، سماحة آية الله العظمى السيد علي الحسيني السيستاني دام ظلّه الوارف، وإلى نجليه الكريمين آية الله السيد محمد رضا والسيد محمد باقر دامت بركاتهما، وإلى الأسرة الكريمة جمعاء، بأحرّ التعازي وأصدق المواساة. لقد كانت الفقيدة الكريمة، عقيلة المرجع العظيم، مثالاً للمرأة المؤمنة العفيفة، والزوجة الوفية، والأمّ الصابرة المحتسبة. عاشت حياتها في طاعة الله، والزهد والقناعة، مؤازرةً لزوجها الجليل في خدمة الدين ونصرة مدرسة أهل البيت عليهم السلام، ومنحت أبناءها التربية الصالحة والرزق الحلال.
وها هي اليوم تلتحق بربّها الرحيم وبأجدادها الطاهرين عليهم السلام. نسأل الله العلي القدير أن يتغمدها برحمته الواسعة، ويرفع درجاتها في جوار المعصومين عليهم السلام، ويجعل سيرتها قدوةً للنساء المؤمنات، ولا سيما زوجات العلماء وطلاب العلم. كما نسأله تعالى أن يمنّ على الأسرة الكريمة بالصبر الجميل والأجر الجزيل.
ولا حول ولا قوّة إلا بالله العلي العظيم
المخلص في العزاء
السيد محمد باقر الحسيني
رئيس جمعية الإمامّية في بلتستان
ونائب إمام الجمعة والجماعة في الجامع الكبير۔ سکردو، بلتستان
پاکستان اور آئی ایم ایف میں کلائمٹ فنانسنگ پروگرام کے تحت مذاکرات جاری