کے پی کے عوام کی طرف سے معافی مانگنے آیا ہوں؛ گورنر فیصل کریم کنڈی کی ڈسکہ آمد
اشاعت کی تاریخ: 30th, June 2025 GMT
سٹی 42 : خیبر پختونخوا کے گورنر فیصل کریم کنڈی سانحہ سوات میں ڈوبنے والوں کے لواحقین سے معافی مانگنے کیلئے ڈسکہ پہنچ گئے، گورنر سردار سلیم حیدر خان بھی اُن کے ہمراہ موجود تھے۔
خیبر پختونخوا کے گورنر فیصل کریم کنڈی معافی مانگنے کیلئے ڈسکہ گئے، تو لاہور سے پنجاب کے گورنر سردار سلیم حیدر بھی ان کے ساتھ گئے۔ دونوں گورنرز نے سانحہ سوات میں جانبحق ہونے والوں کے لواحقین سے ملاقات کی۔ انہوں نے سوگوار خاندان سے اظہار تعزیت کیا اور فاتحہ خوانی کی ۔
انارکلی : مکان کی چھت گر نے سےملبےتلےدب کر5افراد زخمی
خیبر پختونخوا کے گورنر فیصل کریم کندی نے کہا کہ کے پی کے عوام کی طرف سے معافی مانگنے آیا ہوں ، سانحہ کی ایف آئی آر وزیر اعلیٰ خیبر پختونخوا کے خلاف درج ہونی چاہئے، وزیر سیاحت کا قلمدان بھی انکے پاس ہے۔ انہوں نے کہاکہ 13 سال سے ایک پارٹی کی حکومت صوبہ پر مسلط ہے جسکا ایجنڈہ سیاحت کا فروغ ہے۔ قیدی نمبر 420 سانحہ سوات پر انسانی جانوں کے ضیاع کا جواب دیں۔
انہوں نے کہا کہ تین جانوں کو بچانے والے ریسکیو 1122 کے ڈرائیور کے شکر گزار ہیں۔
ایڈیشنل آئی جی مرزا فاران بیگ کا تبادلہ، نوٹیفکیشن جاری
گورنر پنجاب سردار سلیم حیدر نے کہا کہ کے پی کے میں لمبے عرصہ سے ایک پارٹی کی حکومت ہے مگر انتظامی نااہلی سے سانحہ ہو گیا، سیلابی ریلے میں پھنسے لوگ بےبسی سے ڈوب گے اور ریسکیو 1122 اور انتظامیہ کچھ نہ کر سکے۔ انہوں نے کہا کہ یہ جانیں بچ سکتی تھیں، ریسکیو 1122 کے پاس رسیوں کے علاوہ کچھ نہ تھا، جنگ زدہ ملکوں میں انسانی جانوں کو بچانے کا نظام ہوتا ہے مگر کے پی میں انتظامی مشنری ناکام رہی۔
باٹا پور:خاتون اور اس کے بچوں کو ہراساں کرنیوالا ملزم گرفتار
سردار سلیم حیدر نے کہا کہ اپنے پیاروں کے سامنے سیلابی ریلے میں ایک ہی خاندان کے 10 افراد بہہ گے، سوات کے سانحہ پر پوری قوم افسردہ ہے، دل خون کے آنسو رو رہا ہے۔
.
ذریعہ
ذریعہ: City 42
کلیدی لفظ: خیبر پختونخوا کے سردار سلیم حیدر گورنر فیصل کریم معافی مانگنے نے کہا کہ کے گورنر انہوں نے
پڑھیں:
شارع فیصل، کس لین میں گاڑی چلائی تو چالان نہیں ہوگا؟
کراچی میں شارع فیصل پر ٹریفک کی روانی کو بہتر بنانے کے لیے ٹریفک لین کی پاسداری کرانے کے لیے قوانین پر سختی عملدرآمد کیا جارہا ہے۔
ٹریفک لین کی خلاف ورزی پر 24 گھنٹوں کے دوران 96 چالان جاری کیے گئے ہیں۔
کراچی میں ٹریفک جام اور حادثات کی بڑھتی ہوئی تعداد کے پیچھے کئی وجوہات ہیں، لیکن ایک بڑی وجہ ٹریفک قوانین کی خلاف ورزی ہے۔
شہر کی سڑکوں پر مختلف گاڑیوں کے لیے مخصوص لینز تو موجود ہیں، اور زیادہ تر شہری اس بات سے واقف بھی ہیں کہ کون سی لین کس قسم کی گاڑی کے لیے مختص ہے، مگر وقت بچانے اور جلد منزل تک پہنچنے کی دوڑ میں اکثر لوگ ان اصولوں کو نظرانداز کر دیتے ہیں۔
ٹریفک قوانین کی خلاف ورزی کو روکنے اور سڑکوں پر نظم و ضبط بہتر بنانے کے لیے ٹریفک پولیس نے پہلے ہی ای-ٹکٹنگ سسٹم نافذ کیا ہوا ہے، لیکن اب شارع فیصل پر لین کی خلاف ورزی کرنے والوں کو خودکار طریقے سے جرمانے جاری کیے جائیں گے۔
ڈی آئی جی ٹریفک پیر محمد شاہ کے مطابق ٹریفک جام کی صورت میں شہریوں کو لین تبدیل کرنے کی رعایت ہے، لیکن سست ٹریفک پر شہریوں کو مقررہ لین میں ہی رہنا ہوگا اور ہیوی بائیک رائڈرز بھی لین کی خلاف ورزی کریں گے تو چالان ہوگا۔
دوسری جانب شہریوں نے اس اقدام کو ٹریفک نظم و ضبط کی جانب ایک مثبت پیشرفت قرار دیا ہے۔
ان کا کہنا ہے کہ قوانین پر مؤثر عملدرآمد کے ساتھ ساتھ عوامی آگاہی بھی انتہائی ضروری ہے تاکہ زیادہ سے زیادہ لوگ نئے نظام اور لین ڈسپلن کے اصولوں سے واقف ہو سکیں۔
قانون تو موجود ہے، اب اصل امتحان اس پر عملدرآمد اور شہریوں کے تعاون کا ہے۔ اگر دونوں ساتھ چلیں تو شاید کراچی کی سڑکیں زیادہ محفوظ اور منظم بن سکیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ