عادی جرائم پیشہ شخص حسین شولو کی پڑوسی کی بچی سے دست درازی کی کوشش
اشاعت کی تاریخ: 1st, July 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر)ہوسڑی پبن تھانہ کے گوٹھ حسین خان نوہڑا میں عادی جرائم پیشہ شخص حسین شولو کی پڑوسی کی بچی سے دست درازی کی کوشش،بچی عزت بچانے کے لیے چیختے ہوئے بھاگی تو ملزم نے فائرنگ کر کے اسے زخمی کر دیا، بچی کو سول اسپتال حیدرآباد میں داخل کرایا گیا ہے، با اثر افراد کا ملزم کو بچانے کیلیے پولیس پر دباؤ، حیدرآباد کے علاقے ہوسڑی پبن تھانہ کی حد میں واقع گوٹھ حسین خان کے محنت کش عبداللہ ولد حاجی خاصخیلی کی مدعیت میں ایف آئی آر نمبر2025 /209 زیر دفعہ 324 پی پی سی درج کی گئی ہے، ایف آئی آر میں عبداللہ خاصخیلی نے کہا ہے کہ اس کی 13 سالہ بیٹی عرشنہ اتوار کو صبح حسین عرف شولو پتافی کے محلے میں واقع گھر سے پانی بھرنے گئی تھی تو وہ خود اور اس کا کزن قربان علی ولد صفر گلی میں موجود باتیں کر رہے تھے کہ چند منٹ بعد ہم نے دیکھا کہ میری بیٹی عرشنہ چیختی چلاتی گلی میں بھا گتی ا ٓرہی اور اس کے تعاقب میں ملزم حسین بخش شولو اسے روکنے کے لیے چلاتا ہوا بھاگتا آ رہا ہے جب وہ نہیں ِرکی تو ملزم نے پستول سے اس پر سیدھا فائر کر دیا جس پر میری بیٹی گر گئی، ملزم ہمارے للکارنے پر فرار ہو گیا، ہم نے بھاگ کر جا کرعرشنہ کو اٹھایا، گولی لگنے سے اس کی ٹانگ شدید زخمی تھی اور خون بہہ رہا تھا ،ہم اسے اٹھا کر اسے سول اسپتال حیدرآباد لائے جہاں اسے داخل کرایا گیا اور وہ زیر علاج ہے، عبداللہ خاصخیلی کا کہا ہے ملزم حسین عرف شولو ولد احمد خان پتافی جرائم پیشہ گروہ سے تعلق رکھتا ہے ،منشیات کا کاروبار کرنے والے با اثر افراد سے بھی اس کے رابطے ہیں ،وہ محلے دار ہے، میری بیٹی اس کے گھرپانی بھرنے گئی تو ملزم نے اس سے دست درازی کی کوشش کی،با اثر ملزم اور اس کے سرپرستوں کی طرف سے پولیس پربھی دبائو ڈالا جا رہا ہے جس کے باعث ایف ائی آر درج ہونے کے باوجود پولیس کو گرفتار کرنے لے سلسلے میں ٹال مٹول کر رہی ہے۔
.
ذریعہ
ذریعہ: Jasarat News
پڑھیں:
کراچی: کیماڑی میں 6 سالہ بچی کے اغوا اور قتل میں ملوث مرکزی ملزم مبینہ پولیس مقابلے میں ہلاک
کراچی کے ساحلی علاقے کیماڑی میں پولیس نے ایک 6 سالہ بچی کے اغوا اور سفاکانہ قتل میں ملوث مرکزی ملزم کو مبینہ پولیس مقابلے کے دوران ہلاک کرنے کا دعویٰ کیا ہے۔
پولیس ترجمان کے مطابق یہ پیش رفت جیرکسن تھانے کی حدود میں پیش آئی، جہاں مبینہ ملزم کی موجودگی کی اطلاع پر پولیس پارٹی نے مبارک مسجد کے قریب چھاپہ مارا۔ پولیس کو دیکھتے ہی ملزم نے اہلکاروں پر براہِ راست فائرنگ شروع کر دی، جس پر پولیس نے بھی جوابی فائرنگ کی۔ اس تبادلے میں ملزم گولی لگنے سے شدید زخمی ہوا اور بعد میں دم توڑ گیا۔
یہ بھی پڑھیں: کمسن بچی کے قتل کیس میں مجرم کی اپیل مسترد، سزائے موت برقرار
تفتیشی حکام کا کہنا ہے کہ ملزم تک رسائی مختلف علاقوں کی سی سی ٹی وی فوٹیج کی تفصیلی جانچ پڑتال اور دیگر تکنیکی و جغرافیائی شواہد کی مدد سے ممکن ہوئی۔ اس سے قبل، معصوم بچی کی لاش منوہرہ کے قریب جھاڑیوں سے برآمد ہوئی تھی۔
پولیس سرجن ڈاکٹر سمیہ سید نے میڈیکو لیگل کا جائزہ لینے کے بعد تصدیق کی کہ بچی کو بدترین جنسی تشدد اور جسمانی تشدد کا نشانہ بنایا گیا ہے، جبکہ اس کے پورے جسم پر تشدد کے واضح نشانات موجود ہیں۔ بچی کی موت کی حتمی وجہ کا تعین فارنسک لیبارٹری کو بھیجے گئے نمونوں کی رپورٹ آنے کے بعد کیا جائے گا۔
یہ بھی پڑھیں: پشاور: 8 سالہ بچی مبینہ زیادتی کے بعد قتل، لاش ہمسائے کے صندوق سے برآمد
پولیس کے مطابق جیرکسن تھانے میں پہلے ہی بچی کے اغوا اور قتل کے حوالے سے پاکستان پینل کوڈ کی دفعات 364-A اور 302 کے تحت مقدمہ (FIR No. 265/2026) درج تھا۔ اب پولیس مقابلے کا ایک الگ کیس بھی اسی تھانے میں درج کیا جا رہا ہے اور کرائم سین کو سیل کر کے تمام سائنسی و فارنسک ثبوت تحویل میں لے لیے گئے ہیں۔
اس واقعے سے چند ہی دن قبل بھی کراچی میں 6 سالہ بچے کے اغوا، زیادتی اور قتل کے الزام میں ایک 20 سالہ نوجوان کو گرفتار کیا گیا تھا، جس کی لاش بوری میں بند کر کے ویران پلاٹ پر پھینکی گئی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پولیس مقابلہ زیادتی قتل کراچی کمسن بچی ملزم ہلاک
ٹی20 ورلڈ کپ 2026: پاکستان نے سپر 8 کے لیے جگہ پکی کر لی