نفرت انگیز بیانیے معاشرتی ترقی اور امن کیلئے خطرہ ہیں، راغب نعیمی
اشاعت کی تاریخ: 1st, July 2025 GMT
چیئرمین اسلامی نظریاتی کونسل کا کہنا ہے کہ علماء کرام معاشرتی ہم آہنگی اور مذہبی رواداری کے فروغ میں کلیدی کردار ادا کر سکتے ہیں، اس لیے وہ منبر و محراب کے ذریعے محرم الحرام میں امن، اتحاد اور یگانگت کا پیغام دیں۔ اسلام امن و سلامتی کا دین ہے جو اخوت، یکجہتی، محبت، بھائی چارہ اور احترام انسانیت اور خدمت انسانیت کا درس دیتا ہے۔ اسلام ٹائمز۔ چیئرمین اسلامی نظریاتی کونسل علامہ ڈاکٹر راغب حسین نعیمی نے کہا ہے کہ نفرت انگیز بیانیے معاشرتی ترقی اور امن کیلئے خطرہ ہیں۔ علماء معاشرے میں اخوت و بھائی چارے اور روادری کو فروغ دیں۔ علماء کرام معاشرتی ہم آہنگی اور مذہبی رواداری کے فروغ میں کلیدی کردار ادا کر سکتے ہیں، اس لیے وہ منبر و محراب کے ذریعے محرم الحرام میں امن، اتحاد اور یگانگت کا پیغام دیں۔ اسلام امن و سلامتی کا دین ہے جو اخوت، یکجہتی، محبت، بھائی چارہ اور احترام انسانیت اور خدمت انسانیت کا درس دیتا ہے۔ ان خیالات کا اظہار انہوں نے جامعہ نعیمیہ لاہور میں برطانیہ سے آئے معروف روحانی پیشواء صاحبزادہ پیر سید محمد احسن شاہ نوشاہی قادری کی سربراہی میں ملنے والے وفد سے گفتگو کرتے ہوئے کیا۔
دینی رہنماؤں نے علمی، تحقیقی، فقہی و فلاحی اور عالم اسلام کو درپیش چیلنجز سمیت دیگر باہمی دلچسپی کے امور پر تبادلہ خیال کیا۔ ملاقات کرنیوالے میں قاضی عبدالغفار، صاحبزادہ پیر محمد حفیظ اظہر، مفتی محمد عمران حنفی، قاری محمد رفیق نقشبندی شامل تھے۔ وفد نے مفتی محمد حسین نعیمیؒ، شہید پاکستان ڈاکٹر محمد سرفراز نعیمی شہیدؒ کے مزارات پر حاضری بھی دی۔ وفد نے کمپیوٹر لیب، لائبریری ہال، مختلف کلاس رومز کا بھی دورہ کیا۔ پیر سید محمد احسن شاہ نوشاہی نے ادارے کی تعلیمی و فلاحی خدمات کو سراہتے ہوئے کہا کہ ڈاکٹر سرفراز نعیمی شہید کی دینی، ملی اور قومی خدمات لائق تحسین ہیں۔مدارس فروغ تعلیم اور اصلاح معاشرے میں اہم کردار ادا کر رہے ہیں۔
ذریعہ
ذریعہ: Islam Times
پڑھیں:
صدر آصف علی زرداری سے بلوچستان کے صوبائی وزراء کی ملاقات
ویب ڈیسک: صدرِ مملکت آصف علی زرداری سے بلوچستان کے صوبائی وزراء کی بلاول ہاؤس کراچی میں ملاقات ہوئی جس میں بلوچستان میں امن و امان، ترقیاتی منصوبوں اور صوبے کی مجموعی صورتحال پر تبادلہ خیال کیا گیا۔
صدر ِمملکت نے بلوچستان میں ترقی کے عمل کو مزید تیز کرنے کی ضرورت پر زور دیتے ہوئے کہا کہ بلوچستان کے عوام کو بنیادی سہولیات کی فراہمی اور صوبے کی ترقی حکومت کی اولین ترجیحات میں شامل ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
انہوں نے بلوچستان میں جاری ترقیاتی منصوبوں پر پیش رفت تیز کرنے کی ہدایت کی۔
صدر مملکت نے کہا کہ بلوچستان کی ترقی، امن و امان کی صورتحال کو بہتر کرنے، عوامی فلاح اور صوبے میں معاشی سرگرمیوں کے فروغ کے لیے تمام متعلقہ ادارے مربوط انداز میں کام کریں۔
ملاقات میں صوبائی وزیرِ آبپاشی صادق عُمرانی، وزیرِ منصوبہ بندی و ترقی ظہور بلیدی، وزیرِ صحت میر بخت کاکڑ، وزیرِ لائیو اسٹاک سردار فیصل جمالی، وزیرِ صنعت و تجارت کویار ڈومکی، وزیرِ محنت غلام رسول عُمرانی اور پاکستان پیپلز پارٹی بلوچستان کے سینئر نائب صدر میر علی حسن زہری شریک تھے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
ٹی20 ورلڈ کپ 2026: پاکستان نے سپر 8 کے لیے جگہ پکی کر لی